شبكة صدفة - يا ..... ما أطولك كيف مرت عليك البارح

http://vb.eqla3.com/images/smilies/moon.gif

في الليل سكون وفي الليل تحريكـ للشجون
في الليل جمال وفي الليل خوف ورهبة
للعشاق سهر بالليل وغرام وأحلام
وللعابد ركعتين ودعاء وقيام

كلا يقضي هالوقت بسيمفونية خاصة متعلقة بشخصة الكريم :

乂乂乂乂乂乂乂乂乂乂乂乂乂乂乂

حبيبي النوم من عيني طار
قلت أرسلكـ مسج و تشاركني السهر

الساعة ! 10
المتصل يود أجراء هاذة المكالمة على حسابكـ
لقبول المكالمة ...

هلا يا قلبي http://vb.eqla3.com/images/smilies/004.gif وينكـ من اليوم احتريكـ
معليش بس عندنا ناس شوي واكلمكـ
هاه طيب طيب بس لا تتأخرين
,
,
,
ستة آلاف مرة يناظر بشاشة الجوال يتأكد فية ابراج ولا لا
اي واحد يكلمة بسرعة يصرف لا تتصل شلخة القلب تلقاه مشغول http://vb.eqla3.com/images/smilies/038.gif

الو وليد وينكـ بتجي الاستراحة لالا طالع مع الاهل معزومين الليلة
الو وليد وينكـ نمركـ تطلع معنا لالا الليلة تعبان وبنام بدريhttp://vb.eqla3.com/images/smilies/019.gif
,
,
,
الساعة 2 تجي 3 توصل 4
ولا زالت العيون على شاشة الجوال ويا قلب لا تحزن

http://up.eqla3.com/up/get-1-2008-5uqw49eo.jpg

乂乂乂乂乂乂乂乂乂乂乂乂乂乂乂

الساعة 10
ابو عبد الرحمن وام عبدالرحمن متلحفين وفي الحلم السادس
نواف وليدهم بالعشرين ما عندة ولا شغلة
طاح على مفتاح السيارة قال مالكـ يا ولد الا تمتير بهالشوارع
(زوم على طريق الميه ونواف ماشي 220 وابو نورة على اعلى صوت الاماكن كلها مشتاقة لكـ)

http://up.eqla3.com/up/get-1-2008-oi29k2bn.jpg

نواف يطالع للمراية الا ولومينا مرور سري وراة

ويوقفة العسكري رخصة واستمارة ولا امداة يطلعها من الدرج الا والسطحة واقفة
تشيل السيارة ونواف مع العسكري ويرمية بالتوقيف للصبح

وقتها نواف كمل الاغنية الي كان يسمعها
الناصرية كلها مشتاقة لكـ
والجدران الي انكتبت فيها ذكرياتي

乂乂乂乂乂乂乂乂乂乂乂乂乂乂乂

http://up.eqla3.com/up/get-1-2008-9b2tujbp.png

بعد ما راحو الزوار
وكلن ودعة وطلع
صالح يقضي الليلة الثالثة بالمستشفى على أثر طيحة من الدرج
يوم كان يناظر الشغاله الجديدة الي جابوها اهلة الي تشق الوجة
هو ما قصدة شي يعني كان قصدة شريف بس حب يتأكد انها بغرفتها الي تحت بيت الدرج
ومن الشوفة شمع بجبهتة من فوق الدرج على الزير حق الماء الي مجدوع عند الباب
,
,
,
,
الوقت يمر علية بثقل في المستشفى يعني الدقيقة بساعة والساعة بيومhttp://vb.eqla3.com/images/smilies/niark.gif

يقول ابن الرومي في مثل هاذي الحالات
رب ليل كأنه الدهر طـــــولا .........قد تناهى فليس فيه مزيد
ويقول اتركـ عنكـ الشغالات بعد

乂乂乂乂乂乂乂乂乂乂乂乂乂乂乂

http://up.eqla3.com/up/get-1-2008-qo4bzm3q.jpg

في هالوقت تزين سوالف آخر الليل
ويبدأ الناس المحترفين في سرد سوالفهم ومغامراتهم الي ما تنتهي

الكل جالس يسمع الي مستمتع والي يضحكـ والي حايمتن تسبدة بس ما ودة يروح
للبيت خبرة الي هنا أزين من الحنة الي قدامة ولا يحتري البزران ينامون http://vb.eqla3.com/images/smilies/10111.gif

