|
ناصر القحطاني
شاعر الأندلس التي كانت أرصفتها لحنا لأقدامه
بسم الله الرحمن الرحيم ناصر القحطاني .. http://www.qassimy.com/vb/uploaded/naseer%201.jpg هو شاعر الأندلس التي كانت أرصفتها لحنا لأقدامه هو شاعر كبير كانت ملامحه وطن لأحلامه كتب للرحيل فعشقنا السفر, كتب للميلاد فعشقنا السهر كتب للتوبة فعشقنا الهداية, كتب للصمت فكانت أجمل حكاية نعم إنه الشاعر ناصر القحطاني بقلبه وقلمه وشعره وعطره وفكره وجسده وروحه ورعده وبوحه... |
رد: ناصر القحطاني
ناصر القحطاني http://www.shathaaya.com/alash3ar/athnabt.ram يمه اذنبت http://www.shathaaya.com/alash3ar/habbebe.ram حبيبي http://www.faisal1.com/poems/rm/alghtani-2.ra الصورة http://www.faisal1.com/poems/rm/alghtani-3.ra الجروح http://www.faisal1.com/poems/rm/alghtani-4.ra الغربه http://www.faisal1.com/poems/rm/alghtani-5.ra المكان http://www.faisal1.com/poems/rm/alghtani-6.ra ليل العتاب http://www.faisal1.com/poems/rm/falsfa.ra فلسفه العروس http://www.movn.net/na9r_alq76any/al_3roos.ram الام http://www.movn.net/na9r_alq76any/al_am.ram |
رد: ناصر القحطاني
قصيدة يمه اذنبت ونزحت من العشيره - ناصر القحطاني
يمه اذنبت ونزحت من العشيره وان تمنو توبتي مانيب تايب مابي لدنيا الغنادير اي سيره طايح من عام الاول في مصايب يمه اللي حب له طفله صغيره ويش يسوي لاغدا فيها طلايب طفلة ماكانت بحبي جديره بس كانت غير عن كل الحبايب كنت اسميها العنود المستذيره ليت اهلها العام سموها عجايب كنت اجيها مثل الامطار الغزيره كنت اضيع بجوها مثل الهبايب وادعي الله هي متى تصبح كبيره تفهم اشلون المكان يصير ذايب ان تغنت تصبح الطرقه قصيره وان تغلت تصبح جروحي عطايب صنتها مثل البحر لابعد جزيره ماتركت علومها لاهل الركايب ديرة ماهي بها ماهيب ديره لو ثراها عشب واعلاها سحايب يمه اتحبين طايلة الضفيره اه والله ياعليها اشقر ذوايب قالت ان جا الراس شايب فيه خيره قلت يابنت الحلال الراس شايب قالت الا الحب وشهو وش مصيره قلت انا استاهل وانا كل السبايب ماجزا اللي حب له طفله صغيره غير قبر و ضحكها فوقه نصايب |
رد: ناصر القحطاني
قصيدة سلم على حايل وسلم على شمر - ناصر القحطاني
http://www.qassimy.com/vb/uploaded/naseer%201.jpg الشمس غابت وكل دور سراجه والشوق جمر ماحر الشوق لاجمر دام إتجاهك شمال مودعك حاجه سلم على حايل وسلم على شمر قدامك الخافق اللي ينشد علاجه كنه معلق على برزان ومسمر وإنت تعرف يابعد حيي من تواجه بيضان الأفعال لامن الزمن سمر إن ضاقوا اعنف من البحر ومن أمواجه وإن راقوا أركد من الخرمان لاعمر كم صيت بيت عتق هالباب مزلاجه وكم شيخ إماره قبل تعيينه مومر وكم حاتمي تكفي فلة حجاجه وشلون للضيف لو عن ساعده شمر وإن مر تاريخهم متلبس تاجه كم عاشق كيف وكم حاسد زمر في جو أغلى على الرجلي إليا داجه من ديرة السادس ومن ديرة معمر كنه إلى أهدى له البراق ثجاجه طلة غرير ضحك ومن الخجل حمر توارثوا حرثه وتمتير ديباجه ركابة الجيب من ركابة الضمر الود لا غرس بدري صعب مخراجه والله ولا الذ وأحلى منه لا ثمر أدخل على اللي تطوف البيت حجاجه من ناقص عند مدح الغير يتذمر والمدح لو كان في الرديان للصاجه ويقال عمر بلد بالعون ماعمر والذم لو زاد في الطيب تولاجه لا أحرق ولا أغرق ولا عمر ولا دمر مانيب متحسف بشعري على حاجه إلا إني أروح ماغنيت في شمر |
رد: ناصر القحطاني
قصيدة الذاهبة - ناصر القحطاني
