شبكة صدفة - سأكون أنتم

موضوعى عن تغيير سلوك الآباء دون أن نسبب لهم أي إحراج
وكمان بعض الاباء يعتبرون نصائحنا لهم اهانه واننا عيال وولاد امبارح ....و....الخ

لذلك خطرت لى فكره بيجوز مش تكون الحل الاكيد ولكن ادعو الله ان اكون موفق فى اختيار هذه الفكره وان ينفعنى وينفعكم بها

الموضوع اسمه (( سأكون انتم ))
المقصود اننا سنكون مثل اباءنا واحد هيقوللى ازاى واحنا عاوزين نغيرهم؟ اوك
عشان نغيرهم نحترمهم ونبين لهم اننا نقدرهم ونريد ان نكون مثلهم
وذلك سيؤدى لتغيير سلوكهم

المهم عاوز تعرف ايه الحل؟ اوك

الحل بأمر الله انك تجيب اجنده او كشكول وتذهب الى والديك كل منهم على حدى او كما تحب
وتسأل والدك عدة اسئله عن حاجات حلوه هو بيعملها
مثلا:::
1- لو والدك بيحب يساعد الناس لكن مش بيصلى متبدأش معاه بالشئ اللى بيعمله غلط لكن ابدأ بالصح اللى عنده وقوله
يا بابا انا عاوز اكون زيك وعشان كده انا انا هكتب كل شئ عنك عشان امشى على نهجك
واسأله انت من امتى بتحب تساعد الناس؟ انا نفسى اكون زيك
ويا ترى بتساعدهم ازاى؟ ويا ترى........و........الخ
أما الصلاه حاول تجبها بشكل لطيف (كل واحد وشخصيه والده وولدته)

2- لو والدك بيخاصم الناس
قوله انا نفسى اتعلم اسامح الناس يا بابا انا عاوز ربى يرضى عنى وادخل الجنه
مش انت عاوزنى برضه ادخلها؟هيقولك اه طبعا ربنا يوعدك
(قوله طب علمنى ازاى اسامح الناس)

3- 4- 5-
الامثله كتير بس اتمنى تكون الفكرة وصلت
وتكون عجبتكم وياريت تراعوا الاسلوب فى الكلام مع الاهالى ده اهم من الكلام ذات نفسه
خليك بشوش وسمح وقبل ايدهم قبل ما تتكلم وبعد الكلام وهكذا

يارب اهالينا يرضوا عنا ونكون باريين بيهم .