|
فنان الشعب سيد درويش
فنان الشعب سيد درويش هو فنان شعبي قدم العديد من الألحان الرائعة والتي مازالت تتردد إلي الآن، وغلبت على العديد من ألحانه الطابع الوطني، وعلى الرغم من رصيد ألحانه الضخم إلا أن هذه الألحان قد ولدت في خلال فترة حياة قصيرة، حيث توفى سيد درويش وهو مازال في ريعان الشباب وهو في الثلاثينات من عمره. قيل عنه إنه مجدد الموسيقى العربية، وهو اللقب الذي يستحقه عن جدارة نظراً لطابع ألحانه المتميز والذي كان مختلفاً إلى حد كبير عن السائد وقتها. النشأة ولد السيد درويش البحر في 17 مارس عام 1892م، بحي كوم الدكة قسم العطارين بالإسكندرية، لأسرة متواضعة الحال وكان الولد الوحيد لوالديه وله ثلاثة شقيقات هن فريدة، ستونة، وزينب، التحق سيد وهو في الخامسة من عمره بأحد الكتاتيب وذلك ليتلقى العلم ويحفظ القرآن، توفى والده وهو في السابعة من عمره، وقامت والدته بإلحاقه بأحد المدارس، وبدأ ولعه بالموسيقى والغناء منذ أن كان صغيراً وبدأت تتضح هذه الموهبة من خلال مدرسته وحصة الموسيقى، حيث كان يقوم بحفظ الأناشيد وتفوق في هذا على زملائه، تزوج سيد درويش وهو في السادسة عشر من عمره. حياته وفنه عشق سيد الموسيقى والغناء والألحان فأنخرط في هذا العالم منذ الصغر، فكان يقوم بحفظ ألحان وأناشيد الشيخ سلامة حجازي، بالإضافة للتواشيح التي كان يسمعها من كل من الشيخ احمد ندا، وحسن الأزهري، ويقوم بترديدها على أصحابة، كما كان منصتاً جيداً لأناشيد السيرة النبوية. التحق سيد درويش بالمعهد الديني الذي قام الخديوي عباس بإنشائه، ولكنه لم يستمر بالدراسة به كثيراً حيث قضى به عامين فقط، ذاعت شهرته نتيجة للحفلات التي كان يقوم بإحيائها، وكان دائماً يميل إلى الاستماع للموسيقى وسماع كبار الموسيقيين مثل إبراهيم القباني، داود حسني وحفظ أدوارهم الشهيرة، مثل "المحاسن واللطافة، يامنت واحشني، بأفتكارك ايه يفيدك" وكان يقوم بغناء ما يقوم بحفظه في الحفلات بعد ذلك. ضاقت الظروف المعيشية على سيد درويش مما اضطره للعمل في عدد من الفرق الغنائية المتواضعة التي تقدم أعمالها في عدد من المقاهي وكان يقدم بعض أغاني الشيخ سلامة حجازي، ومن العمل في الغناء إلى العمل كمناول لعمال البناء في إحدى العمارات تحت الإنشاء، وبينما كان سيد يقوم بالغناء في إحدى المرات تصادف وجود الأخوين سليم وأمين عطا الله بجوار مكان عمله على احد المقاهي، وقد جذبهم صوته وتطور الأمر سريعاً حيث قام الأخوان بالاتفاق معه على السفر إلى سوريا مع فرقتهم من أجل إحياء حفلات هناك وكان ذلك في عام 1909م، وأثمرت هذه الرحلة عن لقاء درويش مع الفنان عثمان الموصلي حيث أخذ عنه الكثير من التواشيح، بعد أن انتهى سيد درويش من رحلته عاد مرة أخرى إلى بلده وتنقل من عمل لأخر فأتجه للفن فترة وعمل بالفرق في المقاهي، ثم كاتباً بمحل لتجارة الأثاث. ثم قام سيد درويش بالسفر مرة أخرى إلى سوريا وذلك بعد أن أرسل إليه سليم عطالله وذلك في 1912م، وكانت هذه الرحلة هي البداية الحقيقة التي انطلق منها فن سيد درويش حيث استمرت قرابة العامين، تعرف فيهم أكثر على فن عثمان الموصلي وقرأ عدد من الكتب الموسيقية منها كتاب " تحفة الموعود في تعليم العود". انطلاقات فنية أتجه سيد درويش إلى القاهرة وذلك من أجل التوسع في فنه ومحاولة أثبات ذاته، جاءت أولى حفلاته في كازينو " البسفور" في عام 1917م، ومنذ أن أنتقل إلى القاهرة استجمع كامل طاقته من اجل هدف واحد وهو التلحين فقدم كم ضخم من الأعمال الرائعة والتي تميزت بالاختلاف، فقد كان يستقي ألحانه دائماً من الشعب فكان يحول الكلمات البسيطة والمواقف إلى لوحات فنية رائعة تنبع من الشعب ثم يضع عليها سيد درويش لمساته السحرية ليصدرها للشعب مرة أخرى، فتنطبع ألحانه في وجدان جميع الأشخاص بجميع شرائحهم الغني منهم والبسيط ، المثقف والمتواضع الثقافة. واكبر دليل على ذلك هو الاستمرار الذي تميزت به ألحانه، التي ظلت تتردد إلى الآن على لسان المصريين وغيرهم. ألحانه تمكن سيد درويش أن ينتقل بألحانه إلى شكل ومرحلة جديدة لم تكن مألوفة في هذا العصر، فتميزت ألحانه بالبساطة بالشكل الذي يتمكن المواطن البسيط من ترديدها، نذكر من ألحانه أغنية البرابرة، أغنية الصنيعية، الحماليين، يا بلح زغلول وغيرها من الأغاني ذات الكلمات السلسة والألحان المتميزة التي تلتصق بإذن المستمع من المرة الأولى. كما قدم درويش الأغنية الوطنية والثورية التي أشعلت الحماس في ذلك العصر الذي كان المواطن المصري محتاج لمثل هذا النوع من الغناء، ومن الأغاني الوطنية الشهيرة النشيد الوطني المصري " بلادي بلادي"، "قوم يا مصري". كانت مواضيع الأغاني التي يختارها سيد درويش غير تقليدية فلم ينساق وراء أغاني الحب