يا عم يا بتاع البطاطين
يا عم يا بتاع البطاطين كتب على سلامةبردانين.. ميتين م الخوف والبرد بينا بيتسلى.. والشكوى لغير الله مذلة.. يا ترى لسه فيه بطانية من غزل المحلة.. تقدر تغطى جراحنا العريانين مش شرط صوف مش مهم الألوان.. ماعدش الشتا يومين ويعدوا.. مبقاش طيب زى زمان.. لا دفاية ستى.. ولا اللمة.. ولا الحواديت.. ولا الدفا اللى كان واصل لحد قفص الكتاكيت.. مفيش ف الشتا غير عفاريت بتسرق الستر م البيوت وتكسر علينا البيبان.. يا عم.. هو انت مش زينا بردان.. ولا أنت كمان من أصحاب الجلد السميك.. عارف.. كل بطاطين العالم مش هتدفيك.. طول م الوطن بردان.. |
رد: يا عم يا بتاع البطاطين
انا عاوزة بطانية يا
ساجدتى وتكون حلوة كدة ومن النوع الغالى مش تسترخصى هههههههه اختيارك رائع لكلمات جميلة تسلمى |
رد: يا عم يا بتاع البطاطين
كل الوطن يحتاج بطاطين
لكى يدفء ويحس ويشعر بنبض الملايين سلمت ساجدة طرح له الف معنى ومغزى كل الشكر لك |
رد: يا عم يا بتاع البطاطين
ضرب من تحت الحزام وكلام له معنى كبير
ساجده . هو وجع وطن فى حروف تسلمى على طرحك الرائع دعواتى لك بالصحة والعافية |
رد: يا عم يا بتاع البطاطين
طرح رائع ونقل متميز
شكرى وتقديرى اختى ساجده |
الساعة الآن 11:05 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by