امثال شعبية فى صدفة
أ *أخد ابن عمي و اتنشر عليه بكمي و آخد ابن خالي و اتنشر عليه بشالي *أدي الباب و آدى الباب و الرزق على الرحمن *أدى الجمل و آدى الجمال *آدى الجمل و آدى النخلة *آدي السما و آدى الأرض *آدينى حيه لما أشوف اللى جيه *أكل فول و أخرج قفاي عرض و طول و لا آكل كباب ووقفة الديانة ورا الباب *ابعد عن الشر و غنى له *ابعدوا تبقوا عسل واقربوا تبقوا بصل *ابن الشيبة للخيبة *ابن الكُبة طلع القبة و ابن اسم الله خده الله *ابن بطني يفهم رطني *أبويا نهاني و قالى على الكسل بطال ، اعمل بخمسة و حاسب البطال *اتحمل همك و هم غيرك تموت و انت واقف على حيلك *اتعلم الأدب من قليل الأدب *اتهان الورد و اتبدر لما بقى مخاول البقر *اجرى يا ابن آدم جرى الوحوش غير نصيبك يا ابن أدم لم تحوش *اجرى يا خايبة للغايبة *اجرى يا مشكاح للقاعد مرتاح *احيينى النهاردة و موتنى بكره *احنا كده يا ستات عينا فيه كخ عليه *الأخ أخ مراته و الخايبة تحلف بحياته *أخبار البلد مع مين ؟ مع العمى و المكسحين |
رد: أمثــــــــــال حلوه لعيـــــــون أحلى صدفــــــــة//أ
ههههههههههههههههههههههههه هههههه جنه يسلمو فيها امثال اول مرة اسمع فيها ههههههههههه روعه يسلموغاليتى تحياتى |
رد: أمثــــــــــال حلوه لعيـــــــون أحلى صدفــــــــة//أ
*اخطب لبنتك و لا تخطبش لابنك *اخيط بسلاية و لا المعلمة تقولى هاتى كراية *أدب ابنك صغير تفرح بيه كبير *ادبح بسك ليلة عرسك *أدعي على ابنى و أكره اللى يقول آمين *أدعى على ابنى و قلبى يقول بعيد الشر *ادم البخوت للندل و الندلة و مكتكتين الشعر و الهبلة *ادى مالك للى عنده مال و ادى عيالك للى عنده عيال *إذا غضب الله على قوم اسكنهم بنها و شبين الكوم *إذا اختلف اللصان ظهر السارق و المسروق *إذا كان عندك السمن قنطار لا تقلى للعدس و لا البصار *إذا كان الغلة تيجى قد التبن كانت الحما تحب مرات الابن *إذا كان النبيت دردى و العشيق كردى و النقل فول حار و العشا بصار ايش يكون الحال *اربط البغل جنب الحمار ان ما تعلم شهيقه يتعلم نهيقه *اربط الحمار مطرح ما يحب صاحبه *إذا كنت بتكره حد ما تقولش قدام عيلك *الأرض بفلوس و السما ببلاش *استعدل و لا تستعجل *اصبر على الجار السو ليروح لتجيله زيحة *اصطلحت المقشة و يا البلاعة و الاتنين بقوا جماعة *اضحك و انشرح و اوعى صابعك ينجرح *اطعم الفم تستحى العين *اظهر و بان و عليك الأمان *اعمل الخير و ارميه فى بحر جارى و ان ضاع عند العبد ما يضعش عند البارى |
رد: أمثــــــــــال حلوه لعيـــــــون أحلى صدفــــــــة//أ
*أعمى اتجوز طارشة لا هو شايفها و لا هى سامعاه *أعمى و بيرمح فى النخل *أعمى يقول لأعمى سنة سودة اللى تجمعنا *الأعور فى بلاد العمى اسمه كحيل العيون *أعمى ينادى أطرش لا ده شايف و لا ده سامع *الأعور وسط العمى سلطان *افطر بيه قبل ما يتغدى بيك *الأقارب كالعقارب *الأقرع حصل أبو تاج *اغسلى حلتك من دمعتك و لا تغسليهاش من زعلتك *اقطع راس الكلب و ارميها و اللى فيه خصلة ما يخليها *اقل بصلة تنزل الدمعة *اكسر للبنت ضلع يطلع لها اتنين *أكبر منك بيوم يعرف عنك بسنة *ايش ينفع الندم بعد العدم *اكف القلة على فمها تطلع البنت لأمها *اللى تكره وشه يحوجك الزمان لقفاه *اكفى الطاسة تيجى ألف لقاسة *أكل الفلاح تفاح ، قال : الفجل أحسن *أكل و مرعى و قلة صنعة *أكلونى و هنونى و ها أعرف اللى ولدونى *اكنس بيتك و رشه ما تعرف مين يخشه *ألف البلد شقة و شقة و استخبى على السقا *ألف عدو برا الدرا و لا عدو جوا الدار *الله يلعنك يا زمان يا للى خليت للندل كلام و جبت اللى ورا قدام و خليت السيد خدام *الله يخليكي يا شدة ياللى تبينى ده من ده *الللى انضرب الكف يستحمل الألف *اللى أوله شرط آخره نور *اللى ايده فى النار تعبان *اللى ايده فى المية غير اللى ايده فى النار *اللى ايدى ما هى فى مقطفه ألف عفريت يلهفه *اللى بتجيب سيرتى تحتار حيرتي *اللى بيعاير ما على باله من اللى داير *اللى بيته من ازاز ما يقلعش بالنهار *اللى بنى مصر كان فى الأصل حلوانى *اللى بلا أم حال يغم و لا بلا أب حاله كرب *اللى تتجوز يوم الأربع على بيت أبوها ترجع *اللى تجوز يوم الحد ما يعلاش عليها حد *اللى تجوز يوم الجمعة ما ينشفلهاش دمعة *اللى تحمل همه ما يجيش أحسن منه *اللى تجيبه الأرياح تاخده الزوابع *اللى حبه ربه و اختاره جاب له حاجته حتى باب داره *اللى حماتها تحبها الشمس تطلع لها *اللى راسها بتوجعها صيت أبوها ينفعها وهكتفي بده النهارده ... ياريت تكون الامثال عجبتكمـ ... وبإذن الله كل يوم هنزل أمثال بحرف من حروف الهجـــــاء ... |
رد: امثال شعبية فى صدفة
ههههههههههههههههههههه روووووووووووعة جنة تسلمى على الطرح الرائع اسعدك الله ويسر امورك دعواتى لكى بالصحة والعافية |
رد: امثال شعبية فى صدفة
يعرب//احمد يسلموووووووو على رووعة المرور والتواجد الطيب دعواتي لكم بالخير |
رد: امثال شعبية فى صدفة
جنة رووووووووووعةاختيارك دوماً تنتقين المميز دعواتى لك بكل خير مودتى |
الساعة الآن 02:23 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by