ما عادش خوف
 

السلام عليكم ورحمة الله

كل عام والجميع بخير




هذه الكلمات أهديها إلى الشاعر المتألق ...

هشام الجخ

بعنوان ...... ما عادش خوف

أقول فيها ....




خلاص يا مصر ما عادش خوف
ولا عاد كماين للحروف
ولا عاد قمر يعرف خسوف
ولا شمس هتخاف من كسوف
خلاص يا مصر ما عادش خوف

هشام يا جخ انسى الخروف
واكتب قصايدك فى الجاروف
والساقية والفاس والشادوف
والقمح فايض فى المزارع
والصوامع والرفوف
خلاص يا جخ ما عادش خوف


اكتب قصايد فى الميدان
اللى الأمان فيه اتولد
اكتب قصايد فى الزمان
اللى الأمل فيه اتوجد
واللى انكسر فيه الأنوف
خلاص يا جخ ما عادش خوف
ولا عاد كماين للحروف

اكتب قصايدك فى الكهوف
اللى اتعمت فيها الكفوف
ما شافتش نور الحق يوم
ولا قلبها حاول يشوف
ما شافتش غير الظلم دوم
والظلم كان رافض يطوف

كانت قصايدك فى القطوف
اللى اتحنت لجل الظروف
كانت قصايدك فى السجون
اللى اتبنت بدل الصفوف
كانت قصايدك ملحمة
من غير مدافع أوسيوف
كانت قصايدك ملهمة
والشعر كان بيها شغوف
خلاص ياجخ ما عادش خوف
ولا عاد كماين للحروف

تأشيرتك الميمونة شالت
من قلوب الشعب خوفه
هدت جدار الصمت
واتحذفت
على اديها حروفه
وسمعنا صوت الحق
بيجلجل
وبيلملم جروحه
والحق غالب
مهما طال قرن الخروف

خلاص يا جخ ما عادش خوف



مع أرق تحياتى


أبو عبد الرحمن - محمد حامد

رد: ما عادش خوف
 

الله عليك اخى
ابوعبد الرحمن
سلمت يمناك وماسطرت لنا
حروف كلها قوة وشجاعة وارداة
هى تحرك باقى جبال الصمت للشعب الابى الحر
هى مجداف الحق فى بحر الحياة
هى ثورة على فلول الطغاة
هى ملحمة حب لمصر الغالية
وللحرية اللى كان الشعب بها شغوف
لااملك الا شكرك على مشاعرك واحاسيسك الوطنية
خالص الشكر والتقدير والاحترام

رد: ما عادش خوف
 

اكتب قصايدك فى الكهوف
اللى اتعمت فيها الكفوف
ما شافتش نور الحق يوم
ولا قلبها حاول يشوف
ما شافتش غير الظلم دوم
والظلم كان رافض يطوف

الله عليك يا ابو عبدة

وعلى روعة قلمك وواقعيتة

ويارب نشوف مصر واهلها دايما بخير

تسلم

رد: ما عادش خوف
 

تسلمى أختى نور

بارك الله فيك وجزاك الله خيرا

مصر تستاهل كل خير

ربنا يفرج كربها ويرزقها بحاكم عادل

يخاف الله ويتقى الله فينا

رد: ما عادش خوف
 

يا رب يا مرمر

ربنا يسمع منك

مصر وأهلها هيفضلوا بخير ليوم الدين ان شاء الله

وكل فرعون بياخد يومين وبينزاح

وبتفضل مصر والمصريين

إما يرفعوه على الرؤوس .... أو يفتحوله فرع فى مجمع مذابل التاريخ

تقبلى تحياتى

رد: ما عادش خوف
 

رد: ما عادش خوف
 

رد: ما عادش خوف
 

تسلمى أختى ملكة

أشكر لك مرورك العذب
وكلماتك الطيبة

ودعواتك الأطيب

بارك الله فيكِ .... وفى أهلنا فى الجزائر

ويا رب يفرج كرب اخواننا فى كل بلاد الإسلام


تقبلى تقديرى

رد: ما عادش خوف
 

حمدا لله على سلامة أقلامنا وأوراقنا

ومصرنا

أختى ضوء

أشكر لك المرور الطيب
والتفاعل المعتاد فى ردودك



تقبلى تقديرى

رد: ما عادش خوف
 

روعة الكلمات ولها تأثير مباشر فى المشاعر

فائق شكرى وتقديرى أخى أبو عبد الرحمن