قالولها مات
قالولها مات وجابولها صورته قالت ماماتش
قالولها مات وجابولها حاجته متعاصة دم قالت ماماتش .. جابولها ورقه من بنطلونه محلفها فيها لو مات شهيد تفضل تزغرط وماتصوتش .. فضلت تزغرط لحد صوتها ماراح خلاص .. وفى الارض طبت وراحت مجاتش .. قالولها اصحي ابنك مماتش .. قامت تدور عليه وتنده في كل حته ولاحد رد .. تخش اوضته وعليه تدور ولا شايفه حد .. فتحت دولابه مسكت هدومة تشم ريحته لاقت هدومه ريحتها ورد ... اخدت قميص وقعدت علي حرف سريره وعينها نعست .. شافت حبيبها عمال بيضحك ويقول لها عاوزاني امووت ؟؟ انا ياما حي والله حي طب امسكيني والمسيني واحضنيني زي ماحاضنك .. هاتي ايديكي وصدقيني انا لسه حي .. وصدقيني حقي جاي .. انا بس عايزك تكوني صابره وجامده وصامده .. وهتشوفيني في اي واحد واقف مكاني .. ولسه في الف غيري هيموتوا تاني .. يا أما اللي زيك تفرحي ابنك شهيد وعريس في الف عروسه في الجنه يا امى مستنياني .. قامت ياعيني م الحلم تجري وتمسك في بدله وتقول يا ابني ضاعت اماني وراحت امالي مين هيلبس البدله اللي جايبهالك ..... انا كنت من تحويشه العمر شاريهالك .. انا كنت خايفه ماتعجبكش .. دانا يابني قالولي ضناكي مات وبقول ماماتش .. اجيب حبيبي الصبر منين خلاص معادش .. ياناس دي اخر مره جاني مالحقش ييجي وماقعدش .. ياناس دي اخر مره جاني مالحقش ييجي وماقعدش https://fbcdn-sphotos-c-a.akamaihd.n...68ae0b45d181eb |
رد: قالولها مات
طرح رائع وجميل ومؤثر
شكرى وتقديرى اختى توتى العمدة |
رد: قالولها مات
حاجة صعبة جداً رحم الله كل شهداء الوطن وشكراً توتي على الطرح المؤثر. كُنت هنا الحب الصامت |
رد: قالولها مات
موضوع مؤثر جدا
الموت صعوبته في الفراق حد معاكي وفجأة مش تلاقيه وأكثر واصعب فراق موت الابن وحرقه قلب أمه وابوه |
رد: قالولها مات
رحم الله شهداء الوطن الغاليييين
وصبر اهاليهم يارب مصر وابناءها يدفعوا ثمن الحفاظ على مصر سلمت توتي كل التحايا لكى |
رد: قالولها مات
رحم الله شهداء الوطن الأبرار
دماؤهم غالية جدااااااا علينا وصبر أهاليهم يارب موضوعك تأثرت جدا به توتي كل الشكر لك غالية |
رد: قالولها مات
رحم الله شهدااااء الوطن شكرا لكى حبيبتي بارك الله فيك |
الساعة الآن 11:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by