اعزائي ال صدفة المقلوظين http://www.drdcha.com/vb/images/smilies/36_1_39.gif
كام واحد هنا عندة وزن زايد بل كام مصري عندة وزن زايد او كام مليون عربي
يتميز بالبدانة
النسبة بتقول 68 بالمائة من التعداد العربي مصاب بالبدانة

ان ان ان اااااان .........http://www.drdcha.com/vb/images/smilies/36_1_26.gif

البدانة المقصودة هي ان وزنة ممكن يكون ازيد ب 10 كيلو عن المفروض
يعني لو واحد طولة 2 متر المفروض الوزن المثالي يكون 95 كيلو

خلاصة الامر ان الشعوب العربية شعوب طفسة و همها علي بطنها http://www.drdcha.com/vb/images/smilies/36_11_15.gif
يقترب الامر لدرجة العشق و الغرام بينها و بين الاكل
كان لي صديق اذا شاف حلة ملوخية بجوارها استقر ارنب محمر فوق تل رز معمر
بكي و شهد الشهادتين خوفا من ان تزهق روحة قبل ان ياتي علي ما امامة
http://www.drdcha.com/vb/images/smilies/36_1_4.gif

واخر اذا وعدتة زوجتة بصينية بطاطس مدفوس يها قطع لحم معتبرة
قام ورقص عشرة بلدي و عزف النشيد الوطني لجمهورية باطستطا المتحدة
http://www.drdcha.com/vb/images/smilies/36_1_51.gif

لي صديق لدية طفلان اية في الجمال لا يعيبهما سوي ان كل واحد منهما يزن حوالي
73 كيلو و هما بالصف التثاني الاعدادي http://www.drdcha.com/vb/images/smilies/z060.gif
و السبب في ذلك امهم فهي تصر ان من مظاهر العز و الصحة الوش المربرب
و الكرش المهرر و اللغد المدلدل http://www.drdcha.com/vb/images/smilies/36_6_7.gif
بل امتد تأثيرها الي صديقي المسكين
فاقنعتة ان اذا اصبح من اصحاب الكروش سيحظي باحترام الجميع
لكنة اقصي ما حصل علية احترام البواب كلما رأة يلهج ولا يقدر علي التقاط انفاسة عرض علية الجلوس بجوارة علي الدكة و كرسي معسل

http://www.drdcha.com/vb/images/smilies/36_1_28.gif

بل انا في فترة ما من عمري كنت اتمتع بكيلوهات زائدة و دهون تكفي لايقاد فرن بلدي شهر متواصل لكن لاسباب صحية كورتوزونية ادت لهذا الوزن


المهم علي مدد زمنية كثيرة جربت انواع ريجيم لا تعد ولا تحصي
بعضها كان ذا مفعول واخرين اكتسبت منهم كيلوجرامات
و هنا سوف اشارككم خبرتي و تجربتي مع الريجيم
و هوب اتنين تلاتة اربعة التخين ادام و الاقرع ورا http://www.drdcha.com/vb/images/smilies/36_3_13.gif

من الاخر اذا لم تمارس الرياضة اي نوع من الرياضة
سواء مشي او هرولة او تنطيط في بيتكو http://www.drdcha.com/vb/images/smilies/36_7_8.gif
لا تعتقد انك سوف تحصل علي نتيجة جيدة
حد يقولي لية...؟
جابر...لية؟
علشان هناك اماكن في الجسم بها خلايا دهنية متركزة ربما منذ قديم الازل خاملة
مش ناوية تفوق
لازم ولابد تعملها ازعاج علشان تتخلص منها http://www.drdcha.com/vb/images/smilies/36_1_33.gif
ازاي..؟؟[
تمشي مثلا ...تروح تبلبط في الترعة اللي وراكو ...تنط الحبل
كل المطلوب تقص متر و نص من حبل غسيل بيتكو
وتقول للوالدة ان نزل علية قانون الضرايب الجديد

http://www.drdcha.com/vb/images/smilies/36_1_19.gifhttp://www.drdcha.com/vb/images/smilies/36_1_34.gifhttp://www.drdcha.com/vb/images/smilies/36_11_6.gif

ثانيا كل ما تشتهي نفسك لكن باعتدال
اتباعا لقول الرسول صلي الله علية و سلم
نحن قوم لا ناكل حتي نجوع و اذا اكلنا لا نشبع
و ايضا
ثلث لطعامك وثلث لشرابك وثلث لنفسك

ثالثا و هو الاهم
لا تجعل كل تفكيرك انك هاتنزل وزن محدد و بعد كدة ترجع باكينام لعادة زمان
المفروض دة يكون نظام حياتك الدائم
اكل معتدل و رياضة


حد سمع عن نظام اتكنز.