http://www.qassimy.com/vb/uploaded/naseer%201.jpg الله اللي راد والعقده قضاها اللي عقدها لا على الدنيا سلام ولا لباقي العمر زينه الفضا ما كنه الا خيمة طاحت عمدها والفرح ما كنه الا شيخ انقصت يدينه والعمر قطعة زجاج انكسرت ولا طال امدها والعرب في العيد بدموع اليتامى مستهينه والشوارع لفها ثوب الظلام اللي هجدها والبيوت اطلال من عقب المحبه والسكينه والشتا والليل والبرد وسما يصرخ رعدها والعيون اللي ورى الشباك مذعوره حزينه طولوا بالكهف الاصحاب وبقت روحي وحدها كنها في كوكب ثاني خلا من ساكنينه الوداع اللي بعلم العين يعبر من رمدها والوداع اللي بلا علم لقفص صدري غبينه والوداع اللي بلا رجعه علي أمر وادهى والله انه غرغرة سم وسكاكين سنينه والعنود اللي جفيت الناس والدنيا بعدها مدت الفرقى لغاليها وهي تعطي الثمينه وينها كيف اتركتني ليه ما جت في وعدها والقمر لاطل خابرها تجي بيني وبينه رحت انادي واتلمس في مهب الريح يدها كني احصان بلا صاحب طوى البيدا حنينه رحت اصيح الصبح وينه والعرب مارد احدها ما سمعت الا صدى صوتي يقول الصبح وينه كنهم من يوم ذيك الشمس غابت من بلدها طلعوني في النفود وصكوا ابواب المدينه كنهم من يوم ذيك الذاهبه محدن وجدها كل رجال من الشرهه قلع في الدرب عينه أثرها ماتت وماتت كل فرحه في مهدها والربيع اقفت به اللي كانت التاج لجبينه جاورت عقب الحدايق حفرة ماقسى لحدها حفرة ماني مصدق كيف ضمت ياسمينه للحزن فيني مثل ما للطهاره في جسدها ويش اسوي لا فتشت اللي لها وسط الخزينه زخرفت حلم وبنت له مسكن وسمت ولدها آه لو غرد ولدها في خميلة والدينه عاهدتني واظفرت بيمين اقوى من عهدها والصبي لا خير فيه ان كان ما نفذ يمينه ما تتقى في رثاها عرق اكتظ بشهدها ولا تبقى خلف قضبان الجفن عذرى سجينه كيف عند العالم ايام العزى محصي عددها والا انا طالت شهوره والله اعلم كم سنينه لا الثرى فيها نبات ولا المشي خط بنكدها ولا السما فيها طيور ولا البحر يمه سفينه لا القمر هذا مساه ولا العصي هذا رغدها لا الزهر هذا شذاه ولا الذهب هذا رنينه قالوا الشيخ الفلاني مرجع القوم وسندها قال يبشر بالعوض والعلم جينا ناقلينه ساقلك بدر البدور اللي نشدها من نشدها جادل هزت عروش وخيبت روس ذهينه قسمها في رسمها في جسمها الا في رشدها واسمها ان جال الغضب قومه على الألسن رطينه اترك الناي وعطية شيخنا غن لسعدها وانبسط يا عم وانسى اللي ورى التربه دفينه قلت ولصدري تناهيت تروع من شهدها آه واويلاه من يجلب على قلبي ظنينه خلوا اغلى ذاهبه ترعى ربيع اللي فقدها والعطى راعيه محد صوبه الله لا يهينه لو ضمنت الجنه وتفاحه القلب وشهدها قلت من بكره عسى مجنونها تاقف سنينه الله اللي راد والعقده قضاها اللي عقدها لا على الدنيا سلام ولا لباقي العمر زينه |
رد: ناصر القحطاني
قصيدة بنت الهوى - ناصر القحطاني
(بنت الهوى) أقبلت بنت الهوى مثل البشاره في طرف ليل جلب نوره بأثرها كل نجم من ضياها شب ناره و لا سهر معنا القمر ليلة سهرها عطرها زف الخبر قبل انتشاره و فلت حجاج المسا طلعة قمرها دربي أمست فرحته ليلة نهاره تنشد غيوم النواظر عن مطرها ما سمح طرفي لحمله بانحداره كل عبره لأول الفرقا دخرها فرحة أكبر منتصر وقت انتصاره طلة الوجه الطفولي تختصرها جادل تشريفها طال انتظاره فكري و عيني و خفاقي ديرها جت تهادى تاره و تختال تاره و الدلال ذنوب و العشق يغفرها جت تبي من الشمس ليديها سواره و من نجم الليل عقد في نحرها جت لسان غرورها ينشد عباره هي درت تسع الكواكب عن خبرها جت ملاك كلها عشق و طهاره جت عنود لفة الراس تعسرها حفلة