والهجر، وما إلى ذلك فقط، بل أخترق الحياة اليومية للشعب ولحن أغاني لجميع الطبقات مهما كانت بسيطة ولكنها عبرت عنهم، ولكن لم يمنع ذلك من تعرضه لأغاني الحب والدلال، فقدم مزيج ما بين الاثنين. قدم العديد من الألحان والتي وصل عددها إلى أكثر من 80 لحن من خلال عدد من المسرحيات الغنائية، لكل من جورج أبيض، ونجيب الريحاني، وعلي الكسار من المسرحيات الغنائية التي قام بتلحينها رواية "فيروز شاه" لجورج ابيض، كما قام بتلحين عدد من الروايات لنجيب الريحاني كانت أولها هي رواية "ولو" وعدد من الروايات الأخرى التي قام درويش بتلحينها. من الأوبريتات التي قام بتلحينها العشرة الطيبة، شهرزاد، البروكة، كما قدم العديد من الأدوار والموشحات والطقاطيق والمسرحيات والأوبريتات. الوفاة توفى سيد درويش وهو في الثلاثينات من عمره وذلك في 15 سبتمبر عام 1923م بالإسكندرية، جاءت وفاة سيد درويش مفاجئة للكثيرين فقد توفى ولم يتجاوز الواحد والثلاثون من عمره، وقد تعددت الأقوال التي قيلت حول سبب الوفاة. |
رد: فنان الشعب سيد درويش
اعماله بـــــــــــــــــــــلاد ى بــــــلادى بـــــــلادى لك حبــى وفـــــؤادى مصـــر يا أم البــــلاد أنت غايتى والمــــراد وعلى كل العبـــــــــاد كم لنيــلك من أيـــادى مصر يا أرض النعيم ســدت بالمجــد القديـم مقصدى دفـــع الغريم وعلى الله اعتمـــــادى مصــر أولادك كــرام أوفيـا يرعوا الزمــــام سـوف تحظى بالمرام باتحـــادهم واتحـــادى مصـر أنت أغلى درة فوق جبين الدهر غرة يا بـلادى عيشى حرة واسلمى رغم الأعادى |
رد: فنان الشعب سيد درويش
ياعشاق النبى http://www.shahro.com/vb/images/smilies/wedding_prv.gif كلمات أمين صدقي http://www.shahro.com/vb/images/smil...ckbghearts.gif ياعشاق النبى صلوا على جماله دى عروسة البيه تعالوا بنا نسندهاله أدى نور جمالها أهو هل هلاله ياهنيه للى ينولها ياهنيه له ياقمر منور سبحان من صور جولييت وسفيره عزيزة مين ده أسم مزور مين شاف كده بنى أدميين راح تطلعى وحشه لمين الأم لون الياسمين والأب عريض وسمين ياسلام ياحتة سكره ياترياق اللى معكره ياعريسها يازين ما التقيت عريسك من يومه أهو ملو هدومة أتهنى به وأفرحى به وكيدى اللى يلوموا فنجرى دى كلها أيه فييس أسم الله عليه يبدر بالألف جنيه تقوليس ملاليم فى أيديه أن شاالله تمنى سبهللى على حسك أنت يافللى ياجنان يا ناس على ده تواليت |
رد: فنان الشعب سيد درويش
شــــد الحــــــــزام شد الحزام على وسطك غيره مايفيدك لابد عن يوم برضه ويعدلها سيدك إن كان شيل الحمول على ظهرك يكيدك أهون عليك ياحر من مدت إيدك http://www.shahro.com/vb/images/smilies/smgoldiv.gif ماتيالله بينا انت وياه ونستعين ع الشقا بالله واهو اللى فيه القسمه طلناه واللى مايجيش انشا لله ما جاء مادام بنلقى عيش وغموس يهمك ايه تفضل موحوس ماتحط راسك بين الرؤوس لا تقوللي لا خيار ولافقوس http://www.shahro.com/vb/images/smilies/smgoldiv.gif حقولك ايه واعيد لك ايه كله له آخر دى خبطة جامدة وجت على عينك ياتاجر يا وحستك دلوقت لاوارد ولاصادر يحلها الفين حلال ربك قادر http://www.shahro.com/vb/images/smilies/smgoldiv.gif قل لي في عرض النبي ياحسين رايحين نلاقيها منين ومنين والاش متجوز اثنين يادنيا غوري جاتك البين شوفوا البخيل يفضل منحوس ولو علقوا على بابه فانوس فلوس دي ايه سكت ياجاموس هيه السعادة في غنا النفوس http://www.shahro.com/vb/images/smilies/smgoldiv.gif شد الحزام على وسطك غيره مايفيدك لابد عن يوم برضه ويعدلها سيدك إن كان شيل الحمول على ظهرك يكيدك أهون عليك ياحر من مدت إيدك http://www.shahro.com/vb/images/smilies/smgoldiv.gif ماتيالله بينا انت وياه ونستعين ع الشقا بالله واهو اللى فيه القسمه طلناه واللى مايجيش انشا لله ما جاء مادام بنلقى عيش وغموس يهمك ايه تفضل موحوس ماتحط راسك بين الرؤوس لا تقوللي لا خيار ولافقوس http://www.shahro.com/vb/images/smilies/smgoldiv.gif قرب شيلني شيل لا تقوللي كتير وقليل عمر الشدة ماتطول بكرة نهيص زى الأول هيلا هيلا هيلا هيلا هيلا ليصه هيلا ليصه |
رد: فنان الشعب سيد درويش
