شبكة صدفة - (( حكم البشر ))

(( حكم البشر ))

غربه ولا في عن شقى الغربه مفر
لولا الامل ما طال فينا الصبر
ومهما تفارقنا تجمعنا الدروب
ياعيون تذرف دمعها حيره وجمر
يامن طمع في غيرحقه والسلام
لارحمه في قلبه ولا يسمع ملام
وقلبا عطا ماينتظر ياخذ ثمن
وحكم البشر آآآه من حكم البشر

"عندما يموت الحب نعزي أنفسنا بالنسيان ولكن ماذا نفعل عندما تموت المعزَّة"؟!

(( موت المعزة ))

مثل موت المعَزَّة عند بعض اصدقاي
واغتيال الأماني في خفوفي الجريح
وخوف طفلة صغيرة كامنة في حشاي
ترتعد من فعلهم وهي تقوم وتطيح
تشتكي طول صبري واستغاثة وفاي
وقل صدق المشاعر في الزمان الشحيح
ما شكت ظلم جرحي يوم كنتوا دواي
ومن هجرتوا سمانا وهي تئن وتصيح
ذاقت بكل براءة ظلم دهري وشقاي
ولا عرفت من ألمها -تدله- او تستريح
طفلة صوتت بي- بيبقى معاي؟
ومن يداوي بحنانه نبض قلب جريح؟

(( عكاز ))

ابد لا تحزني يمه اذا خانتني رجليني
واذا كلٍ شكى همّه وانا همي بقى فيني

واذا خنجر صداقتهن غرس حده وسط قلبي
واذا عكازتي خافت من انها تسند ايديني

ولا تبكين يا "يمه" اذا عمري غدى دفتر
وكلٍ يمزع اوراقه ولا ظنه يكفيني

ابد لا يجزع احساسك لا شفتي البعض يجرحني
واذا ضاع الوفا فيهن وضاعت معهن سنيني

على ضيم الجفا ابقى تنازع روحي الحسرة
واحس الظلم يا امي يقطع من شراييني

بسيطة كل الم جسمي تحملته وانا اضحك لك
لكن الخوف يا يمه من احساسٍ سكن فيني

يا حيف الطيب بالدنيا يضيع وينتهي عمره
يموت الطيب يا يمه وانا فقري يبكيني

شيهم ان خانت الدنيا اذا ارجع لك مثل اول
احط راسي على صدرك واعرفك ما تخونيني

(( أمي ))

لا ظــمــيــت.. أشــــــرب
مــــن عــيـونـك حــنــان..
أمـــــــــــــــــــي..
لا صــرخـت.. أنـتـي الـصـدى..
وأنــــتـــي الـــمــكــان..
أمـــــــــــــــــــي..
اعـذريـنـي .. لا غـــدا يـبـكـي
عــلــى شـفـاهـي .. ســـؤال؟؟
مــــن هــــي .. مــثـلـك؟؟
مــــن هــــي .. غــيــرك؟؟
مــن ســواك أنـتـي.. اذا غـبـتي
يـصـد عــن روحــي .. الـحزينة..
ظــلــم جــرحـي والــزمـان ..
أمــــــــــــــــــــي
آه لو أقدر .. أشيل عنك الألم .. ويا الجراح
بــــس أنــــا .. مـخـلـوقـة..
مـثـلات الـعـدم .. والـعـزم راح !!
آه يـمـه .. سـامـحينى.. اعـذريـني
مـا بـقا .. في ايديني شي .. أخشى عليه
وغــيـرك انــتـي .. مـــا بـقـا
فــي الـدنـيا .. مــن روحـي تـبيه
تـدريـن الـكل .. يـجهلهم يـجرحوني
وكــل مـا أقـرب .. مـن مـشاعرهم
بـــقــســوة يــبــعــدونـي
مــن أعـاتـب ؟؟ ولـيـش أعـاتب؟؟
وأنـــــــــــــــــا أدرى
مـــالــي فـــــي الــدنــيـا
ســـــوا قــلـبـك .. مــكــان
أمـــــــي .. أمـــــــى ..!

(( هلا ))

هـلا .. في صوتك الدافي
يشب النار .. ف أطرافي
هـلا بك .. يا بعد عمري
وهلا بالليل .. ف اهدابك
رهـنت .. لغيبتك فجري
ودمـعة شـوق .. لعتابك
في ليل البرد .. والغربة ..
مـتى بـتحن لأحبابك ؟؟
لأنـي أحـترق لـجلك ..
وقـلبي يـنتظر وصلك ..
وأدري .. لـو ألف الكون
ما رح ألتقي .. مثلك ..!!

(( آخر المشوار ))

بدا يسألني وش حالك وأدوّر للألم أعذار
إذا ضاق المدى فيني .. وملت دمعتي عيني
ش أقول وخطوتي صارت على درب الملا تذكار
ش أقول ونظرة الشفقة على نفسي تبّكيني
ولا عكازتي .. تقدر تواصل .. آخر المشوار
تعبت من الصبر حتى تهاوت رحلة سنيني
تحملت الألم في صمت أعاند قسوة الأقدار
يا كل الكون ليه أنته في حضن الشوك ترميني
تصّورتك تساعدني على ظلم الزمن لي دار
شكيت أو ما شكيت أدري بأنك صعب توحيني

م ن ق و ل