طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
أولا طريقة تخزين الملوخيه الخضراء أول شىء لازم تغسلى الملوخيه كويس وتسيبيها تتنشف كويس وبعدين تقطفيها بعد كده تفرميهاوتكونى وضعتى شوية ماء بسيطه تغلى على النار بحيث لما تضعى الملوخيه المفرومه فيها ما تكون سايبه تكون يابسه نوعا ما علشان كتر الماء فيها حتخليها تعمل تلج ولونها حيتغير بعد كده ما تخليهاش تغلى لا . يادوب فوره واحده وتنزليها عن النار علشان لونها ما يتغيرش وممكن تحطى بدال الماء شوربه او مكعب مرقه مع الماء تسيبيها تبرد خالص وتغلفيها وتوضع بالفريزر لما تيجى تتطبخيها تخرجيها من الفريزر بدرى يعنى بعد ما تفك من التلج ودى نقطه مهم جدا تاخدى باللك منها http://www.lakii.com/vb/smile/11_11.gif طريقة تخزين الباميه طبعا اول شىء تغسليها وتسيبيها شويه تتصفى بعدين تقلميها تكونى حطيتى كميه من الماء على النار تغلى وتحطى فيها الباميه بعد الغليان تسبيها دقيقه واحده يعنى فوره واحده بس علشان لونها ما يتغيرش تصفيها فى مصفاه واسعه وتتركيها تبرد خااااااااااااااالص بعدين تقسميها فى أكياس حسب الكميه المطلوبه لكل طبخه ولما تيجى تطبخيها مش لازم تسيبيها تفك ممكن تحطيها تفك على البخار مع التسبيكه بناعتها وبعدين تضيفى الشوربه http://www.lakii.com/vb/smile/11_11.gif طريقة تخزين السبانخ هى هى نفس طريقة الباميه لكن تقطع أولا ثم تغسل جيدا وتصفى تكونى وضعتى كميه كافيه من الماء على النار تغلى تضيفى لها السبانخ المقطعه وبرضو فوره واحده علشان تدبل بس وتصفيها علطول قبل لونها ما يتغير فى مصفاه واسع وتفرديها وتسيبيها تبرد خااااااااالص وتقسميها فى أكياس حسب الكميه المطلوبه وتوضع فى الفريزر ولما تيجى تتطبخيها مش لازم تسيبيها تفك ممكن تحطيها على البخار مع التسبيكه بتاعتها وبألف هنا علشان تكون نتايج التخزين مظبوطه لازم تكون الفريزر نوفروست الفريزر العادى يتلف اى خزين http://www.lakii.com/vb/smile/11_22.gif |
رد: طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
همس الليل
تسلمى طرق مبسطة ومضمونة بارك الله لك خالص مودتى |
رد: طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
همس الليل ... ادينا بنتعلم يسلمووووا على الطريقة دعواتى لكى بكل الخير |
رد: طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
تسلمي
همس طريقة رائعة نستعملها ببلادنا بالنسبة للباميا لما اروح اخذك معاية جزاك الله خير |
رد: طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
احمد المصرى نووور مشكووورين على المرور والرد دمتم بخير |
رد: طرق تخزين الخضار ( الباميه -- الملوخيه الخضراء -- السبابخ ) طرق مضمونه 100%
اختى منون تسلمى على المرور والرد باذن الله تروحى لبلدك قريب بس لا تنسى تعزمينا على اكل عراقى دمت بحفظ الخالق |
الساعة الآن 12:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by