[ساجده]

س1:"تأملت مرة ً في تاريخ الإنسان العربي فوجدته محلق بجناحيه منذ القدم رواحلهم مثقلة بالأحمال إلى أقصى البلاد ..ثم الانسان اصبح يستمع الي الاقوال المخافلة فيصنع تلك الحجة وذلك المكر ليرحل بقومة وقبيلته ..وأوس وخزرج وقبائل حلت رحلها في كل شبر وموضع ..من المعمورة ..إلى أن نصل الى هذا الكم الكبير

واقع نزف الهجرة عن الاراضي العربية هو سبب في الازمة السياسية ...وهل الإنسان العربي والمصري خاصة شريك في هذا التمزق ..كيف ترى نهاية الدرب نحو الإستقرار في بلد السعيدة ؟ ..


بالله عليكى ده سؤال ولا ايه بالظبط

لا اله الا الله

ماشى عموما انا هاحاول اكون مختصرة كعادتى

لانه انا اهلى عاوزينى

الله يسامحك ياجاابر انت السبب

ماعلينا بموضوع التعبير اللى فوق

واقع نزف الهجرة عن الاراضي العربية هو سبب في الازمة السياسية ...

الازمة السياسية ليها اسباب كثيرة وقديمة ومتوارثة واعتقد انه الشعوب بنظر حكامها اقل من انهم يكونوا سبب رئيسى لازمة سياسية

احنا مجرد فروع او بتعبير مصرى شماعة نتحجج بيهم كأسباب

وهل الإنسان العربي والمصري خاصة شريك في هذا التمزق ..

الانسان العربى شريك بنسبة 99% فى كل اللى بيحصل حوله كفاية انه سلبى ومتواكل

كيف ترى نهاية الدرب نحو الإستقرار في بلد السعيدة ؟ ..

العدل ثم العدل ثم العدل

لو انه الانسان بيحس بعدل مكانه اكيد ماراح يتركه

انما تعليم 16 سنة وممكن يزيد عليهم شهادات ودراسات عليا والخ الخ

وبالاخر لا يوجد مكان ليك

ليه ؟ كده هو كده

طيب الاقى مكان اقل لا برضه

يبقى خلاص ادور على مكانى حتى لو فى اخر الدنيا

على عهد عمر بن عبد العزيز لم يجد اى فقير يوزع عليه الزكاة

تخيلى يشترى بيهم حب وينثروا على الجبال تأكل منه الطير

اعتقد وقتها محدش كان بيهاجر ولا بيترك بلده

والله انا مش عارفة اذا كنت جاوبت كويس ولا لا يامس

بس اهو على اد الحال