الاوله اااه
كتب على سلامة, الأوله آه .... والتانية … آه والتالتة ... مفيش معنديش … نفس أقول آه ... معنديش … قالو .. إقلعوا … قلعنا ومفيش ... بتعكوا وبتعنا … وصار متاعهم .. متاعنا .. وألف مرة إتلسعنا ... و برضك ... مفيش الأوله …آه والتانية .. آه والتالتة ... مفيش .... قالو إبصموا ... بصمنا … ده بكره ... سكر .. وسمنا سيبنا غيرنا رسمنا إتقسمنا … على اد ما فينا من جراح ... ابتسمنا … الأولة .. والتانية .. والتالتة مفيش … الدنيا هاصت .. وهيصنا .. ريحنا لما .. تيسنا تاه الطريق من اتوبيسنا يئسنا … لا ... عرفنا ليه قلعنا ... ولا عرفنا ... إيه … ليبسنا ... الأوله والتانية والتالتة مفيش واهى .. ماشيه تجرى المسائل .. ولا حد ... سائل ...تصحى مرسى ... ينام وائل ده انا كنت واد م الأوائل ... وكنت شاطر ... شطارة ... وكنت فن .. وعمارة .. وكنت صاحب تجارة ... معرفش إيه اللى صابنى ... فى قلبى ... ضاعت سمارة …. خربوها ….. خربوها ولاد ….القطقوطة لا طرحت باميه ... ولا قوطه وسابوها فى سرير مربوطه .. و يا ريتهم طلعم رجاله ... و يا ريتها .. رايقه .. و مبسوطه .. خربوها … دول سرقوا الهوا ... والضى ... ويا عينى ... عليها بلد ... يا ريتها ... ما قالت أى .. ويا ريتها ما جابت ولد .. خربوها … دول سرقوا النخلتين .. والنهر والمدرسة .. والهندسة .. والجبر سرقوا الشوارع ... والمعانى والأغانى … وسيد درويش .. والريحانى .. سرقوا ... المشاعر .. والمزاهر والبخور ... سرقوا الحزن ... سرقوا …حتى القبور ... خربوها … دول سرقوا الطيب .. والزين وسرقوا …الكحل من العين وسابوها .. تاكل بالدين ... وان يوم أتعدلت ... عواجوها .. خربوها …ولاد ال .. خربوها ... خربوها ولاد ال .. شر |
رد: الاوله اااه
الاولة اه
والتانية اهين والثالثة مجموعة اهات اهاتنا بقت اكتر من ضحكتنا ربنا يستر تسلمى حبى لاختيارك |
رد: الاوله اااه
آهـــااااات كثيرة
بتطلع من جوا القلب لا حد بيسمع ولا حد فاهم تسلمي عزيزتي |
رد: الاوله اااه
مشكورين حبيباتى على مروركم الجميل
|
رد: الاوله اااه
الأوله آآآه والثانيه آآآه والثالثة آآآآخ وطيخ طوخ طاااااااااخ الصغير كبر قبل أولانه والشاب شــــــاخ ماشيين ورافعين روسنا لاجل ما نشوف الفخاخ وعملنا رجيم قاسي وظالم لا لحمة لا خضار ولا فراخ وكفاية أحسن ألاقي قلمي مقصوف والسطر معووووج والحرف ما ينشاااااااااف ويتقلب المنااااااااااااخ |
رد: الاوله اااه
معلش ساجدة نسيت أحييكي على روعة طرحك الكلام جرجر القلم للألم |
رد: الاوله اااه
الروووعة هو ردك ياقلبى
والتحية ليكى مش ليا على مرورك الرائع |
رد: الاوله اااه
زجل رائع جدااااااااااااا
شكرى وتقديرى اختى ساجده |
الساعة الآن 10:45 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by