نسيت 75 ألف جنيه فى فرن البوتاجاز فاحترقت مع صينية البطاطس
نسيت 75 ألف جنيه فى فرن البوتاجاز فاحترقت مع صينية البطاطس http://www.moheet.com/image/67/225-300/670617.jpg القاهرة: واقعة طريفة شهدها حى مقبل بمدينة بنى سويف بمحافظة بنى سويف المصرية، حيث قامت ربة منزل بإخفاء 75 ألف جنيه خاصة بزوجها فى فرن البوتاجاز خوفا عليها من السرقة، وأعدت صينية بطاطس بالفراخ وأشعلت فرن البوتاجاز ونسيت تماما أنها قامت بإخفاء المبلغ فى فرن البوتاجاز . وبعد فترة قصيرة اشتمت ربة المنزل رائحة غريبة تنبعث من الفرن وتذكرت فجأة أنها أخفت النقود فى الفرن فهرولت نحو البوتاجاز فى محاولة لإنقاذ المبلغ إلا أن النار كانت قد أتت على معظم النقود. وأثناء وجوده بالعمل فوجئ زوجها باتصال تليفونى من زوجته أبلغته خلاله أن المبلغ المالى الخاص به إحترق فى فرن البوتاجاز أثناءقيامها بتسوية صينية بطاطس أعدتها لوجبة الغداء .بحسب ماذكرت صحيفة "الوفد" الحزبية اليومية . |
رد: نسيت 75 ألف جنيه فى فرن البوتاجاز فاحترقت مع صينية البطاطس
ايه ده القصة وقفت على كده
طيب حد يقول جوزها عمل ايه انا لو مكانه هاخليها تحصل صنية البطاطس والفلوس حد يخبى الفلوس فى الفرن ضاقت بيها الشقة كلها يعنى لا يااحمد بالله لازم تقول ردة فعل زوجها |
رد: نسيت 75 ألف جنيه فى فرن البوتاجاز فاحترقت مع صينية البطاطس
بطاطس بالهنا والشفا هههههههههههههههه تسلم يا مصرى ابقى شيك على البوتجاز كل يوم |
رد: نسيت 75 ألف جنيه فى فرن البوتاجاز فاحترقت مع صينية البطاطس
غبية
ده نتيجة سوء تصرفها أكيدنفس جوزها أتسدت تسلم أحمد |
رد: نسيت 75 ألف جنيه فى فرن البوتاجاز فاحترقت مع صينية البطاطس
ههههههههههههههه بجد يا احمـــد انا الفضــول بيقتلنــي عاوزة اعرف ردة فعــل جوزها ^-* ده كده الخبر مفيهوش حمـاس يعني :) |
رد: نسيت 75 ألف جنيه فى فرن البوتاجاز فاحترقت مع صينية البطاطس
حبيبتى ساجدة اولا حمدلله على السلامة نورتى من جديد وبعدين عايزة تعرفى جوزها عمل ايه ليه يعنى مش نصيبهم ويمكن حرق الفوس فداهم من شئ وحش كان حيحصل ربنا يعوض عليهم تسلم احمد على النقل الطريف بس المهم نطمن على صينية البطاطس ههههههههههههههههههه |
رد: نسيت 75 ألف جنيه فى فرن البوتاجاز فاحترقت مع صينية البطاطس
الله يسلمك ياضوء
عاوزة اعرف ردة فعله لانها مخبياهم منه يعنى لو هو عارف ماشى انما دى ست اصيلة من اللى بيخبوا الفلوس وبطاطس ايه اللى انتى بقى عاوزة تطمنى عليها طيب تحرقهم مع رقاق باللحمة او مكرونة بالباشميل او حتى صينية تورلىاو صينية فيها كوسة محشية بلحمة مفرومة اى حاجة تستاهل الالوفات يااختى انما بطاطس؟ |
رد: نسيت 75 ألف جنيه فى فرن البوتاجاز فاحترقت مع صينية البطاطس
ههههههههههههههههههههههه ساجده اضحك الله سنك يختى دى هى كانت مخبياهم من الحرامية مش من زوجها بس نصيبهم من الاول انهم رايحين هههههههههههههههههههههه المهم يعنى عايزة اعرف الصينية اتحرقت هى كمان يعنى معرفوش يتغدوا ؟ ثم دى صينية بطاطس بالفراخ مش اى حاجة اصل كمان مش حيبقى فيه غدى يعنى جوع وخراب ديار ههههههههههههههههههههههههه |
رد: نسيت 75 ألف جنيه فى فرن البوتاجاز فاحترقت مع صينية البطاطس
ههههههههه والله كويس صنيه بطاطس وقفه ب75 الف جنيه لا بلاش ههههههههه
تسلم احمد المصرى تحياتى للجميع |
الساعة الآن 03:25 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by