شبكة صدفة - صفحة العقل مطويه

السلام عليكم ورحمة الله وبركاته

ريـف قـلبي عـقب فرقاه
جـذ حـبـل الرجـاء فـيـه

اتـوجـد عـلـى لـقـيـاة
وشح فـي عـنوته ليه

مـاتحـملت انـا جـفواه
تـلـني شـوقي لكـيـه

جيت ليلة شتاء مفلاه
بـاتـصـلى عـلى ضـيـه

كـم امـوته وكـم احـياه
لـقـترب مـوعـد الجـيـه

علة القلب بين شفاه
والعناء مـنه في غـيـه

شفت انا موتي بيمناه
يوم اهـو ...سـلها لـيـه

قال سلم.. شرقت بهاااه
عـادها...طـحـت بالخـيه

ابتـسم لاح بـرق بـفـاه
عـز والـيـه وش فـيـه؟

صحت .. انا اه وا ويلاه
طــال لـليـل الـهـواويـه

ثـم سـدل ليله بيمـناه
فيه خمسة عشر طيه

قال... ياوين عقلك تاه؟
قلت.. انا ارفق بي اشويه

قـال..دين وحـل وافـاه
قـلـت عينك ..شقاويه

قـال ...يـاتـايـه بمسراه
حـاجـتي فـيـك مـقضيه

قـلت.. والله عزيز الجاه
انـتـي الـيـوم مـبـلـيـه

هـز مـتـنـه وطـاح رداه
قـال ..ذا لـك و ذا لـيـه

قـلـت..لا لا مـعـاذ الله
كيف تنوي بي السيـه

قالت ..انتا دواه وداه
وعـفـتي مـنك مـاطيه

راعني منه صلف حكاه
صـفحة العـقل مـطـويه

جيت له طمع في نجواه
ثـم حـداني عـلى فـيـه

لـعـنـبـو مـن ذخـر بـلـواه
يـلـوي الـقـيـد بـيـديـه

قلت له ..هيه واعـيـبـاه
الـخـنـا مـنـك جـهـريـه

ل نفرى الجيب!! من يرفاه؟
كـيـف وانـتي السنافـيه

قـال..ذاكا زمـان انـساه
راح وقـت الـخـلاويـه

جيت مقفي معاد ابغاه
تـطـوي الخـد رجـلـيـه

عفت زينه وعفت حلاه
وعـفـت انا ميّته وحـيه

وي من جيلها مسطاه
جـيـل ذابـت مـعـانـيـه

نسل بومه ونسل احداه
نـسل مـا يـنـعـرف بيه

وقـت ينخـاف من بلواه
يـوم تـهـواك واويـه

سالم العثمان