|
مسلسل ماجدة وسعيد .. تعالوااا
بما أن فيه عنصرية هنا وحزب حواء مسيطر على الاجواء قلت أنقل لكم القصة الحلوة دى ونشوووف .. ونتابع :) الحلقة الأولى http://images.panet.co.il/articles/27062007-12603-1.jpg سعيد : آى آى فيه إيه يا ماجده ماجده : إصحى يا فالح مين( فاتن ) اللى عمال تنادى عليها وأنت نايم بتحب عليا يا سعيد ..يالهوى .. يالهوى ..بعد ده كله نايم بتحلم لى بالستات قوم قول لى مين فاتن دى ..عارف لو ما قلتش حيجرالك أيه ..حخنقك وأكتم نفسك بالمخده وأخلص منك سعيد : إبعدى ياوليه المخده دى عن وشى حتخنق يا بنت المجنونه ماجده : إتعدل كده وإحكى لى مين فاتن دى أن ما سميتك وخلصت منك ما بقاش أنا ماجده ..كل يوم عمال تحلم لى بإسم شكل إمبارح كانت سعاد وأول كانت ثناء وأول أول كانت سميره وغيرها وغيرها ..هو فيه ايه ياراجل كل الستات دى بتعرفها امتى وفين ؟ إررر.. وإعترف يا فلاتى ياراجل ياهلس قول سعيد :إبعدى إيديكى عنى وخلينى أروح الحمام الأول ماجده : مفيش مرواح الحمام ألا لما تحكى لى مين فاتن دى سعيد : مش قادر يا ماجده حرام عليكى أنا على آخريى ماجده : برضه مش حسيبك إلا لما تقول سعيد وهو يفلفص من إيدين ماجده التى كبست بكل وزنها على صدره حقول كل حاجه بس سيبينى يجرى سعيد على الحمام ويغلق الباب خلفه..ووقفت ماجده على الباب فى إنتظاره ماجده : أنت فاكرك أنك هربت أن شالله تقعد جوه لحد بالليل أنا قاعدالك ..وأحضرت كرسى وجلست أمام باب الحمام وهى تسن السكاكين سعيد : إيه الصوت ده يا ماجده ماجده من الخارج : أنا بسن السكاكين والساطور ياحبيبى سعيد : ليه يا ماجده إحنا ماعندناش لحمه فى التلاجه ماجده : بس عندنا لحمه فى الحمام أن ما قطعتك كباب حلة وشويت ريشك وفرمتك سعيد : السلاح يطول يا ماجده ..حتودى نفسك فى داهيه عشان حتة حلم ماجده : هو حلم واحد يامجرم ده أنت شغال أحلام بقالك أكتر من ست أشهر وكل يوم تنادى على واحده شكل..أن ماوريتك يا سعيد بس أطلع سعيد من الداخل : أنا مريض يا ماجده حتى أسألى الدكتور(بسيونى ) ماجده : بسيونى..آلهى يولع بجاز هو كمان ..أنا مش عارفه الدواء اللى كاتبهولك خلاك زيدت فيها بدل ماكان حلم واحد فى الليله أصبح حلمين تلاته وأنا بتفرس جنبك ..شهل أطلع أحسن لك سعيد : حرام عليكى يا ماجده عايز أروح الشغل بقالى يومين غايب وحيخصموا من الماهيه وقليل ما كان فيها تحقيق ماجده: إن شالله يخصموا الماهيه كلها ويحولوا أوراقك على المفتى قادر ياكريم..كفايه مستحملاك ومستحمله قرف عيالك وعماله كل يوم أغير فى شكلى وفى لبسى زى ما قالى صخام البرك دكتور الهم والغم بتاعك.. أنك فى يوم ياندل تحلم وتنادى أسم ماجده..مفيش فايده أطلع بره أحسن لك (سعيد يفتح الباب قليلا وهو يقف خلفه) ماجده :أطلع يا سعيد ماتخلنيش أتهور وأهد الحمام على دماغك سعيد : أهدى بس يا ماجده وأنا حقول لك كل حاجه ماجده : طب أطلع خلصنى عشان عايزه الحمام تدخل ماجده الحمام ويسرع سعيد إلى غرفة النوم ليأخذ ملابسه(فينسى جزمته وينزل وهو لابس الشبشب) ويفر خارج الشقه ليكمل أرتدائها على السلم فيصادف خروج مدام صفاء من شقتها لتفرغ ال------------------------- فتجد