|
د. صبرى إسماعيل يكتب: مصر زعلانة
د. صبرى إسماعيل يكتب: مصر زعلانة بين المزارع شُفتها ماشية----------متشددة وعيونها دبلانة التوب مترّب والسواد غالب---والدمعة نازلة تِجرى زعلانة قلت لها مالك با امّنا قولى----ولاّ انتى منّى برضه غضبانة دااحنا فداكى لونموت نحيى---والصرخة تِبقى فى العِدا دانة ردّت عليّا بنِفس مكسورة---------عايزه تِنهنِه بس وجعانة جاىّ من وليدى لمّا ينسانى---وحروفه ترعب قلب مُرجانة لفّ السواقى نلتقيه كِدبة-----والأرض تعطش تبقى حيرانة الورث خايب والصويت حامى-----والكلّ بالع قِصّة ولبانة طب ليه أغيّر طرحتى وشالى------ويلبسّونى عيرة خيبانة واللى بكلامهم زودوا حِملى ----–ويجرّحونى بعِلّة خسرانة القلب آسى والضنا اتبدّل-----------القلب برّة والجفا معانا زعلتوا نيلكم والهرم هاسس-----والكُره أصبح سِلعة ولهانة طب ليه نسيتوا نصرنا بسينا------وعبور قنالنا اللى علاّنا كانت إيديكم كلكم واحدة---------ترمى عليهم لو عدو جانا الكرسى أصبح نار بتحرقكم----وصراح هيمحى كلّ ذِكرانا واللى بيهدم فى التاريخ كلّه-----ورموز بلدكم اللى صانعانا بصّوا عليهم مين فلح فيهم--------اللّى شعارهم قتل وخيانة بيقسموها كل يوم حِتّة-----------واليُتم أصبح عندهم خانة الفقر واكل ستر أعراضهم-------وبتفجيراتهم اللى داوشانا ضمّوا الأيادى لاجل تعلو بى--------والحب يبقى سرّ لقيانا والسد يبعت خيره لقلوبنا-----والضِحكة ترجع تحيى موتانا يارب تِحمى مصرنا بحالها---دااحنا ف كتابك وانت مولانا |
رد: د. صبرى إسماعيل يكتب: مصر زعلانة
كل إللى بيحصل ده ومش عاوزها تزعل !
طرح رائع وإختيار أروع شكرى وتقديرى أخى أحمد |
رد: د. صبرى إسماعيل يكتب: مصر زعلانة
يارب تِحمى مصرنا بحالها---دااحنا ف كتابك وانت مولانا
يااااااااارب شكرا لك احمد اختيارك بارك الله لك |
رد: د. صبرى إسماعيل يكتب: مصر زعلانة
اختيار رائع لكلمات واقعية تهز كيان كل مصري محب للبلد اللهم احفظ مصرنا الغالية وهون عليها وعلينا ما نحن فيه سلمت يداك أخي أحمد على الطرح المميز |
| الساعة الآن 06:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by