- كمِّل جميلك ..!
http://el9ane3.jeeran.com/photos/59693_l.jpg : شي يخصك باقي عندي "قلب " من غيرك وحيد ! ما يبي يبقى بدونك .........! يا أجيلك / أو يجيلك ! يسألوني الناس عنِّي ! [ ليه ما أكتب : قصيد ] ؟! قول .. لا تسكت .. تكلَّم .. وش أجاوبهم دخيلك ؟! إختلفنا . . . . . وماعرفنا ، شنهو الراي السديد .. يا تضحِّي في عنادك ..! أو ، أضحِّي في سبيلك ! ليه كل عيد إنتْـفارق ؟! صرت أكرَه ، كل عيد ! وإنتْـ فارق في [ غلاتك ] .. وقلبي ما عنده مثيلك ! المشاعر من غيابك . . يا دفا إحساسي , جليد ! طحت من عيني لـ قلبي وصرت ما أقدر أشيلك ! يشهد الله .. من رحلت وفي حياتي ، لا جديد .. وكل ما ألمَح سرابك .. أرتِبِك ، الله وكيلك ! هذا حظِّك رغم زلاتي [ خليلك ] ..! أقتلك .. لا من خطيت ويا عسى ، عمرك مديد ! و أعذرك .. لو كنت قاتل لأنه : يستاهل قتيلك .! ويلي منِّك لو نسيتك . . . والزعل طبعاً " شديد " .. ولو أحس لحظه بـ أنِّك منشغل عنِّي ؟! يا ويلك ..! كل عاذل جاك بَعْدِي .. وقالـ لك إنِّي : سعيد . . - ما صِدَق ! وين السعاده ! والحزن شيَّد رحيلك ! وكل عاذل قال عنِّي شي .. - إحساسه بليد ! ما قدر ياخذ كثيرك .. صار يطمَح , في قليلك ! وكل عاذل إن عطيته وجه .. - ورَّااااك المزيد ! لو يقول إنَّه : يبيلك خير !! والله ما يبيلك ! جيتهم طيِّب ....... . وأدري في زماني ما يفيد !! وش حصيل الطيب فيهم ؟ ومن فراقي , وش حصيلك ! بترك الدنيا ( عشانك ) ! دام هذا ما تريد .. ويا عسى كلمة " عشانك " تشفي يا روحي غليلك !! الدليل إنِّي أحبك : صرت أحسِّك بـ [ الوريد ] ! وأدري في قلبك يحبني . . دون ما أسمع دليلك ! في عيونك صرت ( شاعر ) واصل القمَّه / فريد !! وصرت تسوى في عيوني كل بَني جنسك , وجيلك .. مثل قلبك ما ألاقي ..! ومثلي ما تلقى أكيد ! يعني ما عندك بديل ومستحيل ألقى بديلك ..! يا غزالٍ . . . . . شُوف قلبي ما يبي غيرك يصيد ولا بغيتك ..أدري وينك أسمعك , وأتبَع [ سليلك ] ..! إجلس بْـ عرش الفؤاد ولك ، أحاسيسي عبيد وإعتبر قلبي النهار , وقمرةٍ .. تضوي في ليلك ! ياللِّي شيَّعت المفارَق ....., إشرَب وصالي ، و زيد .. خذ دفا إحساااسي و " إدفا " كان بردك هد حيلك ..! يا أجيلك أو تجيني ! هذا هو : الحل الوحيد .. وإنتَ قرِّر يا حبيبي .. يا تجيني يا أجيلك ! : http://www.shathaaya.com/vb/images/smilies/i.gif أحمد الصانع |
رد: - كمِّل جميلك ..!
سلوى مميزة الاختيار كليمات كلها مشاعر منتثرها فى متصفحك المميز بكل رقه فلآ تبخلي علينا بإنتقآءك الرآئع والمميز شكراا بعدد النجوم واكثر تقبلى تحياتي وتقديري |
رد: - كمِّل جميلك ..!
أمل أسعدنى مرورك الأكثر من رائع كونى هنا دوما سلوى |
الساعة الآن 12:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0 (Unregistered) Trans by