نحنا ويين
نحنا ويين من ارض ألصحابه الحسن والحسين
غير خبروني اليوم نحنا ويين
نحنا من
نحنا عرب و ألا مجرد ظن
أكملنا حكاوي بين من وعن
نحكوا على الأمجاد في حطين
انقولوا العرب فيها أقلوب أتحن
و عمر العرب ما يسكتو عل الدين
عدن أسنين امعا أسنين مضن
و نحنا على هل الحال مخدوعين
ذبحو القدس جهزوه كفن
جثمان الحضارة ثالث الحرمين
وقلنا ايجينا يوم فيه أنشن
أحروب عل اليهود وعل الكفر الاثنين
لعند أيتحرك قبر
قولوا من
كردي انقولوله صلاح الدين
و ايش مازال
دخلوا العراق و ذبحوا الأطفال
ضربوا الصبايا وقتلوا لرجال
شالوا الروس و قطعوا ليدين
شيء في الجنوب و شيء في الشمال
داروا مهازل في عرب حيين
إنزال يفشل ينجحوا في إنزال
ايريدوا ايبيدوا شعب في يومين
غير نحنا ويين
غير نحنا ويين من عرب تختال
و من طفل رأسه منقسم نصين
المفروض رآنا رابطين أحبال
و درنا مشانقنا عليش عايشين
اي الجراح يجب ان نبكي يا فاضل
و الى متى و نحن مجرحون
شكراً اخي فاضل على الكلمات الرائعه
و بلرغم من روعتها الا انها قليله على الوطن الغالي
تقبل مروري و خالص تحياتي
جابر المجبري