هتجـــــــــــــــــــــن كلمات: بيرم التونسي ولحن: زكريا أحمد http://www.shahro.com/vb/images/smilies/emI4_prv.gif هتجن ياريت يا اخوانا مارحتش لندن و الا باريز ده بلاد تمدين و نضافة و ذو ق و لطافة و حاجة تغيظ مالا قيتش جدع متعافي و حافي و ماشي يقشر خس و لا شحط مشرمخ أفندي معاه عود خلفة و نازل مص و لا لب أسمر و سوداني و حمص و انزل يا تقزيز و لا عركة في نصف الليل دايرة بالحيل و ساحبها بوليس قدامها جدع متجرجر و شه معور قال ده عريس الخلق ما هي بتتجوزو اشمعنا احنا مافيش تمييز http://www.shahro.com/vb/images/smilies/wedding_prv.gif و لا واحدة في وش الفجر تبرطع ماليه الدنيا صوات قال ايه جوز خالتي ام أحمد سلفة أخوها السيد مات سبحانك ما اعظم شانك و الله الموت ده مفيد و لذيذ و لاصايع طالع يجري وصايع تاني بيجري وراه و يقول ها ها ع حصلتك يابن الأبصر ايه عاملاه لا الشارع غيط يا اخوانا و لا احنا بدارة و لا احنا معيز و لا حد يبييع حاجة يقول بريال و تأخدها بصاغ يا اخوانا ده حتى الابرة تاخدها بدوشة و قلب دماغ حلفان و عراك و مناهدة و يمكن ضرب كفوف يا حفيظ و لا فيش ميت الف صعيدي هاجميين و لا فيش ميت الف معوض داعس جاي معاه صندوق ورنيش و الله كرهت القهوة و حرمت أقعد عالأفاريز و لا شفتش ده اللي بلاسة و ده اللي بعمة و ده بطربوش ملابسنا يا ناس تشكيلة تعد اصحابها ما يتعدوش دول ناس كنا أحسن منهم قول و مسيرنا باذن الله نبقى احسن منهم برضك بعد الدرس اللي أخدناه و الله ده عيب نتهجى دروس يا أساتذة على التلاميذ |
رد: فنان الشعب سيد درويش
زرونى كل سنة مرة زورونى كل سـنة مرة حرام تنسـونى بالمرة أنا عمــلت إيه فيـكم تشاكونى واشاكيكم أنا اللى العمر اداديكم حرام تنسونى بالمرة حرام تنسونى بالمرة يا عينى على مالوش حــد طول عمره يقاسى الوجــد وتجـــرى دمعتـه على الخـد مسكين حـاله بالمرة |
رد: فنان الشعب سيد درويش
خفيــف الـــــــــروح خفيف الروح بيتعـاجب بيتعاجب برمش العيـن والحاجب خفيف الروح غمـز لى مرة بعيونـه لقيت الحــب مضمـــونه حرام ان كنت انا اخونه وعشقى له من الواجــب خفيف الروح تملى يحب يشــــــغلنى بســـهم اللحـظ والننى أخاف اتقل يخاصـمنى ويهجـــرنى ويحـــرمنى خفيف الروح رأيت الأوفق ان جانى حبيب القــلب نـادانى أرد عليــه بأجفـانى ولا أحسب حساب عازل خفيف الروح |
رد: فنان الشعب سيد درويش
الحلوة دى كلمات: بديع خيرى ألحان : سيد درويش الحلوة دى قامت تعجن فى البدرية والديك بيــدن كوكو كوكو فى الفجـرية يالله بنا على باب الله يا صـنايعية يجعل صباحك صباح الخير يااسطى عطيـة طلـع النهار فتــاح يا عليــم والجيـب مافهشى ولا مليــم مين فى اليومين دول شاف تلطيـم زى الصـنايعية المظاليـم الصبر أمره طـال من بعد وقف الحال ياللى معاك المال برضه الفقيـر له رب كريم أولاد أوربا ما بيناموش عن الصـنايع ما يونوش الافرنجى دايما حلق حوش والمصرى جنبه بيطلع بوش ســبع صـنايع فى إيدينـا والهــم جايـر عليـنا ياما شــكينا وبكينا يا أغنيـا ليه ما تساعدوش ما تشد حيلك يا ابو صلاح إضربها صرمة تعيش مرتاح خلى تكالك ع الفتاح يالله بينا الوقـت اهو راح الشمس طلعــت والمــــــلك لله ما تشيل قدومك والعـــدة ويالله اجــرى لرزقك خليها على الله |
رد: فنان الشعب سيد درويش
الأروام محسوبكو انداس صبح مختاس مسختو جزمة ياناس مافيش فلوس بقيتو منحوس فقرتو خلاص نشتغلو في إيه يافندي يابيه مادام البخت موريه مافيش تهييس مافيش قميص فنيتوا خلاص فين نروخو سابرستيه دنيا لسه تربيتيه أيام الأنس فنيتو خلاص محسوبكو انداس صبح مختاس كفرتو ياناس بوكر مافيش يابودرويش قهاوي رقص مافيش إزاي يافندي ابن الكيف يقدر يعيش بوكر مافيش يابودرويش قهاوي رقص مافيش مادام مافيش بدال يغنيش نبيع ورنيش دوخنا نروخ لمين سوخنا يامسلمين نشكي نقول لمين آه حانتيش مانتيش يابو الريش إن شالله تعيش سبت الخمارة سكنت ف خارة مافيش ولا واخد بارة علشان نروخ كلنا لطوخ ونيجي منفوخ أفتي كلا بولي كالا سمك باكالا أحيه أمان أمان فين المصر بتاع زمان والمدام فامولاكي والله ياخرلمبو كانت أيام فاريج لي كي |
رد: فنان الشعب سيد درويش
والله تستاهل يا قلبى كلمات : أمين صدقى والله تسـتاهل يا قلبى ليه تميـل ما كنت خالى انت أسـباب كل كربى وانت أسـباب ما جرالى إيه بقى اللى ح يواسينى بعد ما انهـدت آمالى اذا كان حظى ناسينى مين اروح له اشكى له حالى ان شكيت قلبى وحواسى يعمـلوا مؤامـرة عليه وان بكيـت والحب قاسى تشتكى منى عينى أعمل ايه واحنا ف غربة والأغـراب دول زى اليتامى يا مين يواسيهم فى كربه يامـا بيقاسـوا ويامــا يارب كل من له حبيــب طال بعاده وللا قريب ما تحرموش منه وهـاته له بالســـــــلامة |
رد: فنان الشعب سيد درويش
