اقتباس:
المشاركة الأصلية كتبت بواسطة بسمه أمل
هلا فيكـ أخي الكريم عاشق الاهلي
نورت شخصية الاسبوع
وحياك الله
وعندك كم سؤال عندي
موقف حصل معاك مضحك ماتنساة
وموقف حزين ايضآ؟
اللون المفضل لديك؟
أجمل بلد زرتها غير مناطق اللي بي في مصر
انا اريد خارج مصر
وتقبلني كل التقدير والاحترام
كون بخير
|
اهلا بيكى بسمه امل
وزى ماقلت قبل كده والله المنتدى منور بالناس اللى فيه
وابدأ اجاوب على الاسئله
الموقف المضحك اللى حصل معايا ولن انساه بجد
وانا قلته قبل كده فى المنتدى اول مره أأذن فى حياتى فى المسجد
لغبط فى الاذان بطريقه غريبه جدا جدا وكنت مرتبك جدا
وياعينى على الناس اللى كانو قاعدين ورايا وانا بأذن بعد مااذنت
مش عايز اقلكم عملوا ايه
ومن ساعتها وانا كل ما افتكر الموقف ده يجيلى حاله هستيريا من الضحك
اما الموقف الحزين
هو فى موقف على المستوى الشخصى اثر فيا جدا جدا بقيت مش عارف الم نفسى ولا اسيطر عليها ولن انساه ابدا مهما طال الزمن
احب احتفظ بيه لنفسى
وموقف رياضى لما الاهلى خسر كاس افريقيا من النجم الساحلى فى القاهره كان يوم صعب جدا
اللون المفضل لدى
الاحمر طبعا
انا ماخرجتش خارج مصر
لكن اجمل بلد زرتها ومش بس زرتها وعشت فيها كمان اربع سنين مده دراستى هى اسكندريه
بموووووت فيها وبعشقها وخصوصا البحر
لما اقعد على البحر بنسى نفسى
وبحس انه بيكلمنى وبيسمع منى الكلام اللى انا عايز اقوله
شكرا بسمه امل على اسئلتك الخفيفه جدا جدا