لما اقول اهديك وردة
ملقاش غير طينك
أقطف منه
ولما اقول اهديك غنوة
ملقاش غير حبك
اكتب عنه
ولما اقول اهديك حبى
ملقاش غير قلبك
اتعلم منه
يا بلادى
يا حته من قلبى
يا كل ناسى
وكل حبايبى
يا كل الامان
مهما الزمن خان
نلقاكى واقفه
تدادى وتحنى
يا بلادى يا حته منى
يا مصر حروفك نغم
ميمك محبة لكل صحبه
صادك تصد عنك اى عصبه
وراءك يا مصر
تروى الأحبه
باشكرك يا ربى
ان مصر هى بلدى
وان لما يسالونى
اقول انا مصرى بن مصرى
فكل حته ليكى صوت
واعلى صوت
يا مصر فى عشقك انا
اموووووووووووووت
واموت عشانك وفداكى دمى
الله على الفرحة
لما تصحى الكلام
وتقول للقلم اوعاك تنام
تعالى واكتب
فى حب مصر
هو ده احلى الكلام
وانتى يا غنوه
يلا غنى
وانتى يا طيور
املى السما
وروحى لحد الشمس
وقولى مصر اليوم
مصر بكرة
وكانت الامس
يارب يعجبك
يا مصر كلامى
كل ما اقول خلصت
يجرى الكلام قدامى
يقولى لسه
فيه كتير عنك يتقال
يا بلد الصعب
وتقل الاحمال
لكن يا غالية
انتى ليها
بولادك
بارضك
بنيلك
بكل ما فيكى
كل حاجة حلوة
انتى معانيها