Ѻ دجاج بالبارميزان... نكهة إيطالية لذيذة... و بالخطوات المصورة Ѻ
( الكمية ل 3-4 أشخاص):
الخطوة الأولى: صدور دجاج... قطعتين لكل شخص 3 فصوص ثوم مدقوقة زيت زيتون شرايح الفلفل الأحمر المجفف ملح - فلفل أسود أوريغانو جبن بارميزان جبن موزاريللا بقدونس مفروم نجيب صينية بايركس و ندهنها بزيت الزيتون و نوزع فوقه الثوم و شرايح الفلفل الأحمر... http://www.3roos.com/uploder/uploded...1230649591.jpg نرقق صدور الدجاج و نخليهم متساوين في السمك، و تقدرون تستخدمونها على طول بدون ترقيق إذا تحبون... بعدين نحطهم في الصينية و نتبلهم بالملح و الفلفل و الأوريغانو و نقلبهم عالوجه الثاني عشان يتغطون بزيت الزيتون و الثوم :) http://www.3roos.com/uploder/uploded...1230649591.jpg الخطوة الثانية: و نحتاج فيها صلصة الطماطم... نقدر نستخدم الصلصة الجاهزة اللي نستخدمها للباستا أو البيتزا، أو ممكن نسويها في البيت... و هذي طريقتها: 4 حبات طماطم كبيرة و ناضجة، مقشرة و مقطعة أرباع 3 ملاعق كبيرة معجون طماطم نص كوب ماء زيت زيتون فصين ثوم مفرومين ملح – فلفل أسود – أوريغانو في قدر صغير عالنار، نحمي شوي من زيت الزيتون و نحمر فيه الثوم... http://www.3roos.com/uploder/uploded...1230649591.jpg بعدين نخلط الطماطم و معجون الطماطم و الماء بالخلاط الكاس، و نضيفها للقدر و نبهرها... http://www.3roos.com/uploder/uploded...1230649591.jpg نخلي الصلصة تغلي لحد ما تتكثف و تصير ثقيلة مثل الجاهزة... الخطوة الثالثة: و بنحتاج فيها خبز محمص مثل اللي نزين فيه السلطة أو الشوربة... تقدرون تستخدمون الخبز الجاهز إذا متوفر أو ممكن تسوونه في البيت :) و في نوع جديد ممكن تستخدمونه بعد اسمه Twistos ، طعمه جداً لذيذ... مثل اللي في الصورة... http://www.3roos.com/uploder/uploded...1230650960.gif و طريقتي: خبز صامولي مقطع مكعبات متوسطة الحجم زيت زيتون ملح الثوم – فلفل أسود – أوريغانو نحط الخبز في صينية فرن و نرشه بزيت الزيتون و البهارات، و ندخله الفرن على حرارة متوسطة عشان يصير لونه ذهبي، و انتبهوا لا يحترق لأنه يتحمر بسرعة... http://www.3roos.com/uploder/uploded...1230649591.jpg الحين نجي للتجميع :) نصب صلصة الطماطم اللي سويناها فوق الدجاج... http://www.3roos.com/uploder/uploded...1230649591.jpg و فوقه نرش نوعين الجبن، و كمية الجبن تعتمد على حجم الصينية، لأنه لازم نغطي الوجه كله، لكن مو شرط تكون الطبقة سميكة... و فوق الجبن نوزع الخبز المحمص، و نرجع مرة ثانية نرش طبقة ثانية من الجبن و فوقها البقدونس المفروم... (أنا نسيت و ما حطيته :() http://www.3roos.com/uploder/uploded...1230649591.jpg http://www.3roos.com/uploder/uploded...1230649591.jpg نغطي الصينية بورق الألمنيوم و ندخلها الفرن لمدة 35 دقيقة، بعدين نشيل عنها الألمنيوم و نحمرها لمدة 10 دقايق... أنا قدمت معاها خضار مشوية بالفرن، و هذي طريقتها: بطاطس مقطع ويجز جزر مقطع حلقات عريضة و ممكن تضيفون الخضار اللي تحبونها، كوسا أو بروكلي نحطهم بصينية فرن و نرشهم بزيت زيتون و ملح و فلفل أسود و اوريغانو، و للي يحب نكهة الثوم ممكن تضيفون ثوم بودرة... http://www.3roos.com/uploder/uploded...1230649591.jpg نحمرهم بالفرن في الرف الأخير و لمدة نص ساعة، و طبعاً لازم نقلبهم عالوجه الثاني بعد مرور نصف الوقت عشان يتحمرون عالوجهين... و هذا شكل طبقنا الرئيسي لما طلعناه من الفرن... http://www.3roos.com/uploder/uploded...1230649591.jpg و هنا مع الخضار المشوية... http://www.3roos.com/uploder/uploded...1230650719.jpg http://www.3roos.com/uploder/uploded...1230650719.jpg http://www.3roos.com/uploder/uploded...1230650719.jpg |
رد: Ѻ دجاج بالبارميزان... نكهة إيطالية لذيذة... و بالخطوات المصورة Ѻ
روووووووووعة مرمر تسلمى حبيبتى طريق سهلة واكييييييييد طعمة دوما مميزة احلى شيف صدفة دمت بخير |
رد: Ѻ دجاج بالبارميزان... نكهة إيطالية لذيذة... و بالخطوات المصورة Ѻ
مرمر يسلموووووووووو يا قمر على الوصفه,,,,, يعطيييكي العافيه,,,, ^-^ |
رد: Ѻ دجاج بالبارميزان... نكهة إيطالية لذيذة... و بالخطوات المصورة Ѻ
نور جنه تسلمو علي المرور ياغالين دعواتي بالخير |
رد: Ѻ دجاج بالبارميزان... نكهة إيطالية لذيذة... و بالخطوات المصورة Ѻ
شكرا على هذا الطبق الجميل
|
رد: Ѻ دجاج بالبارميزان... نكهة إيطالية لذيذة... و بالخطوات المصورة Ѻ
مرمر ... يسلمووووا روووعة طرحك اسعدك الله بكل وقت دعواتى لكى بالصحة والعافية |
الساعة الآن 11:10 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by