سعيد يحاول أن يلبس البنطلون وهو واقف بملابسه الداخليه مسندا ظهره على باب شقتها فتفتح فيقع سعيد أمامها فتفزع وترقع بالصوت فيجرى سعيد على السلم ليكمل ملابسه فى الشارع ماجده تنادى على سعيد من البلكونه : خد الجزمه يا سعيد( طراخ بوم تسقط فردة جزمه فى الشارع والفرده التانيه فى بلكونة الأستاذ نصحى (الذى يغار على عروسته الجديده ويشاكل دبان وشه لمن يجرأ أن ينظر لها فيكون مصيره لكمه قويه تطيح بصف أسنانه) سعيد من تحت : يامفتريه مالقتيش إلا البلكونه دى ترمى فيه فردة الجزمه ماجده من فوق : أحسن.. أطلع لنصحى بقا وأستلقى وعدك سعيد يكلم نفسه: النهار باين من أوله خلصنا من ماجده نلاقى نصحى يامنجى من المهالك يارب أعمل أيه لازم أجيب فردة الجازمه عشان أروح الشغل لو ماكنتش ماجده سنّه السكاكين كان الواحد طلع لبس جزمه تانيه وما يصطبحش بوش نصحى (ماجده من أمامكم ونصحى خلفكم فأين المفر) أستعنا على الشقا بالله. |
رد: مسلسل ماجدة وسعيد .. تعالوااا
هههههههههههههههههههههههه يووووووووووووه منكم انتوا يا رجااااااااااااااااله..!!؟ ده انتوا متجوش الا بالعين الحمرا وياااااااااريت لو ينفع معاكووو جدعه والله ماجده ههههههههههههههههههههههههه هههههههههه بحيييها انا طب بس بسرعه وحياتك ياعم احمد نزل الحلقه التانيه :) |
رد: مسلسل ماجدة وسعيد .. تعالوااا
هههههههههههههههههه جنة صبركم عليا قريبا الحلقة التانية يسلمووا علىالمرور الرائع |
رد: مسلسل ماجدة وسعيد .. تعالوااا
احمد المصرى
طرح مميز ولكن لم اتعمق به لى عووودة للقراءة بتمعن والرد سلمت على طرحك ننتظر البقية اسعدك الله |
رد: مسلسل ماجدة وسعيد .. تعالوااا
نور يسلمووا على المرور ننتظر عودتك دوما بكل خير |
رد: مسلسل ماجدة وسعيد .. تعالوااا
هتشمتهم فينا يامصرى
مفيش حد غير سعيد الموكوس ده ربنا يسامحك |
رد: مسلسل ماجدة وسعيد .. تعالوااا
هههههههههههههههههههه ابو عبد الرحمن .. هما مفترين وجبارين تابع معانا ويارب ينتصر عليها سعيد الموكوس هههههههههههه يسلمووا على مرورك الرائع |
رد: مسلسل ماجدة وسعيد .. تعالوااا
الحلقة الثانيه مدام ميمى يصعد سعيدالسلم للدور الثالث حيث شقة الأستاذ نصحى ويرن الجرس ويرجع بسرعه للخلف وهويضع يده على وجهه أتقاء لأى لكمه مفاجأة ينفتح الباب ويسمع صوت حريمى كله دلع ميمى: ميييين أستاذ سعيد أتفضل سعيد: شكرا يامدام ميمى أصلى مستعجل وعايزأروح الشغل ..لا مؤأخذه فردة جزمتى وقعت عندكم فى البلكونه ميمى: طب أدخل خودها ياروحى أحسن أيديا مش فاضيه سعيد: لا بلاش وحياتك تجيبيها إنتى ميمى: أنت حر تبقى تعدى فى وقت تانى يكون نصحى جه من البيت التانى يدهالك بنفسه( وهى تشاور على أنفه بالبوكس لتذكره بالعقاب ) سعيد: هو نصحى بيه مش هنا ميمى: لأ ياروحى لأ ياحبوب ..أخلص أدخل خد جزمتك وخلصنا ( تقوم ميمى بجذبه من ذراعه وتدخله الشقه وتغلق الباب) :عندك تلات بلكونات فى التلات أوض أدخل دور على جزمتك وخدها وغور قبل ما نصحى ييجى يطين عشتك..