شبكة صدفة - حياه زوج مطحون

فى يوم 14\2 رجع سيد من شغله ومعاه ورده حمرا وقلم روج من نوع كده على قده ال يعنى الراجل فاكر انه هيقضى يوم سعيد بقى مع مراته نحمده معليش اسمها بلدى شويه بس هى كان دلعها قبل الجواز باكينام !!!!!!!!!!! ايه علاقه الاسم بالدلع مش عارف انا ما علينا المهم فتح باب الشقه ودخل لقى باكينام يووووووووه نحمده اقصد قاعده بتقطف ملوخيه للغداء بدا وتنحنح
قالها كل سنه وانت طيب يا جميل وراح مديها الورده وقلم الروج
فبصت له وضربت صدرها بكف ايدها ايه ده يا منيل ورد ال ورد ال ياخويا كنت جبت معاك كرنبه او كليو قرنبيط افيد وايه ده كمان روج بقى يا منيل بتجيبى روج ياخويا كونت جبت كام صابونه غسيل افيد ال روج ال وده احطه لمين ان شاء الله

فقالها وهو بيبلع كم الاهانات ده ليا انا يا حوبى مش انا حبيبك وجوزك بردوا

فمصمصت شفايفها بحسره وقالت حبك برص يا بعيد وجوز الشوم والندامه روح شوف جوز اختك حالته عامله ازاى دول قاعدين فى قصر مش الجحر ده اللى احنا فيه ومراته لابسه كيلو دهب مش انا حسره عليا مفيش غير دبله الشوم والندامه دى وتتنهد بحرقه وتقول الله يرحمك يابا كان يوم اسود يوم ما جوزتنى موظف وتقولى ال افندى عليه القيمه ال بلا نيله كنت اتجوزت سباك كان زمانى متهنيه بدل الغلب والمرار الطافح ده حسرررررررررررررره عليكى يا كوكى

فيقول سيد بصوت خافت خايف انها تسمعه ال كوكى ال بنت المزين اللى اسمها نحمده دلعها كوكى

فتبص ليه بعين يتطاير منها الشرر وتقوله سيد انت بتقول حاجه
فيرد بسرعه ابدا يا حوبى سلامتك
ويلاطفها قائلا حوبى مش حتقومى بقى علشان نحتفل بعيد الحب

فتقوله بغيظ يا راجل خلى عندك دم ال عيد حب ال انت مراهق لسه دا عيالك دخلوا الثانوى اتكسف على دمك

فيقولها وايه يعنى احنا لسه شباب

فتقوله بتهكم شباب الحسره والندامه الراجل شعره بدا يشيب ويقولى عيد حب بلا نيله على الرجاله

فيقوم سيد بغيظ ويفتح باب الشقه علشان يروح يقعد مع اصحابه على القهوه افيد فتقوله ومازالت مستمره بتقطيف الملوخيه ودون ان تنظر اليه حتى انت يا مدهول اوعى تنسى تجيب معاك صابون للغسيل وفليت علشان الصراصير حتاكولنا فى الخرابه اللى عايشين فيها دى وعلبه سمن السمنه قربت تخلص

فيرد بخوف تخلص روحك يا شيخه

فتبص ليه وتقوله بصوت كالفحيح انت بتقول حاجه يا سيد

فيرد برعب ابدا يا حوبى بقولك من عينا الجوز ومنخيرى اللوز

فتقوله بسخريه بلا نيله الجوز واللوز مشفتهمش من يوم الجوازه المقندله دى
وتردد بحرقه الله يرحمك يا باااااااااااااااااااااااا كنت اتجوزت سواق ميكروباز حتى

فيقولها سيد قصدك ميكروباص يا حياتى

فتقوله ياخويا اتلهى ادى الى فالح فيه قولى دى ومش تقولى دى ال يعنى الراجل مثقف اوى
انت يا راجل انت اياك تتاخر ورايا غسيل وتنفيض انا مش فاضيه وتردد محذره انت فاهم ولا نقول كمان

فيرد بسرعه فاهم فاهم الصابون والفليت اولى بلا عيد حب بلا نيله

فتضحك وتقوله بركه انك عقلت شاطر يلا انزل وفى غمضه عين تكون قدامى يلاااااااااااااااااا

فيقفل سيد الباب بسرعه وينزل جرى على السلالم متحشيا غضب نحمده فيلاقى سهر ومحمود اولاد الجيران(بينهم قصه حب) بتكلموا على السلم بصوت واطى جدا وبيبصوا لبعض فى هيام فيبص فى ايده فيلاقى الورده الحمرا معاه فيدها لجارهم ويقوله ادى دى لحبيبتك ربنا يهنيكم فيقوله الولد شكرا ياعمو وترد البنت بدلع ميرسى اوى يا عمو

فيرد فى حسره العفو يا روح عمو وينزل وهو يتمتم لنفسه ادى الحريم المدلعه جتنا نيله فى حظنا الهباب
من واقع حياه زوج مطحون
سعيد جداااااا
ههههههههههههههههههههههههه هههه

" منقول .. أسعد الله أيامكم "