ملخص لمضمون رواية شهرزاد شهرزاد أميرة تركية في العشرين من عمرها فائقة الجمال، يحمي مقاطعتها جيش من المرتزقة من بينهم بطل المسرحية زعبله المعتز بمصريته ويعمل بجيش الأميرة برتبة هُزق بزق وتعجب به الأميرة فترقيه في سلك الرتب حتى يصل إلى رتبة باش سنجق دار أي قائد الجنود العام لكل جيوش الأميرة. وتتحرك جيوش الأميرة بقيادة زعبله وتنتصر على جيوش الأعداء فيزداد اعجاب الأميرة بقائد الجيوش زعبله وتحاول استقطابه واغرئه بمحاولة الاستحواذ على مشاعره، ولكنه يفضل عليها وصيفة تدعى حورية المصرية الجنس والتي ترك زعبله بلاده مصر من أجل حبها والعمل على عودته بها إلى بلاده ويدفعه حبه إلى أعمال البطولة في الحرب، . نبذة عن العمل عندما هبت ثورة 1919 كان بيرم التونسي في السادسة والعشرين من عمره وكانت قدمه قد رسخت في فنون الشعر والزجل وكان من أهم ما كتبه في تأييد الثورة رواية شهرزاد التي ألفها لسيد درويش لإثارة الحماس الوطني من خلال العرض تتطرق المسرحية بذكاء إلى تمجيد الجيش المصري والاعتزاز بالجنسية المصرية في غنائه أنا المصري كريم العنصرين وصدق الإنتماء إلى مصر مهما كانت الضغوط التي يعانيها المصري في أي مكان والتي كان يعانيها من آثار الإستعمار. تضمنت ألحان الرواية أول التجارب البوليفونية في اللحن الختامي للفصل الأول كما تم تنفيذ موسيقى الرواية بعد توزيعها أوركستراليا بمعرفة المايسترو كاسيو أحد الموسيقيين المستشرقين، وكان عدد العازفين في هذه المسرحية 26 عازفا لأول مرة في تاريخ المسرح الغنائي المصري تقديم فرقة سيد درويش وعمر وصفي يوم 6 يونيو 1921 تأليف عزيز عيد أغاني محمود بيرم التونسي عدد الفصول 4، عدد الألحان 15 نشيد اليوم يومك ياجنود - لحن معسكر الجنود ديالوج أديني أهو جيتك بدري - لحن لقاء الحبيبين نشيد تحيا الأميرة شهرزاد - لحن استقبال الأميرة نشيد أنا المصري كريم العنصرين نشيد أحسن جيوش في الأمم جيوشنا - لحن استعراض الجيش نشيد دقت طبول الحرب ياخيالة - لحن الحرب البوسته جايه - لحن ساعي البريد آدي الشمس والقمر نشيد الجيش رجع م الحرب - لحن عودة الجيش هالا بتضلوا معاياهون - لحن قصة المؤامرة زفوا العروسة للعريش الجميل - لحن الزفة افتح ياباش سنجق دار - لحن المؤامرة مين كان يقول الحرب حاتخلص - لحن الإحتفال بالنصر مالك ياباش سنجق - لحن أثر المؤامرة الدنيا مايدومش فيها حال - لحن الختام |
رد: فنان الشعب سيد درويش
اللحن الأول من أوبريت شهرزاد اليوم يومك ياجـــــنود مقام عجم اليوم يومك ياجـــــنود ماتجعليش للروح تمن يوم المدافع والبارود مالكيش غيره في الزمن هيا اظهري عزم الأسود في وجه أعداء الوطن عار على الجندي الجمود إلا إذا لفه الكفن زعبلة على السماء خلو الهجوم لو كانت الأعدا النجوم وزلزلوا الأرض إذا جـــــارت على الأرض الخصوم يسمع صوت بوري من الخارج الجميع البوري بيندهلك اسمع منه الـصوت بيقولك فوت أهلك واستهتر بالموت أحيينا سعداء وأمتنا شهداء أحيينا سعداء وأمتنا شهداء ينزل زعبلة من أعلى التل ومعه حورية زعبلة ياحياة الروح هل حــالك حالي تذكرين الوصل في تلك الليالي هل يزور الطيف ميدان القتـالِ أم يحول العمر من دون الوصالِ في رضا الأوطان إني لا أبــالي إنما الإقدام من شأن الرجــالِ حورية سر وعد بالنصر من مولى الموالي ياحبيبا سار في نيل الـــمعالي الجميع هيا بنا هيا بنا نشرب ونرقص كلـنا ونضحكوا ونلعبوا ونقوم نودع بعضنا زعبلة احنا الشباب من طبعنا نفدي الوطن بروحـــنا الجميع هيا بنا هيا بنا نشرب ونرقص كلـنا ونضحكوا ونلعبوا ونقوم نودع بعضنا زعبلة دفع البدل جبن وكسل يعر شبان عصرنا نمحي العدا ونروح فدا في حب مجد بلادنا الجميع هيا بنا هيا بنا نشرب ونرقص كلـنا ونضحكوا ونلعبوا ونقوم نودع بعضنا |
رد: فنان الشعب سيد درويش
اللحن الثاني من أوبريت شهرزاد ديالوج أديني أهو جيتك بدري مقام حجازكار حورية: أديني أهو جيتك بدري وحدي أجري قوم حط إيدك على صدري تلقاه ياسلام زعبله: مع الأسف أنا ماقدرشي مادمت ف الخدمة نوباتشي حورية: الجو راق ولا فيش معنا شئ يمنعنا وأي فرصة تمتعنا غير دي ياسلام زعبله: مع الأسف أنا ماقدرشي مادمت ف الخدمة نوباتشي حورية: إن كنت أقوللك أنا يعني قوم دلعني يصيح برضك تلطعني كداهو ياسلام زعبله: مع الأسف أنا ماقدرشي مادمت ف الخدمة نوباتشي حورية: والله إن مارديتش عليَّ تبقى رزية أخنق رقبتي بإيديا كــــــــداهو زعبله: ياسلام .. محروقة الخدمة وشغلتها أهي باينه وعارف لبتها أنا رايح أعصى بالعنية دي الرقص وياكي بالدنيا |
رد: فنان الشعب سيد درويش
اللحن الثالث من أوبريت شهرزاد
نشيد استقبال الأميرة مقام نهاوند الجنود: تحيا الأميرة شهرزاد ذات العفاف والأبهة اللي بقت كل البلاد من فوق لتحت تحبها يابختها الخاتونه: أحب أشوفكم ع القلعة واقفين ثابتين وفي الميدان زي الولعة رايحين جايين واللي أشوف قوة سيفه لازم أرقيه على كيفه يركب فرس ويا الحرس ويشوف فرصة يفرح بها الجنود: تحيا الأميرة شهرزاد ذات العفاف والأبهة اللي بقت كل البلاد من فوق لتحت تحبها يابختها الخاتونه: العسكر الله يكترهم ويقويهم أنا اللي عارفة مقدارهم وأرقيهم واللي تبان منه القوة يبقى الوحيد عندي هوه أنظر إليه وأعطف عليه وأديله حاجة يحبها الجنود: تحيا الأميرة شهرزاد ذات العفاف والأبهة اللي بقت كل البلاد من فوق لتحت تحبها يابختها |
