شبكة صدفة - طريقتي المميزة في تعليم طفلي أسماء الفواكه..بالصور

>
حبايبي أمهات عروس...اليوم إنشالله بعرض لكم طريقتي المميزه في تعليم طفلي أسماء الفواكه, ولدي الله يخليه إنشالله عمره الحين سنتين ونصhttp://forums.3roos.com/images/smilies/21_149.gif, والحين يحاول شوي شوي يتعلم أسماء الأشياء و يدخلهم في جمل..مثلاً أنا أريد (تفاح), أنا أحب (العنب)..أبي أركب (السيارة)
والكل إيعرف حبايبي إن الأطفال في هذا السن يحبون يلعبون..يعني مب كل طفل عنده القابليه إنه يجلس جنب أمه و تفتح له كتاب للأطفال عشان تعلمه.http://forums.3roos.com/images/smilies/U_thin1.gif

ف بحكم إني أم وأحب إني أعلم ولدي و أثقفه عشان ما يتعب في المدرسة, وحرصي إني ما أضغط عليه و ما أطلعه من بيئة اللعب, قررت إني أدمج الإثنين, فرحت مركز التعليم المبكر و شريت له طين ملون و أدواته يعني(صلصال), وبديت أعلمه بالأشكال الموجودة أسماء الأشياء, بس اليوم إنشالله براويكم كيف علمته أسماء الفواكه

في الصورة إلي تحت علبة الطين إلي شريته مع الأدوات, الصراحه علبه متكاملة فيها الكثير من الأدوات و الأشكال و الطين الملون بكميات كبيرة و سعرة جيد جداً, بس إسمحولي عشاني طلعت الصورة من موقعهم, نسيت أصور العلبه.http://forums.3roos.com/images/smilies/S_thum1.gif

http://www.3roos.com/uploder/uploded...1232517742.jpg

الدرس العملي

والحين نبدأ : طبعاً يلسته حذالي و مسكت أداة من الأدوات, وبها تقدرين تختارين القوالب إلي تبينهم من فواكه أو حيوانات أو مواصلات, فأنا إخترت الفواكه و إبتديت بالفراااااوله

هذا هو صورة الأداة مع القالب

http://www.3roos.com/uploder/uploded...1232514439.jpg

في البداية تفتحينه و تحطين أي لون من الطين داخل, وأنا إخترت اللون الأحمر عشانها فراولة.

http://www.3roos.com/uploder/uploded...1232514439.jpg</

بعدين تصكينه و تضغطينه عدل عشان تطلع حلوه مثل الصورة إلي تحت...http://forums.3roos.com/images/smilies/rolleyes.gif

http://www.3roos.com/uploder/uploded...1232514439.jpg</

وهذي هي حبة الفراولة وهي على إدين ولدي الله يحفظه ومستانس حييييييل فيها http://forums.3roos.com/images/smilies/21_157.gif>

http://www.3roos.com/uploder/uploded...1232514439.jpg

وهذي تشكيلة ثانيه سويتها, وإخترت هالمرة الموووووز..يم يم http://forums.3roos.com/images/smilies/21_91.gif

http://www.3roos.com/uploder/uploded...1232514439.jpg</
الدرس التعليمي

وبعدين يبت صينية بلاستك خاصه بالطين (الصلصال) و حطيت الفواكه عليها و تحت كل فاكه كتبت بالطين إسم الفاكه و بديت أعلمه الحين الكلمات

والحين بعرض لكم بعض الفواكه مع أسمائهم...هذا هو التفاح

http://www.3roos.com/uploder/uploded...1232516333.jpg</

وهذا هو الشكل المفضل عند ولدي الجزر...طلع حلو وايد عشان دمجت اللونين مع بعض..http://forums.3roos.com/images/smilies/F_eyeb1.gif</

http://www.3roos.com/uploder/uploded...1232517536.jpg</

وفي الأسفل صورة الصينيه التعليمية وعليها جميع الفواكه و أسمائها...
http://www.3roos.com/uploder/uploded...1232514439.jpg</

وبديت أعلمه الاسماء و وأحط إيدي على الحروف و أهجي له عشان يتعلم شكل الأحرف..و ماشالله عليه يتعلم شوي شوي...وكلما أنتهي أحط الصينيه فوق الثلاجه إلي بالغرفه, و بين يوم و الثاني أطلع له..والحلو إنه روحه يروح للثلاجه و يطلب مني أنزل له الفواكه و أهجي له

هذا هو الطاقم إلي إستخدمته من قوالب و أدوات و طين..
http://www.3roos.com/uploder/uploded...1232516333.jpg</

وهذي مقتطفات من ليلتنا أن وولدي وإحنا نلعب بالطين(الصلصال)...هذا هو ولدي وهو متوهق مع هذا الأداة..أونه يبا يسوي (معكرونه)http://forums.3roos.com/images/smilies/biggrin.gif
http://www.3roos.com/uploder/uploded...1232514439.jpg

وهذي هي معكرونته..بس خضره http://forums.3roos.com/images/smilies/C_laugh.gif
http://www.3roos.com/uploder/uploded...1232516333.jpg</

في الختام أتمنى إنه موضوعي نال إعجابكم..وإستفدتو حبايبي من طريقة التعليم..

وللعلم عزيزاتي لا تتهاونون أو تستهينون بهذه الطرق في التعليم إلي تدمج اللعب مع التعليم...تراها مفيده جداً و كلما إقتربتي من طفلك وحسستيه بالإهتمام كلما حب التعليم و إستفاد منك>

http://forums.3roos.com/images/smilies/21_112.gif

إتمنى لكم كل التوفيق و لاتنسوني بالدعاءhttp://forums.3roos.com/images/smilies/8875.gif