( الكمية ل 3-4 أشخاص): الخطوة الأولى: صدور دجاج... قطعتين لكل شخص 3 فصوص ثوم مدقوقة زيت زيتون شرايح الفلفل الأحمر المجفف ملح - فلفل أسود أوريغانو جبن بارميزان جبن موزاريللا بقدونس مفروم نجيب صينية بايركس و ندهنها بزيت الزيتون و نوزع فوقه الثوم و شرايح الفلفل الأحمر... نرقق صدور الدجاج و نخليهم متساوين في السمك، و تقدرون تستخدمونها على طول بدون ترقيق إذا تحبون... بعدين نحطهم في الصينية و نتبلهم بالملح و الفلفل و الأوريغانو و نقلبهم عالوجه الثاني عشان يتغطون بزيت الزيتون و الثوم الخطوة الثانية: و نحتاج فيها صلصة الطماطم... نقدر نستخدم الصلصة الجاهزة اللي نستخدمها للباستا أو البيتزا، أو ممكن نسويها في البيت... و هذي طريقتها: 4 حبات طماطم كبيرة و ناضجة، مقشرة و مقطعة أرباع 3 ملاعق كبيرة معجون طماطم نص كوب ماء زيت زيتون فصين ثوم مفرومين ملح – فلفل أسود – أوريغانو في قدر صغير عالنار، نحمي شوي من زيت الزيتون و نحمر فيه الثوم... بعدين نخلط الطماطم و معجون الطماطم و الماء بالخلاط الكاس، و نضيفها للقدر و نبهرها... نخلي الصلصة تغلي لحد ما تتكثف و تصير ثقيلة مثل الجاهزة... الخطوة الثالثة: و بنحتاج فيها خبز محمص مثل اللي نزين فيه السلطة أو الشوربة... تقدرون تستخدمون الخبز الجاهز إذا متوفر أو ممكن تسوونه في البيت و في نوع جديد ممكن تستخدمونه بعد اسمه Twistos ، طعمه جداً لذيذ... مثل اللي في الصورة... و طريقتي: خبز صامولي مقطع مكعبات متوسطة الحجم زيت زيتون ملح الثوم – فلفل أسود – أوريغانو نحط الخبز في صينية فرن و نرشه بزيت الزيتون و البهارات، و ندخله الفرن على حرارة متوسطة عشان يصير لونه ذهبي، و انتبهوا لا يحترق لأنه يتحمر بسرعة... الحين نجي للتجميع نصب صلصة الطماطم اللي سويناها فوق الدجاج... و فوقه نرش نوعين الجبن، و كمية الجبن تعتمد على حجم الصينية، لأنه لازم نغطي الوجه كله، لكن مو شرط تكون الطبقة سميكة... و فوق الجبن نوزع الخبز المحمص، و نرجع مرة ثانية نرش طبقة ثانية من الجبن و فوقها البقدونس المفروم... (أنا نسيت و ما حطيته ) نغطي الصينية بورق الألمنيوم و ندخلها الفرن لمدة 35 دقيقة، بعدين نشيل عنها الألمنيوم و نحمرها لمدة 10 دقايق... أنا قدمت معاها خضار مشوية بالفرن، و هذي طريقتها: بطاطس مقطع ويجز جزر مقطع حلقات عريضة و ممكن تضيفون الخضار اللي تحبونها، كوسا أو بروكلي نحطهم بصينية فرن و نرشهم بزيت زيتون و ملح و فلفل أسود و اوريغانو، و للي يحب نكهة الثوم ممكن تضيفون ثوم بودرة... نحمرهم بالفرن في الرف الأخير و لمدة نص ساعة، و طبعاً لازم نقلبهم عالوجه الثاني بعد مرور نصف الوقت عشان يتحمرون عالوجهين... و هذا شكل طبقنا الرئيسي لما طلعناه من الفرن... و هنا مع الخضار المشوية...