رد: فنان الشعب سيد درويش
اللحن الرابع من أوبريت شهرزاد
لحن أنا المصري كريم العنصرين مقام عجم عشيران زعبله: أنا المصري كريم العنصرين بنيت المجد بين الاهرامين جدودي أنشأوا العلم العجيب ومجرى النيل في الوادي الخصيب لهم في الدنيا آلاف السنين ويفنى الكون وهم موجودين وأقول لك ع اللي خلاني أفوت أهلي وأوطاني حبيب أوهبت له روحي لغيره لا أميل تاني |
رد: فنان الشعب سيد درويش
اللحن الخامس من أوبريت شهرزاد
نشيد أحسن جيوش في الأمم جيوشنا مقام عجم الجنود: أحسن جيوش في الأمم جيوشنا وقت الشدايد تعال شوفنا ساعة مانلمح جيش الأعادي نهجم ولا أي شئ يحوشنا الخاتونه: مستقبل الأمة بين إيديكم في الوقت ده نعتمد عليكم ردوا آدي الشعب بيناديكم بيقول لكم احفظوا شرفنا الجنود: أحسن جيوش في الأمم جيوشنا وقت الشدايد تعال شوفنا ساعة مانلمح جيش الأعادي نهجم ولا أي شئ يحوشنا زعبله: آدي جنودنا وآدي بنودنا وفي الدفاع والهجوم تجدنا مالناش صناعة غير الشجاعة وللجهاد ربنا خلقنا الجنود: أحسن جيوش في الأمم جيوشنا وقت الشدايد تعال شوفنا ساعة مانلمح جيش الأعادي نهجم ولا أي شئ يحوشنا |
رد: فنان الشعب سيد درويش
اللحن السادس من أوبريت شهرزاد نشيد دقت طبول الحرب ياخيالة مقام عجم الجنود: دقت طبول الحرب ياخيالة وآدي الساعة دي ساعة الرجالة زعبله: انظروا لأهلكم نظرة وداع مرة مافيش بعدها إلا الدفاع الجنود: دقت طبول الحرب ياخيالة وآدي الساعة دي ساعة الرجالة وعندما ترقي الأميرة شهرزاد البطل زعبله إلى رتبة باش سنجق دار تقول: الخاتونه: اسمعوا الأمر الجديد البنات: اسمعوا الأمر الجديد الخاتونه: كلكم من تحت أمر باش سنجق داري الوحيد الجميع: ليحيا باش سنجق دارنا اللي مشرف عسكرنا قرة أدم وقمع الدولة وميرشاه: أما عجايب أما تباته تبقى فضيحة وتبقى شماته واحد يعلى واحنا تلاته لازم احنا نكون الأول قرة أدم أوغلي وقمع الدولة حورية: لسه أنت يازعبله صغار وازاي هتصبح سنجق دار زعبله: ستي الخاتونه حبيتني شافتني عاقل رقيتني حورية: ياخوفي بس لاتنساني وتشوف غيري زعبله: وفين أروح من وجداني ولا ضميري الخاتونه: الحب عماهم ونسوني وأنا واقفه وشايفه بعيوني بزيادة يابنت ده مش وقته خليني أكمله درجته الخاتونه: امسك ياشاطر سيف أبويا ف إيدك تستاهل الترقية الله يزيدك الجميع: امسك ياشاطر سيف أبوها ف إيدك تستاهل الترقية الله يزيدك الخاتونه: السيف ده غالي وأنت له تستاهل ده أصله سيف بابا ماهواش ساهل سلمتهولك لما شفتك راجل تزينه لما تمسكه بيمينك الجميع: امسك ياشاطر سيف أبوها ف إيدك تستاهل الترقية الله يزيدك الجنود: تنتصر ونرتفع والأعادي تتخذل روح يازعبلة تنتقم وعود لينا فايز بطل قرة أدم: كلام في كلام منام في منام قمع الدولة: مش راح ينفع ولا يتمتع أبدا أبدا ان شاء الله جند: راح يتمتع غصب عنكم الجميع: بكرة حانسمع ان شاء الله زعبله: دوسوا الأعادي بالقدم ماحناش في وقت الإنتظار املوا نفوسكم بالهمم واملوا السما والأرض نار ياعسكري اللي ينهزم يقع في عار وأي عار وإن داس على النفس وهجم ربك كفيل بالإنتصار |
رد: فنان الشعب سيد درويش
اللحن السابع من أوبريت شهرزاد البوسته جاية مقام عجم البنات: البوسته جايه البوسته جايه أيوه هيه أيوه هيه الساعي: حلمكم ياولاد عليه دا انتم زغللتم عينيه بنت: أنا قبلكم شوف لي اسمي الساعي: من عينيه آدي اسمك .. وانتي ياختي بنت: شوف لي عندك اسم خضره الساعي: وآدي اسمك أنتي رخره بنت: اقروا يالا وبشرونا وأنا راجع للخاتونه أخرى: نقرا قبلا الأولاني أخرى: ياختي سيبي لما أشوف قبله اللي جاني من حبيبي بنت: وأنتي ليه يعني جوابك له علامة أخرى: الحبيب منصور وراجع بالسلامة بنت: ياحلوللي انشالله ياختي بنات: يبقى من بختك وبختي الجميع: امتى هيجونا وطمن عليهم واحنا ننزل بوس وعض وحضن فيهم دول عساكرنا اللي جاهدوا وشرفونا حظهم وأنسهم واجب علينا |
رد: فنان الشعب سيد درويش
اللحن الثامن من أوبريت شهرزاد
أدى الشمس والقمر مقام شاهيناز كردي الجميع: آدي الشمس والقمر في ساعة هنية ساعة ماجه مالسفر حبك ياحورية حوريه: ياحبيبي غبت عني كنت واخد روحي مني كنت في الحرب ناسيني ياترى ولا فاكرني الجميع: مين يقول أنه نساكي ياما بات شاكي وباكي لو جابوله الملك كله يستحيل ينسى هواكي زعبله: أنا لا ألام في حبي يامنى روحي وقلبي دعوني أمير للغيرك وأنا في الغرام أسيرك أنا روحي وفؤادي بين إيديكي يامرادي ياحوريه ياملاكي كل ما أملك فداكي مهجتي عقلي صوابي |
رد: فنان الشعب سيد درويش