ومسلسل سوالف آخر الليل مستمر والبطل يكمل حديثة قائلا <-----

خبركم الدكتور الي كان يدرسنا آخر ترم قبل أتركـ الجامعة <------- هو منطرد أصلا ما تركها
هذا الله يسلمكم صار بيني وبينة تحدي مرة وهو أنة يحطلي أختبار عام عن كل المواد عبارة عن
مية سؤال واذا حليتها كلها وجبت الدرجة كاملة يقدم استقالتة من الجامعة
أنا وافقت على طول وسوو أعلان في جميع اقسام الجامعة عن التحدي وموعد الاختبار
وفي اليوم المحدد جلست وتجمعو علي اربعة دكاتره منهم رئيس القسم وعطوني ورقة الأسئلة <----- كأنهم فاضينلة هالعالم
يقول وابدأ بحل الاسئلة كلها صح والدكتور الي متحديني يطالع في واحسة مقهور http://vb.eqla3.com/images/smilies/007.gif
ونا أكمل الحل ويجي عندي ليني واصل آخر سؤال ويقعد يتحيل في وأنا داخل على الله ثم عليكـ لا تقطع رزقي
يقول عاد انا رحمتة والله وأعود احل السؤال الاخير خطأ مع اني متاكد من اجابتة بس تركتة لله http://vb.eqla3.com/images/smilies/biggrin.gif<---- أية هين http://vb.eqla3.com/images/smilies/038.gif

乂乂乂乂乂乂乂乂乂乂

المهم ويغير السالفة وهذا أسهل شي عندة تغيير الموضوع أبد من تجهز السالفة الثانية
يدخل عرض ولا همة لا يعطي اشارة ولاشي

يقول مرة عمي الي هو اخو ابوي وابو البنية الي منشعفن قلبي عليها وبتصير في القريب العاجل مرتي
كلمني وقت العصير يعني قبل المغرب بشوي سيارتة خربانة ويبيني اجيب لها قطع غيار من مدينة ثانية تبعد عنا
حول مية وستين كيلو لان الديرة الي حنا فيها هالقطعة موب موجودة والمشكلة انه يبي اجيبها قبل العشاء عشان
يركبونها الورشة قبل يقفلون خبركم النظام الجديد للورش تقفل بعد صلاة العشاء على طول
يقول المهم انا دقيت سلف على طول ووصلت الديرة ومريت قطع الغيار واشتريت القطعة http://vb.eqla3.com/images/smilies/026.gif
الى الان كل الامور تمام ومسكت خط الرجعة وأول ما مسكت الخط وقفت في اول محطة أبي اعبي بنزين
ويوم جيت ابي امشي الا السيارة اعشقها ما تقبل القير مجيم أحاول أحاول ما رضت ونا مستعجل ولا أبي عمي يقول هذا ما فية خير ولا ما ودة يخدمني
قلت في نفسي خل أجرب الريوس والله واعشق القير ريوس ويقبل
قلت يا ولد ما يبيلها خل اتلها بس بالريوس والله بيستر http://vb.eqla3.com/images/smilies/10111.gif
يقول والله واشيل الشمعات الي قدام واركب لنباتها بدل لنبات الريوس واجيكـ ساري
العالم كل ما مرني سيارة يقعدون يناظروني والي يصور والي يقوم بزرانة كانو نايمين يبيهم يتفرجون في
ونا ماشي وكل الامور تمام الا أن رقبتي صارت تعورني شوي من الالتفات لورى <--- بس شوي http://vb.eqla3.com/images/smilies/038.gif
يقول المهم وامر نقطة تفتيش ويوقفوني واقولهم السالفة ويقولي الضابط الي عندهم
عشان اصراركـ وعزيمتكـ بنخليكـ تروح الله يستر عليكـ http://vb.eqla3.com/images/smilies/biggrin.gif<---- مغزى السالفة انة يكون ولد ذو عزيمة واصرار
يقول واوصل الورشة الي فيها سيارة عمي قبل العشاء بوقت طويل وركبو القطعة وكلش تمام

乂乂乂乂乂乂乂乂乂乂

ويمد يدة صبلي شاهي يبو خالد http://vb.eqla3.com/images/smilies/026.gif كله عشان يبين الحرق الي في يدة
تشوفون هالحرق الي في يدي هذا <----- أية
هذا الله يسلمكم قبل اسبوعين احترق بيت جيرانا وما فية الا بنات وعيال صغار ما عندهم رجال
وبالصدفة ونا طالع من الدرج الا واسمع الصياح والاصوات وادخل على طول <---- تكفى http://vb.eqla3.com/images/smilies/038.gif
الا البيت يشب نار واكسر الباب حق غرفتهم واطلعهم والحمد لله بس هالحرق البسيط http://vb.eqla3.com/images/smilies/soujojo.gif
والمشكلة انة قبل فترة قايلنا سالفة عن هالحرق انها
من محطة بنزين احترقت وقدر يطفيها قبل يوصل الحريق للخزانات

乂乂乂乂乂乂乂乂乂乂乂乂乂乂乂

http://up.eqla3.com/up/get-1-2008-6b12ygyl.jpg

أخي القرئ <-----: ياشين الخلط بين العامي والفصيح
كيف تقضي ليلتكـ هالايام http://vb.eqla3.com/images/smilies/10111.gif
عسى ايامكم ولياليكم سعة صدر ووناسة يا رب http://vb.eqla3.com/images/smilies/004.gif http://vb.eqla3.com/images/smilies/038.gif
واذا عندكـ من سوالف آخر الليل لا حرج ان تسدحها ها هنا http://vb.eqla3.com/images/smilies/biggrin.gif