صور حديقه الحيوانات بالرياض الحديقة ماشاء الله على درجة عالية من التنظيم والنظافة والمساحات الخضراء وبأشكال حلوة وفيه أماكن محاطة بالرذاذ اللي ينعش الجو وفيها كم نافورة بتشوفونها إن شاء الله بتقريري ويميزها أنو كل ماتمشين لك عشر خطوات تلاقين أكشاك للبيع مشروبات وعصائر ومثلجات يعني ماتحتاجين تقطعين مسافة كبيرة عشان تحصلين لك قارورة ماء والا علبة عصير وفيها كشك واحد لكوب الذرة وكشك آيسكريم كونزون وأكشاك للرسم والتلوين على الوجه وبيع ألعاب ومجسمات حيوانات وهيك شغلات المهم كثرت عليكم حكي بس حبيت أتكلم عنها بشكل عااام .. طبعا أريد أوضح مواعيد الزيارة وتقسيم الأيام على حسب جدولهم مع أني مصورة لكم لوحتهم بالتقرير بس وحدة تحب الحكي الكثير وش دخلكم يوم السبت صيااانة يعني لايروح أحد منكم متحمس إلا ان كان وده يساعد هالبنقالية بشغلهم يوم الأحد رجااال يوم الأثنين نساء يوم الثلاثاء الفترة الصباحية (رجال ) والفترة المسائية (عوائل ) يوم الأربعاء الفترة الصباحية (رجال ) والفترة المسائية (عوائل ) يوم الخميس عوائل من الساعة 9 الصبح إلى أذان المغرب يوم الجمعة عوائل من بعد صلاة الجمعة إلى أذان المغرب الفترة الصباحية تبدأ من (الساعة 8 ونصف صباحا الى 12 ظهرا ) والفترة المسائية تبدأ من ( الساعة 1 ظهراً إلى أذان المغرب ) وأسعار الدخول <<< أهم شي 10 ريال ( للكبار ) 5 ريال ( للصغار إلى عمر 12 سنة ) مجاناً لأعضاء منتدى العرب المسافرون <<<خخخخخ مجاناً للأطفال أقل من 3 سنوات .. بعد إن أنتهينا من التفاصيل أترككم تستمتعون بالصور وبنزلها كلها دفعة واحدة من غير تعليق وإعذروني إذا أنا ماكتبت أسماء الحيوانات لأني بس أتفرج وأمشي ما أحرص إني أِشوف الإسم بسم الله بادئ كل ذي بدأ