شبكة صدفة - الفاتحة على كل الأموت

شبكة صدفة (http://www.aadd2.net/vb/index.php)

- منتدى صدفة العام (http://www.aadd2.net/vb/forumdisplay.php?f=10)

- - الفاتحة على كل الأموت (http://www.aadd2.net/vb/showthread.php?t=103738)

الفاتحة على كل الأموت

كتب على سلامة .....

وفضلت استنى استنى
لحد ما عدى آخر قطر وفات
حزنت قعدت أعيط أعيط
تعبت م العياط
قلت أتمشى أتسلّى
أتفرج ع الشوارع والناس و العربيات
زهقت
قلت أرتاح
سندت على روحى
إتلخبطت جوايا كل الحاجات
مديت إيدى ف جيوبى
لقيت شويه ورق قديم
وصور وكروت تليفونات
قلت أكلّم مراتى
افتكرت إتها خدت الدوا
ونامت من تلات ساعات
قلت أكلّم اخويا
افتكرت إنه طلع معاش مبكر
وكاره تاريخه.. ومركّز فى التأمينات
أكلّم أختى
ها تعيد وتقول نفس الحكايات
أكلّم خالى
افتكرت انه غتت غتاته
ومعايا أنا بالذات
أكلّم خالتى
قلت يا واد
دى كانت خالتى وخالتك... واتفرقت الخالات
أكلّم صاحبى صلاح
افتكرت انه سافر العراق
وفى احتمال يكون مات
قلت أنا أصطاد موزه
واعمل دماغ
بس معرفش حد بتاع مخدرات
قلت امشى فى مظاهرة
لقيت العساكر راجعين.. مشطّبين على كل المظاهرات
قلت اتصل بالساده المسؤلين
هايتهمونى بإزعاج السلطات
قلت يا رب
أنا إيه
وليه
ونسيت إيه
وقطر إيه ده اللى فات
الله يرحمك بقى يابا
والفاتحة على كل الأموت

رد: الفاتحة على كل الأموت

بوح رائع

وربنا يرحم امواتنا جميعا

تسلمى حبيبتى ساجدة

رد: الفاتحة على كل الأموت

الله يرحم موتنا

ساجدة
جــــــــــزااك الله خــــــــــــــــــــيـــ ـــــــر..
وبــــأرك الله فـــــــــــــــــــــيــ ـــــــــــــــ ك..
وجـــــعـــــــلــــــــه فـي مــــــــيــــزان حـسـناتك..

الله يعطيكِ العافيه وماننحرم منكِ ..

رد: الفاتحة على كل الأموت

رائعة ساجدة ومؤثرة
رحم الله الجميع
واضح ان عقله مش مركز
من كتير الهم وضياع العادات الجميلة
سلمت غاليتى
ننتظرك مع الاجمل
اسعدك ربى وفقك بكل امورك

رد: الفاتحة على كل الأموت

ساجده .. رائع طرحك

اسعدك الله وكتب لك السلامة

دعواتى لك بكل الخير

رد: الفاتحة على كل الأموت