إذا كنا مقررين نروح المانيا اكيد مافي مكان اروع ولا اروق من جنوب المانيا وبالتحديد Black forest الغابات السوداء_ بالالماني "شفارتز فالد" ممكن نعتبر منطقة الغابة السوداء وحده من اجمل مناطق المانيا الريفية الهادئة لطبيعتها الرائعه.. الغابات السوداء من المناطق السياحية الاوروبية الشهيرة وسياحها يجون لها من داخل المانيا وخارجها.. بالصيف طقس جميل وطبيعه غنية وغابات كثيفة وبحيرات صافية وقمم جبلية وبالشتاء تزلج على الجليد بعد مايصير لون الجبال ابيض بمنظر يرد الرووح الغابة السودا منطقة غابات جبلية يعني جبال في غابات وغابات بجبال تبدأ من ولاية "بادن فورتمبيرغ" وتمر بولاية بافاريا الالمانية من جهة الشرق وفرنسا "اقليم الالزاس" من الغرب وسويسرا "بازل" من الجنوب وسموها بالبلاك فورست لان غاباتها تكون سودا وخاصه بالليل بسبب كثافة اشجار الصنوبر.. وتتميز هالبلاك انها تضم مدن المانيه كبيره مثل شتوتغارت وبادن بادن من جهة الشمال واوفنبورغ وفرايبورغ في الوسط اضافة الى مئات القرى الصغيرة والمزارع والحقول بوجود بحيرات وشلالات وجداول مائية ومراعي خضراء واسعة تتداخل مع الغابات خاصة من جهة الجنوب سويسرا... مدينه فرايبورغ شلالات الغابه اكثر شي ممكن يميز هالغابات هي الطرق البريه والممرات اللي حددوها بالجبال لهواة المشي بالدراجات الهوائيه الطرق تبدأ من فالدفيغ و تمر بالغابات والمراعي ومنها لقمم الجبال اللي ممكن نوصلها بالمقاعد والعربات المعلقة "تلي فريك"... من الاماكن المهمه اللي توفرلنا الهدوء والسكينه بالبلاك البحيرات ومن ابرز هالبحيرات " تيتيزيه " و"شلوخبيرغ" اللي مرتفعه الف متر عن مستوى سطح البحر وحواليها اكيد نلاقي فنادق ومنتجعات ومطاعم ومقاهي اضافة الى توفر قوارب نزهة وشواطئ سباحة وقرريب منها نقدر نمر على شلالات "تريبيرغ" وقمة جبل "فيلدبيرغ" لهواة التزلج على الجليد او ركوب المناطيد والطيران الشراعي والهبوط بالمظلات.. بحيرة شلوخبيرغ شلال تريبيرغ احلى شي ممكن نسويه اذا رحنا الغابات انو نقدر نسافر بيوم واحد بس بين مدن جنوب المانيا ومدن حدود جنوب المانيا سوا بفرنسا ولا سويسرا..