اللحن التاسع من أوبريت شهرزاد الجيش رجع من الحرب مقام نهاوند الجنود: الجيش رجع م الحرب بالنصر المبين والدنيا هايصة والأهالي فرحانين بعسكر الدولة اللي عادوا منصورين رافعين بنادقهم وفاردين العلم الخاتونه: تعال ياباش سنجق دار قوللي يا روحي ع الأخبار قوللي الحكاية كلها م الإبتداء للإنتهاء زعبله: أول مارحنا بالعساكر من هنا واخدين معانا أكلنا وشربنا عشان ما أرضيكي وأرضي ربنا ساعة عساكرهم ماشافوا وشنا لقينا سنجقهم جري !!! كمل بقى ياعسكري عسكري: اتفركشوا زي الغنم اللي انهزم واللي اتلخم واللي وقف زي الصنم واللي أكلها بالصرم أتابي دول عسكرهم عدم زعبله: أول ماشفت المسألة مارضيتش أضرب قنبلة تروح خسارة في الخلا عشان عساكر بالبلا لهم دقون مدلدلة وجاكيتات مهلهلة قلت ياواد إيه العمل ماتسعفكش إلا الحيل أطبخ لهم نسخة سطل جبنا الطاطورة والعسل وخليناهم في الحلل وحطينا الشئ ع الجبل نطوا عليها بالعجل واللحس واللهط اشتغل الجميع: سبنا الأعادي مغروزين زي البصل مافيش واحد منهم وصل لأهله يحكي اللي حصل زعبله: وآد يالحكاية كلها م الإبتداء للإنتهاء الجنود: الجيش رجع م الحرب بالنصر المبين والدنيا هايصة والأهالي فرحانين بعسكر الدولة اللي عادوا منصورين رافعين بنادقهم وفاردين العلم |
رد: فنان الشعب سيد درويش
اللحن العاشر أو لحن ختام الفصل الثاني من أوبريت شهرزاد هلا بتضلوا معايا هون شويه مقام نهاوند الميرشاه هلا بتضلوا معايا هون شويه بدي أحكي لكون قصه تاريخيه ها الخاتون كان لها جده أكوس منها إلها عشيق كان بتحبه بقلبها ودينها ها الزلمة كان مثلها وهي مثله زلمة قيافة بيليق لها وهي بتليق له وجهه كان منيح نطقه كان فصيح منيح فصيح منيح فضت من شانه أودة في آخر الدهليز هيدى نص الليل بتخش له مابعرف شو بتعمل له وقت اللي بيسمع فيها بسمع دبة إجريها اجرتشن واجرترن هيك خطوة خطوة خطوة ليلة عم بيستناها مثل عوايده وياها بلقى يابوي عشر زلمات في ايديهن عشر طبنجات كان بده يفتح تمه جاته رصاصة بعين امه ياباي هلا فهمتوا ها القتله بتسويها بزعبلة الميرشاه امسك اجريها قمع الدوله يشد ايديه قره آدم أوغلي في المصران الخاتون: تفاجئهم بدخولها مالكم يارجالة بتعملوا مؤامرة على مين الغيظ على وجوهكم باين الثلاثة دا فعل زعبلة الخاين خلانا نصبح متآمرين الخاتون الليله نقتل زعبلة جزاء خيانته للدولة والليله بيكايد فيه بايت يدلع في حورية الثلاثة احنا الثلاثة خدامك وحياة عظمتك ومقامك لنجيب دماغه قدامك ونعمله كبه نيه |
رد: فنان الشعب سيد درويش
اللحن الحادي عشر من أوبريت شهرزاد زفوا العروسة للعريس مقام كرد الجميع: زفوا العروسة للعريس الجميل زينة العرسان دا البدر يتمخطر وجنبه تميل وردة البستان زعبله: الليلة اتهنى وأشوف ف المنام صدرك الهزاز أفرح ويسقيني كاسات المدام خدك الغماز الجميع: زفوا العروسة للعريس الجميل زينة العرسان دا البدر يتمخطر وجنبه تميل وردة البستان حوريه: إنت ظهر نجم سعودك وأنا الزمان عوض صبري الليلة حلوة بوجودك ما تنكتبش من عمري الجميع: زفوا العروسة للعريس الجميل زينة العرسان دا البدر يتمخطر وجنبه تميل وردة البستان بنات: يارب تجعل في ليالي السعود طالع النجمين واجعل سهامك في عيون الحسود واحرس الاتنين الجميع: زفوا العروسة للعريس الجميل زينة العرسان دا البدر يتمخطر وجنبه تميل وردة البستان زعبله: ممنون ومتشكر لكم إن شالله عقبال عندكم ياللا بقى من فضلكم خلونا نقعد وحدنا الجميع: عاوزنا نخرج كلنا زعبله: عجايب أمال نصكم الجميع: بالم العروسة تغلبك وتعذبك زعبله: مش شغلكم الجميع: بقة نلم بعضنا بالليل ونتعب نفسنا وتطردونا من هنا زعبله: أمال تباتوا عندنا أما أرازل كلكم مافيش حيا في وشكم الجميع: طب مش حانخرج ياأمير ولو نبات تحت السرير أحدهم: أيوة وأنا أقف غفير زعبله: ياخوانا إيه الشغل ده هي اللياقة تكون كده يعني النهاردة العرس ده معمول لنا ولا لكم الجميع: معمول لكم معمول لنا أهو فرحنا كلنا والرك كله ع الهنا أحدهم: آنستنا آخر: الله يحفظك آخر: شرفتنا آخر: الله يسترك آخر: الليلة زاهية منورة زعبله: أما معازيم مسخرة إن كان جدع ولا مرة وأنا فاتحها مندرة انجروا داهية تسمكم الجميع: طيب وإيه يعني السبب زعبله: يالا بلاش قلة أدب يالا اخرجوا يالا اخرجوا الجميع: طيب حانخرج زعبله: اخرجوا |
رد: فنان الشعب سيد درويش
