|
قالت لى أنتم تكرهوننا
قالت لى أنتم تكرهوننا اخوتى اعضاء صدفة لم اتكلم معكم سابقا عن اصحابى واصدقائى الآن سوف أضع بين أيديكم موقف لى مع احدى صديقاتى احبها وتحبنى الى مدى محدد يعنى علاقة طيبة نسيت نقطة هامه هى ان صديقتى هذه نصرانية ارى علامات الدهشة على وجوهكم ولم الدهشة الم يسمح لنا ديننا الحنيف بالتعامل معهم الى اى مدى يكون التعامل معهم مجاملات كلمات طيبه مراعاة لجيرة مراعة لزمالة عمل المهم لاحظت عليها فى فترة فتورا فى العلاقة بيننا ليست بطبيعتها معى تجاهلت قليلا ثم لم استطع سألتها هو فيه ايه أنا ضايقتك فى حاجة فانفجرت فى ساخطة قائلة انتم تكرهوننا قلت من تقصدين بأنتم ؟ يعنى انا وصحابى ولا أنا واخوانى مش فاهمه قالت انتم المسلمون يا خبر ليه بتقولى كده ؟ قالت سمعته باذنى الشيخ بتاع الجامع اللى جنبنا باسمعه كل جمعه يقول على النصارى ما لذ وطاب بصراحه ما عرفتش اجاوب هل طلب من ديننا السب واللعن فى الناس ؟ بس دلوقت اقدر ارد ان فيه متطرفين او متشددين لا يدرون شيئا عن سماحة الدين هما اللى بيعملوا كده زى ما اكتشفت ان هما برضه عندهم نفس الحكايه واكتر من مهاجمة المسلمين بتسألوا طب علاقتى بيها دلوقتى ايه اتفقنا ان لا نقطعها بالمره لكن خلينا على اتصالات رسائل بس ايه رأيكم :aeris: |
رد: قالت لى أنتم تكرهوننا
بصراحة .. شخصياً تعرضت لهذا الموقف لكن بصورة تانى لى صاحب هنا مصرى مسيحى والمصريين بالغربة يتعاونوا مع بعض الكلام ده من 4 سنوات تقريبا كان فيه مشكلة حصلت ومات فيها ناس منهم شاف الجريدة وبطريقة انفعالية .. ليه كده .. ليييييييه .. عاوزين مننا أيه ؟؟ طبعاً نظرت ليه بدهشة .. اهدى فيه أيه يا عادل .. مالك .. حصل ايه .. زى اى مشكلة بالدنيا وخناقة وأنتهت ؟؟ وشه أتغير ومش عارف يقول ايه .. بصراحة كان ليه مصلحة عندى . هههههههههه كتم غيظه وسكت ؟؟ ما حبيت يمشى الا والنفوس راضية لاننا بغربة .. أقنعته بكل مكان فيه ناس متطرفة وانا أتعامل بمبداء .. الله يحاسب البشر وليس نحن ولكل شخص دينه ندعوا الناس بالحكمة والموعظة الحسنة ومن اعرض يتحمل الحساب العظيم بيوم من الايام تكلمت مع واحد هندى من عبدة البقر وبدائت معاه من اول ولادة البقرة وحتى موتها .. هو ما عنده اى مبرر لكن اهله وعادتهم كده وخايف يروح مسلم يموت هناك المفروض الواحد فينا يعامل الناس باخلاق الاسلام .. حتى يرغبهم فيه والله يسامح اللى دمر صورتنا وساعد الغرب فى كده بسبب التفجيرات والقتل العشوائى فعلا هناك خطاب متشدد وبقوة الله يهدى الجميع سندس .. تسلمى على الطرح الرائع دعواتى لكى بالصحة والعافية |
رد: قالت لى أنتم تكرهوننا
انا كمان كان ليا اصدقاء كتير مسحيين فى فترة الثانوى والكلية
وكنا اصحاب جدا واى خدة مطلوبة منى بعملها ليهم او العكس بس بصراحة الشئ الوحيد اللى ما كنتش اقدر علية انى اكل او اشرب من ايديهم وحصلى مواقف كتير معاهم بسبب الحكاية دى بس الحمد لله كانت بتعدى بس خلال صدقتى بيهم كان فية بعض من اصحابى المسلمين يقولوا ليا انتى ازاى قادرة تقعدى وتتكلمى وتتضحكى معاهم وكنت احس انهم مش بيكرهوهم بس مش بيحبوهم بردة عموما ربنا امرنا كمسلمين ان احنا نتعامل مع كل الاديان بصورة المسلم الجميلة وربنا ذكر اية فى القران معناها ان اقرب الناس الى المسلمين سوف يكونوا النصارى واكثرهم بعدا اليهود فاعتقد ان التعامل مابين المسلم والمسيحى ليس عيب ولا حرام لكم دينكم ولى دين شكرا حبيبتى على طرحك |
رد: قالت لى أنتم تكرهوننا
لو نستعرض احداث فى سنوات ماضيه نجد ان العلاقات كانت اطيب من هذا الوقت ذلك لأنه حتى بالفطره الجميله كان اساس المعاملة منا كمسلمين الدين المعاملة
واجهة حلوه للدين دلوقتى مع موجات التشدد من البعض منا ومنهم تغيرت الاحوال حتى فى سلوكياتهم اذا اتيحت لهم الفرصة للهجوم لا يترددون لحظة وقد كثرت القنوات والمواقع التى تهاجم الاسلام بصورة شنيعة جدا تحت مظلة الاقباط يتحدثون باسم الكل لكنهم بالطبع ليسوا جميعا نأتى لحركة البيع والشراء بصراحه فيه ميزه فيهم كلمة واحده فى البيع خامات نظيفه لا جدال ولا غش ولازلت عند نفس الرأى الدين المعاملة يا ريت نضعها دائما نصب اعيننا |
رد: قالت لى أنتم تكرهوننا
نقول حاجة احسن من ده كله يا حبايبي دول اخوتنا فى الانسانية دول ولاد ادم وحوا يعنى اخوتنا اما عن الدين فا كل واحد يعتقد الى هو عايزه وحسابه عند ربنا
|
| الساعة الآن 10:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by