ابوعثمان
12-15-2010, 08:57 PM
(اشكر الاعضاء الكرام على مرورهم الكريم على مشاركاتى المتواضعة.
وما وجدته من قبال على ما كتبته من مفاطع شجعنى ان انشر القصيدة كاملة وهى من تأليفى)
الحب الكامن فى جوانا
مالى علينا الكون بالبسمة
وفارى جناحو
شارب من الالفة حضورو
وشايل منك إنتى صراحو
وبين كلماتى وفى عينيك
شارى ومادد فينا براحو
الشوق الرامى علينا فروعو
وقل الحيلة وكترة خوفك
سايق ديمة خطاي عليك
وفارض فكرة إني أشوفك
ولحظة إنك إنتى معاى
وأبدأ أفتش فى جواى
عن باقينا الما لاقنو
وعن ماضينا الما عارفنو
وعن واقعنا الما عايشنو
وعن مستقبل
ما إتحدد لسة مسارو
وخايفين منو
ونبدأ نعاين ليوم بكرة
ولما عيونك تبقى بعيدة
بترجع منك باقى الفرحة
وتنسج فينا خيوط الالفة
وردة وضحكة
وحفلة جميلة
صفقة ورقصة
وغنوة عيد
وبكرة أكيد
الدنيا حا تبسم
وتفتح لينا دروب السكة
وتبقى الفرقة البينا قريبة
حلم امبارح
وأمل الليلة
بكرة بيصبح لينا حقيقة
ونبقى اثنين بيناتم ريد
نزرع وردة
ونشتل منية
ونجنى محنة
وحب أكيد
وتبقى الوردة
وطول السكة
وكل الدنيا شاهدة علينا
وما وجدته من قبال على ما كتبته من مفاطع شجعنى ان انشر القصيدة كاملة وهى من تأليفى)
الحب الكامن فى جوانا
مالى علينا الكون بالبسمة
وفارى جناحو
شارب من الالفة حضورو
وشايل منك إنتى صراحو
وبين كلماتى وفى عينيك
شارى ومادد فينا براحو
الشوق الرامى علينا فروعو
وقل الحيلة وكترة خوفك
سايق ديمة خطاي عليك
وفارض فكرة إني أشوفك
ولحظة إنك إنتى معاى
وأبدأ أفتش فى جواى
عن باقينا الما لاقنو
وعن ماضينا الما عارفنو
وعن واقعنا الما عايشنو
وعن مستقبل
ما إتحدد لسة مسارو
وخايفين منو
ونبدأ نعاين ليوم بكرة
ولما عيونك تبقى بعيدة
بترجع منك باقى الفرحة
وتنسج فينا خيوط الالفة
وردة وضحكة
وحفلة جميلة
صفقة ورقصة
وغنوة عيد
وبكرة أكيد
الدنيا حا تبسم
وتفتح لينا دروب السكة
وتبقى الفرقة البينا قريبة
حلم امبارح
وأمل الليلة
بكرة بيصبح لينا حقيقة
ونبقى اثنين بيناتم ريد
نزرع وردة
ونشتل منية
ونجنى محنة
وحب أكيد
وتبقى الوردة
وطول السكة
وكل الدنيا شاهدة علينا