بالمختصر دة دكتور اكتشف في اثناء تشريحة لجثث الجنود في حرب فيتنام وجود نسبة دهون عالية جدا فيهم بالرغم من انهم جنود و رياضين و اكلهم ليس بالكثير
نظرا لظروف الحرب
و كانت النتيجة ان دة يرجع لنسبة الكربوهيدرات العالية في اجسامهم يعني النشويات
فعمل ريجيم يعتمد علي الدهون مش علي النشويات

بمعني مفيش سكر عيش مكرونة خضار فاكهة
لكن في لحمة فراخ سمك زيت سمنة زبدة محمر و مقلي و مشوي

و بالغرم من غرابة المحتوي
فا الريجيم دة جاب نتيجة ممتازة مع كثيرين اكثر من اي ريجيم تاني
منهم انا شخصيا
فهي نظرية بسيطة ان الجسم بيحرق الكربوهيدرات يوميا و اكثر من مرة في اليوم لسهولة حرقها
اما الدهون فلا يقترب منها لصعوبة التخلص منها
قوم اية تحرم الجسم من الكروهيدرات يضطر يروح للدهون
يعني كل ممكن فرخة مشوية محمرة بدون جلد علي الغدا
و اتعشي كيلو كفتة
و برضة هاتخس

http://www.drdcha.com/vb/images/smilies/36_1_13.gifhttp://www.drdcha.com/vb/images/smilies/36_1_51.gif
لكن كبعد اول اسبوع ابتدي ضيف نسبة كبروهيدرات لاكلك يعني فاكهة سلطة معلقة رز
علشان متفطس منا
http://www.drdcha.com/vb/images/smilies/z060.gifhttp://www.drdcha.com/vb/images/smilies/36_1_26.gif
الريجيم دة تمشي علية شهر او اتنين
مش اكتر
من اعراضة الجانبية لمن يستمر علية لفترة اكبر من 6 او 7 شهور
داء النقرس
ضعف العضلات
هشاشة العظام
لامساك المزمن
امراض القلب
طبعا كل دة بسبب نسبة البروتين العالية
دة في حالة الاستمرار علية لفترة كبيرة

بالنسبة للرجال لازم تلعب رياضة
و يفضل تمارين السويدي او بناء الاجسام
مبقولش تبقي عامل زي الشحات مبروك http://www.drdcha.com/vb/images/smilies/36_6_10.gif
خلي لجسمك مظهر و قوام معتدل
يفرد ضهرك و ينزل كرشك و يعرض كتافك و انت رايح تخطب كدة تبقي هيبة و طول بعرض تملا العين كدة ابوها يعملك احترام برضة http://www.drdcha.com/vb/images/smilies/36_7_7.gifhttp://www.drdcha.com/vb/images/smilies/36_1_1.gif
العب تمارين ضغط الصبح اعمل علي قد ما تقدر
النهاردة 5 بكرة 7 بعدة 10 في 20
انا بقالي 14 سنة بلعب ضغط

انا نزلت علي الريجيم دة حوالي 18 كيلو في شهرين او اكتر و داخل مسابقة ملك جمال سنغافورة
طبعا انا مكنتش ماشي بالظبط
يعني ممكن حتة بسبوسة الهف http://www.drdcha.com/vb/images/smilies/36_1_1.gif
خرطة مكرونة بالبشمل الهط http://www.drdcha.com/vb/images/smilies/36_1_2.gif
حتة سينابون ازلط http://www.drdcha.com/vb/images/smilies/36_11_5.gif
لان جسمي في فترات كان بيحتاج نسبة سكريات و الياف لاني بالعب حديد من فترة كبيرة
فا علشان اقدر اتمرن لازم اخد نسبة من الحاجات دي
كل وجباتك الاساسية فطار وغدا و عشا عبارة عن عصير او ثمرة فاكهة
و بطل عك بين الوجبات http://www.drdcha.com/vb/images/smilies/36_11_15.gif


ارجو ان اكون افدتكم و كل ما اريد ايصالة لكم لكي تفقد وزن يجب ان يكون هذا نمط حياتك
و ليس مجرد فترة . لانك بعد كدة هاترجع تفشول كعهدك السابق http://www.drdcha.com/vb/images/smilies/36_1_42.gifhttp://www.drdcha.com/vb/images/smilies/36_1_42.gif
لاي استفسار متنكسفش انا ماما وبابا http://www.drdcha.com/vb/images/smilies/36_3_14.gif

ولا تنسوني من دعائكم


علي السادة الرفيعين الابراص اقل من 60 كيلو احترام اخوانهم المزقلطين و عدم حرق دم من هم اتخن منهم

http://www.drdcha.com/vb/images/smilies/36_15_22.gifhttp://www.drdcha.com/vb/images/smilies/36_1_11.gif

منقول لعيونكم

نتور



تسلمى على مرورك الجمييييييييل

أسعدك الله بكل وقت

دعواتى لكى بالصحة والعافية

هههههههههههه جميل جدا جدا

بس ممكن سؤال ؟

انت مقلبظ ولا مسفرت

تسلم يا ابو حميد ياعسل