حاضر ياستى ميمى يدخل البلكونه فيجد فردة الجزمه معلقه على فرعالشجره القريبه من البلكونه يحاول أن ينط ليصل إليها ولكن هيهات فينادى على مدام ميمى لتحضر له سلم ميمى: أخلص نزل جزمتك دى فى يومك اللى مش معدى سعيد: لو سمحتى ياست ميمى أمسكى لى السلم أحسن أقع فى الشارع ميمى: بسرعه خلصنى الله يخرب بيتك الراجل ممكن ييجى فى أى وقت سعيد وهو يتراقص فوق السلم ويقفز للوصول لفردة الجزمه فيختلتوازنه وينقلب فوق ميمى ليفترشا الأرض ...يغمى على ميمى من قوة إرتطام جسم سعيد بها ولاتضع منطق ..يقف سعيد فى ذهول فقد أعتقد بأنها ماتت فيجرى فى أتجاه الباب عدة مرات ثم يعود وهو يلطم يالهوتى يالهوتى منك لله ياماجده يامفتريه أعمل إيه فى النصيبه دى أعمل إيه يارب أسترها معايا ..يقوم بسحب جسد ميمى من البلكونه ليدخلها غرفة النوم ويرفعها بصعوبه ليضعها على السرير ويغطيها ويهم بالخروج فيسمع جرس الباب فيقوم بغلق الباب من الداخل يستمر الجرس فى الرنين بعنف والخبط بقوة ثم يسمع صوت نصحى وهو ينادىأفتحى ياميمى أفتحى ياحبيبتى ..ميمى..ميمييييييييى يختبئ سعيد وراء ستارة فى المدخل ..بوم بوم بوم طااااخ وأنفتح الباب على مصراعيه ويجرى نصحى فى أتجاه الغرفه التى ترقد فيها ميمى ويستغل سعيد فرصة إنشغال نصحى بأفاقة زوجته ويتسلل خارجا من باب الشقه ويجرى بأقصى سرعة إلى الطابق السادس ويفتح الباب ويغلقه بالترابيس ويجلس على أقرب مقعد وهو يلتقط أنفاسه اللاهثه وهويحمد ربنا أن نجاه من هذا الموقف وهو يتخيل نفسه ونصحى يفصص جسده ويكيل له اللكمات القاتله وهو فى ذهوله وأعيائه يجد يد تقبض عليه بعنف من الخلف فيقفز مذعوراليجد ماجده واقفه أمامه وهى تضحك .. سعيد يتنبه انه بفردة جزمه وحيده فيصرخ: .الجزمه ..الجزمه ..ميمى الجزمه ..نصحى حيموتنى ياماجده ( ويلطم على وجهه ) تضحك ماجده: ياريت عشان أخلص من أحلامك السافله ..ما تخفش فردة الجازمه رماه ا(نصحى) فى الشارع أنزل جبها سعيد: مش عايزها وآدى الفرده التانيه ( يقذفها من البلكونه فتسقط هى الأخرى فى بلكونة الأستاذ نصحى ) ويسمع صوته وهو يشتم ويتوعد بالويل والثبور وعظائم الأمور للجيران الحثالة الذين يقذفونه بالجزم نصحى ينادى على البواب : عبده عبدوووه أصحى ياراجل يا تنبل ..الجزم دى بتاعة مين عبده يبرم شاربه ويضحك ضحكه خبيثهفتظهر سنته الوحيده :الدزمه دى مجاس 42 بتاعة الأستاذ سعيد اللى فى الدور السادس كل يوم بنطلع له واحده ولاأتنين ..مفيش غيره يا نصحى بيه أطلع له نصحى : متأكد يا عبده عبده : ألا متأكد هىدزمة الأستاذ سعيد أناحتوه عنها ده يامه وقعت على دماغى يابوى..أطلع له ياراجل وأنا حا تصل بالأسعاف نصحى : بلاش أسعاف أتصل بمشرحة زينهم ياعبده عبده : هع أهو كده الرداله..بس لوسمحت يانصحى بيه وحياة أبوك خلص عليه دوه فى شجته علشان أنا لسه ماسح السلم..هعخخخخخخخخخ |
رد: مسلسل ماجدة وسعيد .. تعالوااا
ههههههههههههههههههههه والله صعب عليا الراجل ده ههههههههههههههههههههههه بس يستاهل ههههههههههههههه تسلم يا عم احمد |
رد: مسلسل ماجدة وسعيد .. تعالوااا
ههههههههههههههههههه جنة لييييه بس .. الرجالة طيبين يسلمووا على روعة الطرح دعواتى لكى بالصحة والعافية |
رد: مسلسل ماجدة وسعيد .. تعالوااا
