شبكة صدفة - بعد ماأكون في قبري تذكرني وتبكيني

http://www.fdit-9.com/mmspics/173.jpg

فديتك ياهوى نفسي مع الشدات خاويني

فديتك لاقسى وقتي علي وناحت أشجاني

أبيك في لحظة الفزعه تحط يديك بيديني

وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني

تراني لو رحلت أبقى ضحية كيد عدواني

سألتك بالله الواااالي سألتك لاتجافيني

معي واصل مشاويرك أواسيك وتواسيني

معي إبقى مثل ظلي حذااااري لاتعداني

أبي منك الوعد إنك على غيري تبديني

وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني

أنا بأعلن خبر عاااااجل تعالوا إقروا إعلاني

أبكتب داخل الإعلان إلى من صار يغليني

إليك أهدي نغم شعري وكل عرق نبض فيني

وإليك أهدي شذى عطري وياسميني وريحاني

وأبكتب داخل الإعلان وصيه كان شاريني

معي بالطيب عاملني ولاتجرح بهجراني

ومهما تقسي الدنيا علينا لاتعاديني

ولاتسعى أبد في يوم في عندي وعصياني

أبيك دكتور لآلامي من أحزاني تداويني

وأبي لاكفت أبصاري تكون النور لأعياني

وأبي لافاضت أنفاسي تكون أول معزيني

وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني

وأكون حزن على بالك ماتغفل وتنساني

أبي لاقالوا العذال وش اللي بينك وبيني؟

تبسم وتدمع عيونك من الحسره وفقداني

وتجاوبهم إني بقلبك وبالأضلاع تخفيني

وإني سلوة الخاطر معك لاصرت وحداني

أبيك تقول هي ماماتت أحاكيها وتحاكيني

أبيك تقول هي موجودة وخبيتها بوجداني

أبيك تقول هي دمي اللي في شراييني

لأنك دمي اللي يضخه عرق شرياني

وأبي لازادت جراحك تخيلني وتناديني

وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني

وقل ياكثر ماخليت كتبت لي شعر وأهداتني

ترى لو للقصيد عيووون والله ماتقديني

لأني للقصيد عيون وإسمك رمز ديواني

وترى لو للحروف أهداب تعجز لاتغطيني

لأني للحروف إيحا ووحيك سر لإذعاني

تداركت الزمن يمك الا ياليت يمديني

نسيت من أجلك الصادق اللي الروح يعطيني

ونسيت الأول والآخر والقاصي مع الداني

وجاري المسح للباقي وأنت اللي تكفيني

حرام أحط معك غيرك وأحبك وأظلم الثاني

كفايه أنت في دنياي أمل باقي يسليني

أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني

ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني

وتراك بدنيتي دنيا لها لون وشكل ثاني

ودنيا" مابها حسك ماأبيها وعمرنا فاني:

أنا سميتك الدنيا وأنته وش تسميني؟

**************
عجبتني جداااا جداااا
مع بعض التصريف

يسلم كاتبهااا يااارب العالمين
منى رشدى