اللحن الثاني عشر من أوبريت شهرزاد افتح يا باش سنجق دار مقام عجم الجميع: افتح زعبلة:مين الجميع:افتح ياباش سنجق دار حورية:رجعم تاني زعبلة:هس ماترديش الجميع:افتح يالا أنتي وهو احسن نهجم بالقوة زعبلة:خيراً مالكم عايزين إيه؟ مش روحتم راجعين ليه؟ الجميع:راجعين عشانك اخلص قوامك البس حزامك واركب حصانك عشان تسافر مع العساكر دا الجيش بحاله رجع علينا جمع رجاله بره المدينة زعبلة:الليلة ليلة دخلتي يامغفلين جايين تقلوا فرحتي متقصدين الجميع:دا أكل عيشك وواجباتك حاتنسى جيشك عشان مراتك الأمر جالك تعرف خلاصك ياتقوم تسافر ياقطع راسك أبوحريشة وآدي سيف أبو الخاتونة حورية:والله سيف اسود علينا زعبلة:أنا مسافر ياحورية يوم ولا يومين حورية:الله يجازي الليلة دي حاتوديك فين زعبلة:مطرح ماتقسم قسمتي لابد أظهر همتي دي الحرب ديني وملتي وأنت روحي ومهجتي إن مت أنا مايهمني إلا نهار ماتحزني خلاص خلاص وآدي النفير وأشوف بقى وشك في خير |
رد: فنان الشعب سيد درويش
اللحن الثالث عشر من أوبريت شهرزاد مين كان يقول الحرب حاتخلص - لحن الإحتفال بالنصر مقام عجم الجميع: مين كان يقول الحرب حاتخلص الحرب كانت داهية تقيلة عايزين بقى نشرب ونهيص في حب قمع الدولة الليلة في صحتك ياسي قمع الدولة قمع: هئ هئ هئ هئ هئ الجميع: مبروك الدخلة قمع: ماتشربوا الجميع: بزيادة ماشربنا قمع: الله اشربوا الجميع: بالذمة شبعنا قره أدم: اشرب افندم اشرب جانم خير موجود تكليف مش لازم لازمة موسيقية الجميع: المملكة زادت أنوار لما القمر طل عليها المملكة عرفت تختار الفارس اللي يحميها خاتونه: ياهادي الملك ياهادي تحرس شعبي وبلادي فرحانين بفرح خاتونتهم كلهم أهلي وأولادي الجميع: افرحي بجلالة قدرك يحرسك ويطول عمرك أنت خاتونتنا وأميرتنا تأمري وننفذ أمرك خاتونه: ياسلام ياسلام الجميع: ياسلام على ليلة الدخلة وروايح قلع البدلة والسهر للصبحية والنومة للضهرية |
رد: فنان الشعب سيد درويش
اللحن الرابع عشر المشهد الثاني من المنظر الثاني من الفصل الثالث من أوبريت شهرزاد مالك ياباش سنجق الجميع وخاتونه: مالك ياباش سنجق مالك دا إيه ياعم اللي جرالك حوريه:في شرع مين يا اخوانَّا ياهوه في شرع مين دا ياسيادي تشحططوا جوزي وتاخدوه وترجعوه بالحالة دي الجميع:مالك ياباش سنجق مالك دا إيه ياعم اللي جرالك |
رد: فنان الشعب سيد درويش
اللحن الخامس عشر لحن ختام أوبريت شهرزاد الدنيا مايمومش فيها حال مقام عجم الجميع: الدنيا مايدومش فيها حال م الأحوال أيام تمر وتتغير دولة ورجال قره: قره أدم ممنون مسرور معلوم علشان رجع طرطور ميرشاه: وأنا العالم فرج همي والله رجع لي خاتمي قمع: وأنا حوشت واتجوزت واتهندست وسبحت في قلب الطشت ياحلولي ياحلولي مخ مخ: وأنا اللي طالع ع الحديدة الله يبارك لكم سعيده الجميع: سعيده زعبله: وأنا إيه بس اللي نابني بعد ماشفت الهموم غير علق قلت مقامي شوفي تقطيع الهدوم خاتونه: المقام محفوظ دي كانت بس غلطه تتصلح حقك علي اتمنى تعطى زعبله: أنا أتمنى الساعة دي ألقى نفسي في بلادي هي أولى بجهادي من محياكي الجميل أنا إن سالت دموعي ولا هبت نار ضلوعي كل ده طالب رجوعي تاني للبر الأصيل طول مانهر النيل بيجري أنا لا أنزل عمري وإن حكمتي أي مصري فاحكمي ع المستحيل الجميع: يالا حيوا دي الشهامة يالا سافر بالسلامة شوف بلادك في مسرة أنت حر وهي حرة |
رد: فنان الشعب سيد درويش
سالمة يا سلامة آه يا سالمة يا سلامة سالمة يا سلامة روحنا وجينا بالسلامة سالمة يا سلامة صفر ياوابور واربط عندك نزلني في البلد دي بلا أمريكا بلا أوروبا مافيش احسن من بلدي دي المركب اللي بتجيب احسن من اللي بتودي يا سطى بشندي يا سالمة يا سلامة روحنا وجينا بالسلامة سالمة يا سلامة سلطة ما سلطة اهو كله مكسب حوشنا مال وجينا شوفنا الحرب وشوفنا الضرب وشوفنا الديناميت بعنينا ربك واحد عمرك واحد ادحنا اهه روحنا وجينا ايه خس علينا ياسالمة يا سلامة روحنا وجينا بالسلامة سالمة يا سلامة صلاة النبي ع السخص منا قرطه مية بلا قافية اللي في جيبه يفنجر به والبركة في العين والعافية حتاخد ايه م العيشة غير الستر يا شيخ خليها سايرة دنيا فانية ياسالمة يا سلامة روحنا وجينا بالسلامة سالمة يا سلامة يا سالمة يا سلامة روحنا وجينا بالسلامة الغربة يا ما بتوري بتخللي الصنايعي بيرطن ماطرح ما يروح المصري برضه طول عمره ذو تفنن وحياة ربنا المعبود وي آرفيري جود يا سطى محمود أدها وقدود ياسالمة يا سلامة روحنا وجينا بالسلامة سالمة يا سلامة ياسالمة يا سلامة روحنا وجينا بالسلامة |
رد: فنان الشعب سيد درويش
|
رد: فنان الشعب سيد درويش
طرح رائع جداااااااااااااااا اختى مرمر
سيد درويش أحد عمالقة الفن فى مصر حتى الآن شكرى وتقديرى |
رد: فنان الشعب سيد درويش
نورتنى يا طارق
فعلا دة فنان لن يعوض |
رد: فنان الشعب سيد درويش
اقتباس:
اسماء الشهرة بتاعتهم جامدة يا ابو نهال ابقى سلملى على الجميع يا نوبيين يا جامدين واغنية النوبيين ممكن تحط كلمتها هنا اهو نزودها لقاموس سيد درويش وبم ان كوم الدكة ليهم فى المطبخ انا هعزم نفسى عندهم لما نشوف بقى الاكل اللى ما حصل ولا هيحصل نورتنى ابو نهال وشكرا للمعلومات الجامدة |
