شبكة صدفة - بعض مختاراتي الرمضانيه..

بعض مختاراتي الرمضانيه..

المنيو

صينية الشويرما

الباستا الذيذه
المطبببق
البتزاءhttp://www.vb.eqla3.com/images/smilies/2/eq-15.gif
السينابونhttp://www.vb.eqla3.com/images/smilies/2/eq-15.gif http://www.vb.eqla3.com/images/smilies/2/eq-15.gif
حلى النوتيلاhttp://www.vb.eqla3.com/images/smilies/n/sm1.gif
البان كيك

نبداء بسم الله

http://www.vb.eqla3.com/attachment.p...2&d=1374196404

صينية الشويرما

صدور دجاج مقطعه نتبلها ب(ملح،ثوم مهروس،خل ابيض،عصير ليمون )والمقادير تزيد وتنقص على حسب كمية الدجاج

نخليها تتبل ع الاقل ساعه بعدين بقدر على النار نحط شوي زيت وبصل شرايح نشوحه بالزيت لين يتحمر بعدين نضيف الدجاج

ونقلب لين يستوي
نصفه بالصينيه
ونقلي بطاطس سواء الجاهز المجمد او بطاطس عادي تقصصينه وتقلينه
بعد مانقليه نصفه فوق الدجاج ونقطع شرايح رفيعه فلفل رومي والي يحب مخلل يرش عليه مخلل
بالخلاط قشطه ، جبن ،مايونيز نصبه ع الصينيه ونرشه بسملق وندخله الفرن يتحمر

نقدمه مع خبز لبناني او الي يحب يحشيه بصامولي ويحط معاه كاتشب وشطه

http://www.vb.eqla3.com/attachment.p...3&d=1374196404

باستا لذيذه http://www.vb.eqla3.com/images/smilies/2/eq-15.gif

باستا لذيذه
الطريقه سهله
مكرونه نسلقها عادي مع ماجي وزيت
بالوقت الي نسلق المكرونه نسوي الدجاج وهو نفس دجاج الشويرما لكن نشوح مع البصل فلفل رومي
بعد ماتخلص المكرونه نصفيها ونضيف عليها الدجاج ونخلطها بقدر ونحط معاها فلفل ملون وبقدونس
وبالخلاط قشطه وجبن وملعقه مايونيز مع رشه فلفل اسود
نصب نص الخلطه ع المكرونه بالقدر ونحركها ليت تمتزج المكونات
الباقي نصبه عليها بعد مانحطها بطبق التقدين ونزينها بالسماق

http://www.vb.eqla3.com/attachment.p...3&d=1374195999

المطبق

عجينة مطبق جاهزه
الي استخدمتها اسمها مستاف مخابز القصيم مره ممتازه معتمدتها سمبوسه ومطبق
الحشوه حشوه السمبوسه العاديه الي باللحم المفروم اظيف لها بيض مع كزبره وبقدونس وطماط مقطع صغار
حطيت 5بيضات مع تقريبا 3-4ملاعق من الحشوه وحبة طماط كبيره مقطعه صغار
على الصاج نحط شريحه او ثنتين من العجينه ونصب عليها الخلطه بالملعقه ونغطيهاربشريحه ثانيه ونخليها لين تتحمر من تحت ونقلبها
وتتحمر كلها نشيلها ونقصهها

