شبكة صدفة - سمسم ومشمش ووائل

سمسم ومشمش ووائل

كتب على سلامة
جوايا فاضى..
بس الموبايل مليان رسائل..
والحكومة ف ورطة
بعد فشل تجربة الأغانى الوطنية
بأصوات سمسم ومشمش ووائل..
والناس بتنام وتصحى
على كم هائل م المشاكل..
والانتخابات ع الأبواب
والبلد كلها ع الرصيف
والجوع كافر
ومفيش جعان ع الأرض عاقل..
ولا فيه مباريات للمنتخب الوطنى
فى القريب العاجل..
والفساد فاجر
طالع واكل
نازل واكل..
والشارع بيغلى
وبيطالب بالتغير
ومفيش دكاترة بنج وتخدير
فى مثل هذه المسائل..
انزل يا فتحى بهدف زيدان
فى مرمى الجزائر
لحين البحث عن بدائل