رد: فنان الشعب سيد درويش
اه والله انا اتكلم جد وزربونة دى يعنى عصبى ومش اى مطبخ انا اكلمك عن الحى اللاتينيى يعنى تقولى واااو للصبح مش دمعة وطبيخ والذى منه لاا الله يرحمه والدى طبااااخ طباخ لا اسامة ولا الحاجات دى ارزااق فعلا وسمعت كلامك وفرحت انى جبتها من جوجل والكلام صحيح فى 80% فعلا لحن البوابين هليهالله هليهالله قالت لي برامة يادنيا زفت ملعونة الموده إبن ملعونة هيلانة جارية زربونة بلاوي جوكة مسكندة عجايب جوكة مسكجنة هي هي هي هي هي يادنجي دنجي بتهدمي تعالي يابكيتة ألطمي أحيه عليه أحيه عليه م الغلب العيشة الزفت ديه أكل كادوة بلا زارة منا م الخازوق اللي شعوطنا الهدمة إخص ع الهدمة جابلنا ضربة بالصرمة عشماوي أهلك اسيادنا ويخرب بيت اللي زعلنا هي هي هي هي هي سلام على ايام دنقلة يارقص دلوكة منجلة الله عليه الله عليه يرحم أيام الحظ الحلوة دي تجيه ضربة في عينو اللي جابنا من السودان عالمصرو المصرو أكلو بالهمو ملوهية طظ في طعمو الويكه دي مافيش زيو هي هي هي هي هي نجيبو بوظة ونشربي لذيذة هالص يادين النبي الله عليه الله عليه أنا أحب الحاجة الحلوة دي الشيخ سيد درويش في لحن البوابين هلي هالله كلمات بديع خيري ألحان الشيخ سيد درويش http://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gifhttp://www.aadd2.com/up/pics/uploads/1db8db645b.gif http://www.aadd2.com/up-2/2010/pics/...d721ed0b67.png http://www.aadd2.com/up/pics/uploads/6300d4b523.gif http://www.aadd2.com/up/pics/uploads/c22697f6bb.gifhttp://www.aadd2.com/up/pics/uploads/b2567e12fc.gif http://www.aadd2.com/up/pics/uploads/a0cbbb4d4f.gif http://www.aadd2.com/up/pics/uploads/514762d6c7.gif http://www.aadd2.com/up/pics/uploads/67602a727a.gif |
رد: فنان الشعب سيد درويش
تجيه ضربة في عينو اللي
جابنا من السودان عالمصرو المصرو أكلو بالهمو ملوهية طظ في طعمو الويكه دي مافيش زيو شكلنا هنرفع على السودان قضية ههههههههه وبعدين ما احنا بردة جامدين فى الويكا لكن هما ما يعرفوا يعملوا الطشة والشهقة هههههه مع انى مافهمتها بس انا بحب طريقة سيد درويش وفية اغانى له غناها ايمان البحر درويش وكانت مش مفهومة بردة بس حساها جامدة اما بالنسبة للطبخ فهو حظوظ فعلا وشو قتنى وفتحت نفسى للاكل اللاتنى مسيو نوبى وعلى فكرة انا عرفة معنى زربووووووونة اصل انا زربوونة طالعك للحاج الباشمهندس ابويا هو كمان زربوووونة عيلة مزربنة ههههههههههه تسلم مجيبك وبحثك يا عم نوبى بس يا سلام لو فية ترجمة هههههههه |
رد: فنان الشعب سيد درويش
عارفك يازربونة شاطرة لكن المهم النفس وبعينك الترجمة ده اليهود ماعرفوها واتسكوا بيها ف 73 دى كان فيها شعلقة زماان لانها وقت ملكية لكن الان مش اوى بس الوقت مكهرب الان فى المنتزة جنبى من بعد بمبة امبارح منهم لله البـُعدا حاسس انهم فيها اعـّيد على اصحابى اقوللهم ايه http://www.aadd2.com/up-2/2010/pics/...d721ed0b67.png http://www.aadd2.com/up/pics/uploads/6300d4b523.gif http://www.aadd2.com/up/pics/uploads/c22697f6bb.gifhttp://www.aadd2.com/up/pics/uploads/b2567e12fc.gif http://www.aadd2.com/up/pics/uploads/a0cbbb4d4f.gif http://www.aadd2.com/up/pics/uploads/514762d6c7.gif |
رد: فنان الشعب سيد درويش
عندك حق والله يا ابو نهال
كانت بمبة جامدة اوى بس طبعا لازمن تعيد اعملهم طبخة تمام من بتاعت الحاج ابو نوبى الله يرحمة وابعتها ليها وهما هينسوا البمبة واللى خلفوا البمبة هههههه |
رد: فنان الشعب سيد درويش
يازربونة؟؟؟ يعني ايه ترجمو لي الكلمه دي بسرعه
مرموره دوما تقدمي كل راائع ومميز عاشت الايادي مودتي http://www.aadd2.com/up-2/2010/pics/...d721ed0b67.png http://www.aadd2.com/up/pics/uploads/6300d4b523.gif http://www.aadd2.com/up/pics/uploads/c22697f6bb.gifhttp://www.aadd2.com/up/pics/uploads/b2567e12fc.gif http://www.aadd2.com/up/pics/uploads/a0cbbb4d4f.gif http://www.aadd2.com/up/pics/uploads/514762d6c7.gif http://www.aadd2.com/up/pics/uploads/67602a727a.gif |
رد: فنان الشعب سيد درويش
يخرب بيت كدة
ماهو ابونهال ترجمها مرة يا بت انتى بتاكلى فول ولا اية ههههههههه زربونة يعنى عصبية واخدة بالك يعنى دمة حمى اىحد يعصبنى وخصوصا يكون اسمة اميرة صدفة بقطعة تقطيع ههههههههههه |
رد: فنان الشعب سيد درويش
طرح روووعة مرمرية تسلمى على المجهود الرائع اسعدك الله وكتب لك السلامة دعواتى لك بالصحة والعافية |
رد: فنان الشعب سيد درويش
نورتنى احمد
|
| الساعة الآن 04:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by