شبكة صدفة - عدى النهار - عبد الحليم حافظ

شبكة صدفة (http://www.aadd2.net/vb/index.php)

- عذب الكلام والخواطر (http://www.aadd2.net/vb/forumdisplay.php?f=22)

- - عدى النهار - عبد الحليم حافظ (http://www.aadd2.net/vb/showthread.php?t=79973)

عدى النهار - عبد الحليم حافظ

عدى النهار
والمغربية جاية
تتخفى ورا
ضهر الشجر
وعشان نتوه فالسكة
شالت
من ليالينا القمر
..

وبلدنا ع الترعة بتغسل شعرها
جانا نهار مقدرش يدفع مهرها
..

يا هل ترى الليل الحزين
ابو نجوم الدبلانين
..
ابو الغناوي المجروحين
..

يقدر ينسيها الصباح

أبو شمس بترش الحنين؟

أبداً .. بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان .. و على النغم

تحلم بلدنا بالسنابل و الكيزان

تحلم ببكرة .. و اللي حيجيبه معاه

تنده عليه في الضلمة و بتسمع نداه

تصحى له من قبل الأدان

تروح تقابله في الغيطان

في المصانع .. و المعامل .. و المدارس .. و الساحات

طالعة له صحبة .. جنود

طالعة له رجال .. أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار

أستماع

كلمات : عبدالرحمن الابنودي