http://www.vb.eqla3.com/attachment.p...3&d=1374195999

البيتزاءhttp://www.vb.eqla3.com/images/smilies/2/eq-35.gif

العجينه وهي الي معتدمتها بكل المعجنات لذيذه بمعنى الكلمه وهشه
بزبدية العجن 4اكواب طحين الكويت رشه ملح وملعقه باكينج بودر وفنجان زيت
بالخلاط علبتين زبادي فنجان سكر ملعقتين صغار خميره فوريه 6ملاعق كبيره حليب بودره كاس ماء دافي وممكن نزيد شوي
نخلطها كويس ونصبها ع الطحين ونعجن مرره وعلى حسب اذا كانت لينه نزيدها طحين او مويه اذازكان العكس اهم شي نطول بالعجن ونعجن كويس لانها تتماسك كل مانعجنها
نخليها ترتاح ساعه
وبهالوقت نجهز كشنة البيتزاء الي عباره عن
بصل وفلفل روم. وفص ثوم نفرمهم ناعم ونحطهم بقدر مع زيت زيتون نحركهم لين يتغير اللون يصير ذهبي
نحط بالخلاط طماط وملعقتين ماء وملعقه معجون طماط ونخلطهم بعدين نصبهم ع البصل ونخليهم يتسبكون مع بعض ونضيف البهارات ملح وفلفل وكمون وشوي زعتر وشوي ماجي ونخليهم عشر دقايق
اذا خمرت العجينه نفردها بصينيه وندهنها بجبن سايل مخلوط بملعقه مايونيز وترى هالخطوه تعطيها طعم لذيذ
نمسحها بكاتشب وبعدين نرش الكشنه ونقطع فلفل رومي صغار ونحطه فوق الكشنه بعدها الزيتون شرايح اخضر واسود واخر شي جبن موزاريلا مع شيدر مبشور
نغطي الصينيه بقصدير وع الفرن من تحت اذا تحمرت نشيل القدير ونشغل من فوق دقايق بس لين تتحمر خفيف

http://www.vb.eqla3.com/attachment.p...4&d=1374195999

السينابوونhttp://www.vb.eqla3.com/images/smilies/2/eq-35.gif http://www.vb.eqla3.com/images/smilies/2/eq-35.gif

نفس عجينة البيتزاء

نفرد العجينه كويس ونمسحها بقشطه مخفوقه القشطه العاديه بس نحركها شوي بشوكه
بعدها نرشها بسكر بني وقرفه ونلفها مثل السويس رول ونقصصها
نصفها بصينيه ونحطها بالفرن تتحمر من تحت بعدين من فوق
اذا طلعناها نصب عليها نستله وجبن كيري ونزينها بهرشي او شوكلاته
انا كسرت عليها سنكرس

http://www.vb.eqla3.com/attachment.p...6&d=1374196216

حلى النوتيلا http://www.vb.eqla3.com/images/smilies/n/sm1.gif

طريقته اخذتها من منتدى لكن عدلت فيها وبعطيكم طريقتي

المقادير والطريقه
الطبقه الاولى بسكوت شي مغموس بحليب نصفه بالصينيه ونحطه طبقتين يعني نص البسكوت بعدين نصف فوقه بسكوت مره ثانيه

الطبقه الثانيه 5ملاعق نوتيلا -علبة قشطه-3ملاعق حليب سايل نخلطهم مع بعض ونصبهم ع البسكوت

الطبقه الثالثه بسكت جوزاء نغمسه بحليب بارد غمسه خفيفه لانه يذوب بسرعه ونصفه ع النوتيلا
الطبقه الرابعه ظرفين دريم ويب ونص كاس حليب بارد نخفقهم بالخفاق اليدوي ونزيد السرعه تدريجي لين يتكثف
ونخليه على جنب وبالخلاط العادي نخلط علبة قشطه-4حبات جبن كيري -ملعقتين صغار سكر نخلطهم ونحطهم على خليط الدريم ويب ونمزجهم مع بعض بالملعقه بشكل خفيف ونصبهم ع البسكوت
اخر شي نخطط بالنوتيلا ونزين التخطيط بالشوكه وممكن نرش عليه فليك

http://www.vb.eqla3.com/attachment.p...0&d=1374196216

البان كيك

خليط بان كيك جاهز وهذي صورته

http://www.vb.eqla3.com/attachment.p...8&d=1374196216
نسويه نفس ماهو مكتوب عليه
بعدين نصبه باله البان كيك
http://www.vb.eqla3.com/attachment.p...7&d=1374196216

اذا تحمر من تحت نقلبها

http://www.vb.eqla3.com/attachment.p...9&d=1374196216

التزيين على حسب الذوق ممكن شيره ممكن مربى وممكن حبيب الكل نوتيلا

في النهايه اتمنى تعجبكم مختاراتي واتمنى تجربونها

لكمhttp://www.flh7.com/vb/images/smilies/1452%20(9).gif http://www.flh7.com/vb/images/smilies/1452%20(9).gif http://www.flh7.com/vb/images/smilies/1452%20(9).gif http://www.flh7.com/vb/images/smilies/1452%20(9).gif http://www.flh7.com/vb/images/smilies/1452%20(9).gif http://www.flh7.com/vb/images/smilies/1452%20(9).gif

منقووووول