شبكة صدفة - أكذب عليك ان قلت بنساك

شبكة صدفة (http://www.aadd2.net/vb/index.php)

- الشعر العربى القديم والحديث (http://www.aadd2.net/vb/forumdisplay.php?f=21)

- - أكذب عليك ان قلت بنساك (http://www.aadd2.net/vb/showthread.php?t=135415)

أكذب عليك ان قلت بنساك

أكذب على نفسي إذا قلت بنساك

وأكذب عليك إن قلت لك روح مابيك .~

أزعل واعاند وابتعد وتحداك

يومين والثالث بصوتي اناديك .~

يجيبني ( شوقي ) و( حبك ) وذكراك

و( همسك ) و( ضحكك ) و (التدلع ) وطاريك

من كثر حبي لك ومن كثر ما أبغاك

حتى وانا ( مجروح ) بالحيل أداريك .~

اتحمّل جروحك وأدوّر على ارضاك

وأمشي على كيفك وأتابع خطاويك .~

أضحك لضحكاتك ويبكيني ابكاك

ويضيق بالي لا لمحت ( الحزن ) فيك .~

ماتدري أن ( الروح ) و( المال ) يفداك

وأن (السعاده) كلها بين أياديك

لو شفت حالي يا ( الغلا ) عقب فرقاك

ماغبت عن ( عاشق ) جنابك ومغليك

عاشق كتب ( قصة غرام ) بزواياك

وابدع بوصفه في كتابة معاليك

يسهرك ليل ان مر فالبال طرياك

ويلبسك حزن أن جات ذكرى لماضيك .~

تعال خل ( الهجر ) لا يضيع مبداك

وأرفق بقلبٍ كل ليله يناجيك

قلبٍ شكى همّك وضيمك وبلواك

وجروح تنزف من سبايب تجافيك .~

خلاص يكفي ( هجر ) عوّد لمرباك

مدامني بالحب للحين شاريك

الوصل نعمه و(الجفا ) يفرح أعداك

. أظن هذي كلمةٍ من مباديك

ان قلت لك بنساك ما والله أنساك

وأن قلت لك ما أبغاك لا والله أبغيك .~

راقت لي