|
للكوسه في بلادي شئون
بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره الآوت ف الجون للكوسه ف بلادي شئون لو تعرف واحد ف الشرطه راح تخرج من أجدع ورطه والراجل اللي انت ظلمته تلاقيه متلقح مسجون أو تعرف شخصيه كبيره شغاله ف البنك مديره راح تاخد من غير ضمانات كام قرض بمليون مليون وهروبك طبعا مضمون ويا عيني لو تعرف نايب ف المجلس مش نايب خايب راح تبني أبراج وهميه أوراقها مظبوطه أكيد وفلوس الناس المهريه حتجيلك م الجيب للإيد بعديها تروح المستشفى وتقيد نفسك مجنون أحكامك تسقط ف ساعتها بعديها ترجع موزون ويا عيني لو تعرف شيخ فجنابك طاهر علطول وصيامك طبعا مقبول وإذا فرضا حبيت تتجوز تتجوز من غير مأذون وإذا ساكن ف عماره جديده وحبيبك راجل مسئول فسيادتك من غير ما تقول يركب لك فورا تليفون ولو انت عندك عربيه ونمرها سوده بنسرين حتعدي أجدعها كمين وحتكسر أوضحها إشاره ماهو نمرك سوده جباره ولا تعرف أيتها قانون ولو انت بتعرف فرّان أو واحد بياع جرنان راح تاخد طلبك وحتمشي من غير ولا دوشه ولا دور والناس الغلبانه حتاخد طلباتها بعدك وتغور ماهو كله غيرك بيهون ولو انت زميل الحلاق راح تحلق اولها زبون وإذا كنت بتعرف دكتور حتعيش متطمن مسرور وحتسلك ف لجان الشفوي ومجال تعيينك موفور وحتطلع فالتليفزيون بالبدله وفيها الببيون تتكلم وبكل بساطه عن شرف المهنه المدفون لكن لو شاعر غلبان قلت اللي ف نفسك علطول حيقولو مين قال لك قول ويهاجمك مليون إنسان . . |
رد: للكوسه في بلادي شئون
هههههههههههههههه
حتى الحلاق والفران حقودى انت تسلم احمد على الشعر اسعدك ربى |
رد: للكوسه في بلادي شئون
طرح مميز ومختلف بمذاق اخر
سلمت اخى الكريم احمد المصرى صاحب التذوق للحرف والمعنى دمت بخير |
رد: للكوسه في بلادي شئون
سلسبيلااا نور يسلمووا على روعة مروركم دعواتى لكم بالصحة والعافية |
رد: للكوسه في بلادي شئون
يا ساتر هذي ملحمه في الكوسه
بالبطيخ حتعمل ايه؟؟؟؟ |
رد: للكوسه في بلادي شئون
والله عندك حق
مفيش حاجه ماشيه غير الكوسه تسلم اخى احمد على الطرح الرائع |
رد: للكوسه في بلادي شئون
الكوسة بقت حوسة فى بلد منحووووووووسة
ميرسى احمد على الكلمات المعبرة عن حقيقة مرة |
رد: للكوسه في بلادي شئون
ام بسملة مرمر يسلمووا على مروركم الغالى دعواتى لكم بالصحة والعافية |
رد: للكوسه في بلادي شئون
الكوسه كوسه في بلد الكوسة
وتسلم يا باشا ويا ريت 2كيلو |
رد: للكوسه في بلادي شئون
يسلمووا على المرور دعواتى لك بكل الخير |
| الساعة الآن 04:26 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by