|
الرجل الذى قطع أذن زوجته
جلست فى ركن بعيد فى آخر قاعة المحكمة وكأنها تهرب من العيون المحيطة بها .. ومن وقت لآخر تضع يدها بدون وعى تتحسس أذنها اليسرى وكأنها تطمئن على وجودها .. طال انتظارها فقد جاءت مبكرة إلى المحكمة التى لم تبدأ جلساتها بعد .. تذكرت سبب وجودها فى المحكمة فانهمرت الدموع تغطى وجهها وأسرعت بإسدال الطرحة الحريرية على وجهها لتدارى دموعها عن الحاضرين ومرة أخرى وبدون وعى تحسست أذنها اليسرى وهى تتذكر ما حدث .. مشاجرة عادية مع زوجها الموظف .. عاد من عمله وطلب منها إعداد طعام العشاء .. أسرعت إلى المطبخ ولكنه شعر بالجوع فاستعجلها وبدأت المشاجرة .. اعتادت هى على المشاجرات واعتاد الجيران على أصواتهما العالية واستغاثاتها من اعتداء زوجها عليها بالضرب . حاولت أن تكون هادئة وهو يسبها ويكيل لها الشتائم ولكنه ازداد وارتفع صوته أكثر وأكثر الهدوء الذى تمسكت به زاد من إثارته فأسرع خلفها يحاول ضربها .. ولكنها جرت مسرعة من أمامه ويجرى خلفها فطرحها أرضا وانهال عليها بالضرب بكل ما وقعت عليه يديه .. صرخت الزوجة مستغيثة بمن يخلصها من زوجها فازدادت ثورته وانهال عليها بالضرب بكل قوته .. وعندما حاولت النهوض لتعاتبه وحاولت دخول حجرتها فوجئت به يسرع خلفها ويجرها من شعرها وهى تصرخ حتى طردها خارج المنزل .. وقفت حائرة أمام باب شقتها تحاول استرحامه وهى تبكى ولكنه ظل صامتا وعندما ازدادت طرقاتها فتح الباب وجرى خلفها وفى يده شفرة حلاقة .. وقبل أن تفلت منه عاجلها بضربة بالموسى ليقطع جزءا من أذنها .. بعدها هدأت ثورته وتركها تنزف الدماء فى الشارع وأسرع إلى شقته لينام فى هدوء . أحيل الزوج إلى المحاكمة العاجلة وهى تجلس الآن فى انتظار الحكم ، أفاقت من ذكرياتها على صوت الحاجب يعلن عن قضيتها .. شعرت بقلبها يخفق خوفا ورعبا وهى تنظر بطرف عينها لتجد زوجها داخل القاعة .. وبدون وعى أسدلت طرحتها فوق أذنها حتى لا يصل إليها ويمزقها .. وفى خطوات مرتعشة وصلت إلى المنصة وهى تحاول أن تمنع دموعها ورفضت التنازل عن اتهام الزوج الذى جرح كرامتها قبل أن يجرح أذنها وطردها إلى الشارع بكل قسوة فقرر رؤوف منير رئيس محكمة جنح مركز إمبابة حبس الزوج ثلاثة شهور مع الشغل عقابا على قطع أذن زوجته . |
رد: الرجل الذى قطع أذن زوجته
3 شهور علشان قطع اذن ده افتراء في انسان محترم يعرف ربه يعمل كده دي اخلاق حيوانات علي الاقل الحيوانات تتمتع بجزء من الرومانسية والرحمة انما ده انعدم عنده اي شفقه او رحمة بزوجتة الي هي مفروض شريكة حياته و اللي مفروض ان ربنا سبحانه وتعالي وصي علي النساء ولو هو انسان يعرف ربنا كويس كان عرف سيدنا محمد صلي الله عليه وسلم كان بيعامل نسائة ازاي وكان اتخذه قدوة ليه في حياته كلها انما ده مش انسسسسسسسسسسسسسسسسسان ده فاكر نفسه انه عايش في غابة مش في مجتمع اللي مفروض انه يكون متحضر احمد المصري مشكور علي الخبر ياريت ما تركزشي معاه اووووووووووووي هههههههههههههههههههههههه دمت بخير |
رد: الرجل الذى قطع أذن زوجته
ايه التوحش ده ده المفروض انهم يقطعوا ودنوا عشان يحس ويعتبر تشكر احمد على الخبر |
رد: الرجل الذى قطع أذن زوجته
والله لو قطعوا ودنه شويه عليه
اللى زى ده يجى كده فى ميدان عام وتتقطع رقبته والجريمة انه فى منتهى الغباء و3 شهور شويه عليه وحرام تسلم احمد على الخبر |
رد: الرجل الذى قطع أذن زوجته
ههههههههههههههههههههه بنات صدفه معصبين استلم يا عم احمد ههههههههههههههههه |
رد: الرجل الذى قطع أذن زوجته
واضح ان روؤف كان روؤف بالمتهم
تعصب اعمى للذكورة طيب بالله حد يرضى كده لامه او اخته عصبية بجهل وقلة احترام شريكة الحياة هى نماذج لاختبار القدر للزوجة حين تصبر وتنتظر الاجر والجزاء من الله جوائز السماء بانتظار مثيلاتها ليعوضها الله خير منه فى الجنة حفظنا الله تعال من امثال هذا الرجل لالالا ليس برجل ابدا فهو يفتقد كل معانى الرجولة فقط ينتمى الى حيوانات الشراسة تسلم اخى احمد على الطرح جرس تنبيه لنا حتى نخشى الزواج رب يهديكم معشر الرجال وتكفوا ايديكم عن النساء وبعدين يقولوا ادم مظلووووووووووووم ده نموذج واحد وما خفى كان اعظم يلاااااااا فرصة نعمل هجوم على ادم المغرور يشوف اخوه يعمل ايه دمتم بخير معشر النساءوكل الصبايا حفظكم الله حبيباتى هههههههههه |
رد: الرجل الذى قطع أذن زوجته
ده حيوان ويستاهل اكتر من كده
المفروض يطبقو القصاص تسلم احمد على الموضوع |
رد: الرجل الذى قطع أذن زوجته
ههههههههههههههههههههههه هو قطع رقبتها يا جماعة دى ودنها هههههههههههههههههه طيب ما هى سباقة للخير :chair::chair: قطعته وحطته بالاكياس :blonde: وما حدعمل الضجة دى:calich-s: أسكتوا الله يهديكم :bruce_h4h: دى السواطير بتاعة حواء شغالة من زمان :chair::chair::chair: |
رد: الرجل الذى قطع أذن زوجته
تصدق معاك حق ياحمد انا نسيت موضوع السواطير دى
دى تستاهل قطع رقبتها كمان وبسحب ردى اللى فات |
رد: الرجل الذى قطع أذن زوجته
ازاى يعنى
خليكم حقانين شوية واحد متخلف علشان عاوز ياكل يعمل كل ده هى فعلا غلطانة لما كانت تعرف انه غبى كده كانت حطتله سم فى الاكل وخلصت منه بجد ياجماعة موضوع الضرب والاهانة ده محتاج وقفه بجد لازم يكون فى حل للرجالة الى ماتعرفش اى طريقة للتفاهم غير الاهانة ولا على راى نور مش رجالة وبعد كده يقولوا بتقطعوا وتحطه فى اكياس اللى زى ده يتعمل فيه اكتر من كده لما ترجع مرمر تبقى فكرلنا فى طريقة دمويه من عندها لحد مايشوفولنا حل |
| الساعة الآن 09:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by