ايدي مصافحتها في حراره و عيدها لا جات تسبح في شعرها بنت بدو دللوها في الحضاره سالفة عربانها من أول شهرها كم طلب يدها و لا ظن الخساره طيب يزداد في رفضه فخرها لين روح تفرك يمينه يساره منوته لو هو ولد عم و حجرها ما تبي إلا عصمة اللي باختياره ساق شبكتها الغلا و قلبه مهرها وش عليه إن سولفت عنه بغزاره بين غيد صانها الرب و سترها وش عليه إن خاطت الجرح بمهاره أذكر إنه يوم ميلاده شكرها كنت ألم الشوق و يزيد انتثاره كنت أسولف و أحسب إني منتظرها ما كرهتك يالصبر لولا المراره ما عرفتك يالضما لولا ثغرها ما حملتك يالهوى لولا الشطاره ما عشقتك يالغرق لولا نظرها قلت أبأبحر و الغلا أسباب الجساره و أحرجتني خرس أغرقني بحرها دونها جفن يغير بدون غاره ما سلمت من السيوف اللي شهرها ليتها تاخذ وفا شيخ الزياره كم لفاني ماخذ منها صورها بح صوت الوجد ما خلصت ثاره و سبحة أشواقي نثرها اللي نثرها يوم جا للبان وقفه و استداره راحت تجر أسود الليل بسفرها ودعت درب توعد به سماره و غض خفاقي مع غضة بصرها ما عذرها خاطري وقت انكساره عذرها إن اللي سرى معها عذرها |
رد: ناصر القحطاني
قصيدة فضفضت في سوالف امها الي كدرتها - ناصر القحطاني
http://www.qassimy.com/vb/uploaded/naseer%201.jpg فضفضت لي عن سواليف امها اللي كدرتها والحزن مثل الحسن لازم ينوقف له جت تفلسف طفلة مكياجها من فلسفتها كملت عشرين عام ولاتزال اليوم طفله يشفع الخلخال والسلسال جايع في رقبتها خيزران لينها بين انتباه وبين غفلة ودي ادري لا مشت بشعور الارض اللي تحتها وان تثنت قلت وين اللي يقول ان الترف له اه لولا خصرها قلت اسرفو في تغذيتها ما افقره بين النعيم ولا يبي من ينتصف له جاجة تطري عليها جايبتها جايبتها نسمة ماتعترف بالباب والحارس وقفله قلت وش ذا اللي خفق بين الضلوع من اولتها قبل اقول الضيف جاك اثره فتح كل الغرف له يوم قومته لها ليلة سرت في سلهمتها قالت اتشرف بقلبك يافتى قلت الشرف له وصرت مع سرب الحمام اللي طلع من حنجرتها ساعتين وهي تسوق الرمش وابصم واعترف له تجذل انفاسي ولا حست دفاها كسرتها واطلقتها للهبوب بكل طيش تنجرف له لين باخر طيشها قصيت اظافر شيطنتها لا تشح بكيدها الا كيدها ابن ادم ضعف له لسلست عصريه الجمعه وهي تقرا بختها بين جمع من العذارى كل شى منكشف له كل ماجن يمشطن شرطانها اللي تعبتها سمعوها من قصايد خلها اخر من عرف له ولدت الحلمن تدور له وتنشد منظرتها الدت لبروازها الاسود دمعها يا ما ذرف له لدت توصي مكاتيب قبل مازرفتها ضمنتهالغاليه دمعه وداع وعطر حفله قلت اراضيها وجيت وجات والدنيا ملتها والغزل دار ولقى المشتاق مشتاق يعزف له كل مازودت وردي السواليف اخجلتها وكل مازاد الحيى قلت الحلو وش ينكسف له قالت امي تفتكرني طفله وتظلم بختها صح انا ما ني بطفله صح انا ما ني بطفله؟ ناصر القحطاني (شاعر الاندلس) |
رد: ناصر القحطاني
قصيدة يسعد صباح الفقر ياللي تذمينه - ناصر القحطاني
http://www.qassimy.com/vb/uploaded/naseer%201.jpg يسعد صباح الفقر ياللي تذمينه في ذمتي ما انتي من الفقر معذوره ماشلت هم الرغيف اللي تشيلينه كل الهموم لسواد العين مذخوره مانتي فقيره تقولين اليسر وينه ياقطعة السكر من الملح ميسوره من علم الجوري أنشودة بساتينه من هز ريش النعاس اللي كسا حوره من ذكر الخيزران اللي نسى لينه من جدل الليل لين اختال ديجوره سلسالك الفضي اصلا لو تزمينه ماراحت أكثر عقود الماس مغروره والأزرق الرث ياملحه ويازينه أبها من أرض نهار العيد ممطوره مستورة الحال بس القاف تغرينه ليه