تيجي نهرب
كتب على سلامة .... تيجي نهرب ... م الحقيقة .. م الصور .. من خبر عاجل يخض .. تيجي … لا نفهم .. ولا نعرف .. ولا نقدر نرد ... تيجي …. نتعلم سخافة .. بشويش كده .. بصنعة لطافة .. وتبقي بياع الكنافة .. وأبقي بياع الكلام ... تيجي نهرب ... م الألم .. م الحزن .. م الأحلام .... تيجي نتعلم ننام .. تيجي نتباع بكام .. تيجي …. نعمل عملية تجميل .. و نشيل ..... ولا حرام ....... تيجي …. نبقي طوب .. خشب .. إزاز بلاطة جنب بلاطة .... تيجي …. ننسي بعض ببساطة .... وتبقي بياع البطاطا .... وأبقي بياع الهوا ... تيجي …. سوا … سوا نهرب … م الأمل .... نطلع بطاقة ... بدون عمل ... نأجر عجل .. نركب جمل ... تيجي … نبقي ف اللذاذة .. وأجيب مصاصة .. تجيب بزازة .... تيجي نبقي ... ملناش عازة ... زي كل شئ جميل ..... تيجي …. مستحيل ….. هي كده .... وملهاش بديل ..... تيجي رجلك ... تيجي … تهرب بجلدك تنجرح ..... يوجعك قلبك بجد ....... لا تقبل أي حاجة ... ولا تبقي أي حد .... تيجي ….. |
رد: تيجي نهرب
حقيقى سهل نهرب من الامل
بعد ان كنا نبحث عنه سلمت غاليتى ساجدة كلما معبرة عن واقع مر كل الشكر لك |
رد: تيجي نهرب
كلمات غاية فى الإتقان والجمال
شكرى وتقديرى اختى ساجده |
رد: تيجي نهرب
ياريت الهروب بيفيد لاكننا نهرب من الصعب للاصعب تسلمى على طرحك دمتى بخير |
الساعة الآن 05:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by