واذا يعني تضايقنا..؟
بنغير شي.؟
وإذا مات الزهر في اجمل حدايقنا
بنغير شي.؟؟
واذا بهدومنا ضقنا.!
بنغير شي..؟






كثير نمر في بعض الأحيان بضيقة بال..
زعل صاحب
وحاجة مال
شتيمة شخص مايعرفك..؟
وعتب قارئ..!
ونزعل حيييل ونتضايق..؟

(.. واذا يعني تضايقنا..!)
واذا يعني تضايقنا..؟



http://www.al-khayma.com/NR/rdonlyre...27/depress.jpg




هي الضيقة بتكون الحل..!
اذا كانت شموس الوقت تحرقنا
هي الضيقة بتكون الظل..!!
إذا غابو جميع الناس وتفارقنا
هي الضيقة بتكون الخِل.!!
(وإذا يعني تضايقنا..!؟)
واذا يعني تضايقنا..!





وكثير من التعب ذقنا
وسهرنا الليل..
بيجي صبح ويفرقنا
ونبكي.. سيل
لين الدمع يغرقنا
ولابه شخص في الدنيا بليا..هـم
أحد ضايق..!


http://www.alhayrh.com/galry/albums/...rmal_etsal.jpg


سبب فاتورة الجوال
احد ضايق..!
عشر سنين متزوج وربك مارزقه عيال
احد ضايق..!


لأنه البيت به صج وزحام اطفال
احد ضايق..!
من السكر..!
واحد ضايق.!
لأنه مامعاه ريال
هموم أكثر من اللازم تخنقنا
سؤال الحال..!!!!
(وإذا يعني تضايقنا.؟)
وإذا يعني تضايقنا..


من اللاشي
إلى اللاشي
على اللاشي
.. تخانقنا
وندخل في نوايا الناس..
أظن فلان يقصدني..!
أظن السيدة فلانة تسب الآنسة فلانة
عشان العانسة فلانة
إذا هذا الزمن.. لبسك ثياب في يوم مو قدك
بتحط أيدك على خدك ..
وتبكي ’’حيل
إذا هذا البحر ضيق ولا يقدر يمدك
بتحط إيدك على خدك
وتبكي ’’حيل
إذا خدك طبع حزنه على يدك
وعرفنا كل شي
(وإذا يعني تضايقنا...!)
إذا يعني تضايقنا..!
وطفينا دروب النور
وعتمنا
المدن والدور..
ويتمنا
شجر وزهور
,, وكتمنا
رقيق شعور
وشتمنا
علو السور..
عشان اشياء في الأتفه
من الأتفه من الأشياء..!
رجل خاين
"ماهي دوم الرجال تخون..!"
خيانة بنت
"ماهي كل البنات تخون..!"




(وإذا يعني تضايقنا...!)
وإذا يعني تضايقنا..!








ومشوا عنا كثير.. اصحاب
وتفارقنا
وشققنا الورق للريح ..
بعض فرقا
تكون الحل قبل , نطيح
بعض فرقا
مثل جمره وحنا الشيح..
بعض فرقا
كثير أكرم من التجريح..
بعض فرقا
تجي جية دعا ’ تسبيح ’
وكثير أصحاب فارقنا... ونسيناهم


كأن كانت علاقتنا علاقت وقت..!


مصالح وأنتهت ..
يمكن
قراب و دم أو جيران
يمكن
تشابه هم..
يمكن
واللي يهم
ماضقنا...
(وإذا يعني تضايقنا..!)
وإذا يعني تضايقنا..!



http://www14.0zz0.com/2009/12/17/14/186080870.gif




وطيرنا فراش النوم
ومسحنا كل الوانه..
وإذا سيطر على جوك حزن ..ووجوم
وبديت تفسر ..الأشياء على كيفك!!
كثير اشياء غلط حولك
وجوه الناس
تعبانه..
قلق مدري طفش مدري تعب مدري قرف ؟
مدري ترف !!
مدري من الناس زهقانه
كثير أشياء ...
تزهقنا
(وإذا يعني تضايقنا..!)


وإذا يعني تضايقنا..!



http://xomneyatx.jeeran.com/%D8%B4%D...F%20%D8%9F.jpg



أحد ’’بــآرد’’
يفيض إحساس ؟؟
بتصنع هذي الضيقه علاقة حب مابين الحطب.. والفاس
وإذا يعني زعلنا بيوم
لإمر ما.!!
وطار نعاس
وإذا فينا خنقنا أنفاس ..
وحلّقنا
يتغيّر شي
( إذا يعني تضايقنا؟؟)


وإذا يعني تضايقنا!!


http://shahrazad77.jeeran.com/%D9%85%D8%B7%D8%B1.jpg




ماهو حتى المطر.. يهجر حديقتنا
وتنبت فينا ضيقتنا..
وتغرقنا سيول الملح
والدمعه صديقتنا
ولابه شخص فـ الدنيا تهمه ضحكتك ..غيرك
لذا إضحك
ولاترمي بذور الشر ..في خيرك
لذا إصحك
كثير اشياء من الأجمل تحاول دوم ..تسرقنا
لذا اضحك
وقول بحب:
(وإذا يعني تضايقنا!!)


وإذا يعني تضايقنا؟
بهدوء أكثر...!!
وإذا يعني تضايقتي
وجمعتي كل هـ العتمه..
ولا أشرقتي؟
وقلتي في قرف مزمن :
أحس الوقت
مو وقتي!!
وإحس اني تعبت أكثر من الأكثر من همومي
وقولي لطيحتك:
قومي!!



تعبتي كثير تلومي النفس
ويخنقك البكا ساعات!!!
ولا واحد ’’بحزنك ’’ حس..
بدفا العبرات!!
وإذا يلمح أحد تقصير كذا من غير مانقصد
هنا تنصب مشانقنا..
بعد هذا


(وإذا يعني.. تضايقنا؟؟)
وإذا يعني.. تضايقنا !!

مما تصفحت

سلوى ... رائع اختيارك


تسلمى على الحوار الرائع بين السطور

كتب الله لك السلامة والخير

دعواتى لك بالصحة والعافية