اتنحى واخلي الحال مستوره والله لأغني لفقر غنت سنينه لين أيسر المترفات تموت مقهوره قالوا لي إن الجديل اللي تربينه معه تربيت حلم فاحت عطوره قالوا بذاك الركن سر تخبينه ومراية من رداة الحظ مكسوره لاينكسر مثلها الخاطر وتشقينه تمنظري في المرايه حي هالصوره مذكور جرح ورى الأضلاع تخفينه وتحت المخده رسالة عشق مذكوره أثر الهوى جاي يسوق الشوق بإيدينه غصن جفاه اليباس وزف عصفوره يامن يكون الحبيب اللي تحبينه ياللي بوجه الليالي ثروره وثوره وقت مضى ملمس اللعبه تمنينه واليوم خضر القلوب ألعاب منثوره الحزن .. ليه العيون السود في عينه والبحه اللي ترد الروح مذعوره فقر ستير ولا ازكى من رياحينه ولا نعيم فضوح تغرق زهوره والميت اللي يبي دعوات حيينه كنتي وصاته ونزفه وآخر شعوره يازمة الغيم ورخاية هدب عينه ماقلت لك مانتي من الفقر معذوره |
رد: ناصر القحطاني
قصيدة عنود الصيد - ناصر القحطاني
http://www.qassimy.com/vb/uploaded/naseer%201.jpg حبيبي طال موال يجيب الهم والتنكيد عسى الله ما يخلي لي خليل إن كان خليتك يا بو عذر يشابه ضحكة الأطفال يوم العيد أنا أبكيتك حشا واللي فتني فيك ما ابكيتك حرام بعينك الدمعة حرام بصدرك التنهيد حرام البرد يمضغ راحتينك ما ترضيتك تعال وكل جرح فدوتك يا اقرب من التضميد اشوفك من زمان وقدر المولى وحبيتك من اول مرة شفتك تمنيتك وكنت السيد وتمنيت أني أصلا يوم شفتك ما تمنيتك تخيل كيف سكنتك وخليت القريب بعيد وروح كل عاشق يحلم ببيت مثل بيتك فداه من البيوت اللي يمل ويعشق التجديد يا عمري شف وهو قلبي متاني فيه وصيتك أسج وتنقلب ضوضا الشوارع في عيوني بيد واجيك ويرتعش في خافقي عصفور لا جيتك دخيل الطلة اللي كل ما جت فوق ذاك الجيد دريت أنك طموحي يا طموح ما تعديتك حشا ما مرني يوم صبوح إلا أنت بالتحديد تراك الصبح في عيني من أول ما تهجيتك نسيت أن الرسايل من يدي كانت تسفر ليد تكحل لك مساك وعطرها يحييك ويميتك نسيت أنك ظفرت بزفرة تستاهل التمجيد ولا تلحق جزاها لو تجمع لي تناهيتك نسيت اني وضعت الشمس في كفك وعفت الغيد وحطيت القمر في كفك الثاني وخاويتك أنا لي ذنبك وللذنب عذر وللعذر تمهيد ولك خيل الرضا تصهل بصوتي يوم ناديتك تمتع بالغلا ياللي يسمونك عنود الصيد والا يا كثر ما غرتني حروفي وسميتك حبيبي لا سقا الله عرفي اول قبل أجيب العيد سقا الله يوم طشت الا سقا الله يوم حبيتك |
رد: ناصر القحطاني
قصيدة الساعه - ناصر القحطاني
في بحر سودك ابحر شوق مضنونك شفه الريح يوم تمازح شراعه زيد في فتنتك لعيون مفتونك يتبعك .. ما تلفت يم تباعه كل ما لد طرفك قلت .. يا عونك انت شيخ الخفوق و كثر اوجاعه كن ما انت بعلى بعضك .. و انا دونك اتلهف لوعد عندك وداعه كن الاهداب تشكي رعشة جفونك كن كفك يتله مني ذراعه اشغلت عينك الساعه .. على هونك ودنا نطلع من الوقت لو ساعه لمت صمتك و اثر صمتك من فنونك لا سألتك تصير الكلمه طماعه بس لا جاوبتني هزة متونك كيف اعاتب خجول تحكي اطباعه ادري انك رويت العشق بمزونك و ادري ان الغلا في عز مرباعه ما بقى الا اسرق الكحله من عيونك و اتجمل بعين فيك ملتاعه و ان خذاك الملل حتى من طعونك جرب الحب مره نقلب اوضاعه قل ما اخونك و اقول ان عشت لأخونك قل ما احبك و اقول السمع و الطاعه اصعب اللي خذيته عقل مجنونك و اسهل اللي عطيته دفتر ابداعه مزنة ما سبقها بارق سنونك في زمان الشقا ما هي بفزاعه تحرسك عين من صورك و تصونك روح .. ما دام راح الليل في الساعه |
| الساعة الآن 01:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by