والله يا جماعة الخير مو انا كاتبه ذا الموضوع بس انا احمد ربي كثير لأني قرأته’’’ منقوووووول يا بخت العوانس ..ادخلي وراح تحمدين ربك على النعمة والله ما أقولها سخرية بل غبطة .. أنا أغبطتكن على السعادة والراحة التي انتن فيها تقولن ليش وكيف ؟ اولا : مالك الاّ هم نفسك وبس تنامين متى ما حبيتي وتصحين متى ما حبيتي وما فيه احد يزعجك ويوقظك من نومك وما فيه طفل رضيع ينغص عليك نومك .. تقولين الأمومة حلوة ؟؟! أقولك : إيه , لكن ضريبتها قوية لها ضريبة جدا قوية وضرائب الأمومة القلق والخوف والسهر والألم ووووو كثير ما اقدر أحصيها ثانيا : احسد كل عانس على صلاتها تستطيع ان تصلي و تقوم الليل وتصلي بخشوع وطمأنينة بعكس اللي عندها بزران صاجينها ومو مخلينها تركز في صلاتها هذا يدورها وهذا يدفها وهذا يضحك ويضرب أخوه قدام وجهها وماهي لاقية وقت تمسك المصحف .. الى غير ذلك من العبادات.. الصوم وحفظ القران وغيره وترى والله ما فيه أحلى من العبادة لان فيها غسيل الروح من متاعب الدنيا .. اذكر قبل الزواج كنت أتلذذ حتى بتسبيحي واستغفاري والحين نادرا ما ألقى وقت والله المستعان ثالثا : تقدرين تروحين المكان اللي يعجبك وتسهرين وتحضرين أعراس ومناسبات وبالك مرتاح لان ما فيه وراك احد لاني بعد ما تزوجت وجبت البزارين نسيت نفسي وصرت مرابطة ليل ونهار في بيتي وطفشت من كل شئ .. لا اقدر أروح لأحد من دوشة عيالي ولا اقدر أخليهم عند احد لان محد يتحملهم وووو هموم كثيرة مرة هذا كله كوم ومشاكلهم الصحية كوووم ثاني هذا يكح طول الليل فاقعن اذنك بصوته !! وهذا حرارته مرتفعة لازم تكمدينه !! وهذا يبكي لازم ترضعينه واذا مايبغى يرضع دوري به في البيت "تقل دورية " !! وهذا وراه مدرسة لازم يداوم واذا جاء تذاكرين له !! وللأسف كل هالهموم ومحد يحس فيك اذا بلاك الله برجال يسخر منك اذا ونيتي وشكيتي وبعدين اذا كبروا نسيوك وطشوك في دار المسنين زين اذا ودوك الدار احسن من يطشوك في الشارع !!!! زمن الله يكفينا شره ... والرجال راح يتشبب مع بنت ثمان طعش رابعا : الطبخ وما ادراك ما لطبخ والمطبخ هذا ياذيك يفتح الثلاجة وهذا يمسك السكين ويطرد أخوه وأنتي تجرين بالبصلة في يدك تمسكين هذا وتبعدين هذا وعلى بال ماتكشنين الا ضغطك صاك الالف وراجع .. هذا كله غير السفرة اذا حضرتيها يحوسونها قبل ماتكملينها هذا ياكل وهو واقف وهذا يناقر اخوه ويقول انا جنب ماما وهذا يضحك ويغص وانتي تدبدبين على ظهره وتسكتين الباقيين لايضحكون عليه وياهي لقمة ناشبة في حلقك تبلعينها بقهر من تصرفاتهم لا وإذا كمل الناقص المعزّب وقال لك : ليش الغداء ملح ولا ليش سامط ولا ليش الصلصة كثيرة احمد ربك انك حصلت بلعه تبلعها انت ووجهك ! خامسا : نوم القايلة "الله يرحمه " طبعا بعد الغدا المعزّب يروح ينام ويهدد ويتوعد لأحد يزعجني وإذا سمعت صوت عيالك ياويلك ! وانا وش ذنبي ؟؟!! يظن نفسه في فندق خمس نجوم وأنتي تقضين وقت القايلة بين اسكت وكفخ ومكفوخ في هذا وذاك الله ياني كنت مغرومة بشئ اسمه نوم قبل الزواج كنت استمتع بنوم القايله تخصصي كان نوم قايلة وليل والحين اتذكره وابكي ..تهي تهي تهي الزواج بالنسبة للمرأة حتى لو صار عندك شغالة انك تصيرين كوكتيل ( ام + زوجة + ممرضة + طبيبة + مربية + معلمة + طاهية ربة بيت ) ووو وو كثير طبعا لعيالك وبيتك وزوجك لا تنسوا يا متزوجات؟؟؟؟ بما ان الفاس طاح بالراس اصبري واحتسبي الاجرررررررررر وتذكري!!!! من ماتت وزوجها راض عنها دخلت الجنه مع خالص حبي لكم اهل صدفه