أفندينا .. والعلاوة ....
افندينا أنعم علينا بعلاوة ...الشاعر أحمد فؤاد نجم
</b> افندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط ***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل اما حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخللي مساحة الغلابة تزيد ستة مللي و ياكلو بدال الترابالزلط ***** أفندينا أعلن صدور القرار و قبل اما ينجح في أي اختبار فوجئنا بزفة و مولد و زار قصايد.. جرايد.. برامج.. يفط ***** تؤكد بأن الحكومة.... بذكاء و من حزمة واحدة قضت ع الغلاء و لابد يبقى لدينا... انتماء و ناكل و نشرب و نلبس خطط ***** عبال النمو اللي قالوا عليه و حايشينه عنا مانعرفش ليه ماتلمح مكانه في مراية عينيه و نقدر ندوق منه... حتى نقط ***** مادام كل حاجة تمام ع الورق مفيش أي داعي عشان القلق و لو مش مصدق خلاص اتفلق ورقـنا اللي صح وكلامك غلط ***** قاللي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط ***** اذا الشعب صدى بفعل البارومة حاتعمل حسابه ف ايه الحكومة وهي اللي جاهزة بكرباج وشومة عشان لوفي واحد في عقله اتخبط ***** تعيش مصر دايما في عز و جمال يعيش المواطن شـديد الاحتمال و آمن تماما من الاشــــتعال و أقصى ما عنده.... ينكت فقط احمد فؤاد نجم |
رد: أفندينا .. والعلاوة ....
ما اجل اختيارتك
احمد فؤاد نجم شاعر الشعب كل اشعارة حقيقة شكرا ابو عبد الرحمن |
رد: أفندينا .. والعلاوة ....
marmer
مشكورة على المرور الراقى تقبلى شكرى وتقديرى |
رد: أفندينا .. والعلاوة ....
هذا الرجل يتكلم بنبض ولسان الشارع أبو عبد الرحمن تسلم على طرحك الرائع والمميز اسعدك الله ووفقك الى كل خير دعواتى لك بالصحة والعافية |
رد: أفندينا .. والعلاوة ....
مشكوووووووووووور
أخوى أحمد سلمك الله وحفظك من كل سوء تقبل تحياتى |
الساعة الآن 11:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by