Gonneranlage غونرانلاج (حديقة الورود) اذا انت\ي يا أيها السائح كنت انسان رومانسي وودك تهدي شريك العمر ورد بس روحو لهالحديقه الراائعه اللي اسسها هرمان سليكن تكريم لزوجته.. تتفتح الورود من بداية مايو لاكتوبر وتوصل لحد 400 صنف من الورود وحتى هاذي الورود لها اسماء مو طبيعيه زي مثلا ، مثل بحيرة الإوزة، هوى مفاجىء، الحب الذي يحترق والحب الساحر.<روايات مو ورود غير انه موجود بالحديقه تماثيل ومجسمات منحوته بشكل فني وبالوسط نافوره اعطت المكان لمسه رومانسيه.. شلالات جيرولدسو.. اذا رحنا للشلال بنشوف المويه وهيه تخرج من بين الصخور وتتكون باسفلها بركه فيروزيه حواليها الورود والاشجار وعلى طول بنفهم السبب اللي خلى الفنانيين يقضو اغلب وقتهم عند الشلال ومنهم المؤلف الموسيقي الالماني برامز والرسام الفرنسي كوربيه.. خلاص تفرجنا عالشلال ممكن نروح نرتاح بفندق باتهوف الخشبي القريب من المكان قبل لانكمل المشوار.. فندق باتهوف كيف نوصل للشلالات اما مشي من بانورامافيغ ومواقف فناكير للسيارات او نوقف السياره على طريق "جيرولدسووير شتراسه" ونوصل للمنطقه.. خلاص روقنا نكمل رحلتنا اللي بتكون لاحد منتزهات بادن بادن.. لشتنتالر اليه Lichtentaler Allee شارع "لشتنتال" كان عباره عن شارع تجاري بسيط لكن مع الوقت صار اهم شارع في بادن بادن.. يحب كثير من الطبقه الراقيه وحتى المسافرين الكلاس يسكنو بهالشارع.. ومع افتتاح متحف "فريدر بيردا" عام 2004 زادت اهميه المكان سياحيا.. ممكن تمشى بالشارع وتتفرج عالمحلات او بالدراجه تتمتع بمناظر الاشجار والجسور اللي يمر من خلالها نهر اوس او تشوف الفنادق الفخمه والقصور الصغيره اللي اعطت هالشارع القيمه السياحيه من 350 سنه.. نهر اووس بعدها ممكن نقرر نزورأحد متاحف بادن .. متحف بادن بادن.. بادن لها تاريخ كبير من ايام استعمار الرومان لها وصارت لها شهره خاصه عشان اليانبيع الدافئه.. المتحف فيه منحوتات وقطع فنيه من عهد الرومان ومجسمات جابوها من الكنيسه اللي تعرف باسم "ستفتسكيرتش" وفيه عملات نقديه وميداليات مميزه.. متحف فريدر بيردا هالمتحف بشارع "لشتنتال".. والمبنى اللي يوجد فيه المتحف مضاء بشكل طبيعي من نور الشمس الذي يدخله من شبابيكه الواسعة صمم هالمتحف المهندس الأميركي الشهير "ريتشارد مايير". القطع الفنية المعروضة هنا تشمل 500 لوحة زيتية، رسومات، ومنحوتات، وأشياء أخرى تحكي عن تاريخ الفن خلال المئة سنة الماضية. قسم من المتحف يغطي الفن الكلاسيكي الحديث، وعلى أعمال للفن التعبيري لفنانين المان زي "ماكس بيكمان"، و"ارنست لودويغ كيرتشنر"، و"اوغيست ماكيه". ومجموعه من اخر اعمال "بابلو بيكاسو". اللوحات التعبيرية التجريدية وعليها توقيع الرسام الأميركي "جاكسون بولوك"، والجداريات اللي تحكي عن الـتأملات نلاقيها برضو ومدون في أسفلها إسمي "كليفورد ستيل" و"مارك روثكو"... تحتل لوحات الرسامين الالمان مثل "جورج بازيليتز"، "سيغمار بولك"، و"جيرار ريتشر". قسم كبير من المتحف.. وبنهاية اليووم الثاني نروح للاوبرا Festspielhaus صالة الحفلات الموسيقية والأوبرا للي يحبو المسرحيات الموسيقيه والمقطوعات الكلاسيكيه دار الاوبرا في بادن بادن تعتبر ثاني اكبر صاله للاوبرا في اوروبا افتتحت سنه 98 واللي يميزها تقنيات الصوت المتطوره فيها اللي تعطي المسرحيات الموسيقيه المتعه والروعه آن صوفي موتر"، "دانيال بارينبويم"، "كانت ناغانو"، "بالاسيدو دومينغو"، "جايمس ليفاين"، "توماس هامبسون من ابرز الفنانين الكلاسيكين اللي دايم يتواجدو بالصاله..دار الاوبرا فيها حوالي 2500 مقعد..