الحلقة الثالثة ماجده تقابل رامبو ماجده تلطخ يديها وملابسها والسكاكين بصلصة الطماطم وتجلس فى أنتظار وصول نصحى يرن جرس الباب فتفتح ماجده الباب وهى تمسك سكين طويله فى يد وساطور فى اليد الأخرى وعليهم أثار الجريمه الحمراء وهى رابطه رأسها بمنديل أبيض وعليه بقع الصلصه ومنديل آخر تربطه على فمها وأنفها يشبهالكمامه نصحى يشاهد منظرها فيخاف ويرجع للخلف ماجده: كويس أنك جيت يانصحى تعالى أمسك معايا نصحى : أمسك إيه يا مدام ماجده:رجلين الراجل الميت علشان أشفيها نصحى : راجل ميت مين يامدام ( يتكلم وهو يتراجع للخلف ) ماجده: سعيد جوزى ..تعالى قرب أنا حطه الجثه فى البانيو نصحى يبعد أكثر ويستعد للهرب : جثه ورجلين وحتشفى وأمسك معايا ..أنتى دبحتى جوزك ياست ماجده ماجده: أيووه.. يستاهل كل شويه يحدف جزمته من البلكونه طهقت منه قلت أخلص عليه ..ماتيجى تمسك معايا وأنت واقف زى الهلف كده أتحرك ياجدع لغزك وأنزل كرشك المدلدل ده على الأرض إنما إنت كنت عايز أيه وبتخبط علينا ليه ؟؟ نصحى : مش عايز حاجه ..مفيش ..سعيد وحشنى جيت أشوفه ماجده تكبس عليه أكتر وهى تضع السكينه بين عينيه..هيه عايز تشوفه نصحى : بلاش وقت تانى متشكر متشكر أعدى فى وقت تانى صوت سعيد وهو ينادى على ماجدة: ماجدة مااااجده مين معاكى بره ماجده (فى سرها..الله ياخرب بيتك ياسعيد حتبوظ الشغل) حاضرياحبيبى أخلص من الحته الملظلظه دى وآجى أشفيك نصحى ينظر بأستغراب : ده سعيد لسه عايش ماجده:غريبه رغم أنى دبحاه وشاربه من دمه كبيتين من ساعه عفريته يلحق يطلع ..تعال معايا نشوف الحكايه دى وتمسك قصادى العفريت عشان ندبحه هو كمان يضع نصحى ديله فى أسنانه وهويجرى يااااامه إلحقونى إلحقونى مجنونه مجنونه إلحقوووونى ماجده تطل من على السلم وهى تنادى : أطلع يانصحى ياخواف ياجبان بس عاملى غضنفر على الفاضى..بتجرى ياجبان اخص عليك راجل خسع تدخل ماجده وتغلق الباب وتكشف الغطاء عن سعيد فتجده يغط فى النوم ماجده: ماشى ياسعيدي عنى مش حتصحى وتستدير لتخرج من الغرفه فتسمع صوتسعيد وهو يحلم وينادى : سميره ..سميررره تعالى ياحبيبتى تصرخ ماجده وتقفز فوق سعيد وتخنقه بيديها يتبع .. قريباً |
رد: مسلسل ماجدة وسعيد .. تعالوااا
هههههههههههههههههههههه ههههههههههههههههههههههااا ااي لا بجد هو بقى عاوز الدبح بقى الست تعبانه وعامله فيهاعشماوي وهو بيقوول سميرة ..!!؟؟ ان شااااالله يااااااااارب تخنقه وتطلع العفاااااريت الزرق على جثته ههههههههههههههههههه ههههههههههههههههههههههههه هههههههههههههه |
رد: مسلسل ماجدة وسعيد .. تعالوااا
ليييييييييييه يا جنة طلعتى من المفترين ههههههههههههههههههه يسلموووووا على المرور دعواتى لكى بكل الخير |
رد: مسلسل ماجدة وسعيد .. تعالوااا
ههههههههههههههههههههههههه ه
مافيش فايدة برضه بيعصبها بس ماجدة دى جااامدة وعجبانى وهما اصلاالرجالة مش بيجوا غير بكده كملى ياماجدة ونحن وراااائك |
رد: مسلسل ماجدة وسعيد .. تعالوااا
ههههههههههههههههه نضيف شريرة تانية الى جوار ماجدة ههههههههههههههه سلسبيلااا يسلمووا على جمال مرورك دعواتى لكى بالصحة والعافية |
| الساعة الآن 01:02 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by