اشكرك اميره على الاستضافه وعلى احلى توريطه
اشكرك على المقدمه الجامده جدا
حقيقى اخجلتى تواضعنا بالمقدمه الرائعه
ربنا يقوينى وارد على الاسئله
الحاله النفسيه بعافيه النهارده شويه
بس انا ما اقدرش ارفض لك توريطه
نبدا على بركة الله الاسئلة
الاسئلة العامة
ماذا يعني لك المنتدى ؟
المنتدى بالنسبه لى بيتى التانى او بمعنى اصح بيت العيله
هنا بلاقى الاخ والاخت والصديقه الللى بفتقدهم فى الغربه
عضو تفتقده؟
هدهد
يارب تكون بخير
وكل عضو له بصمه فى المنتدى اكيد بفتقده
هل فكرت يوماً للأنسحاب من المنتدى ؟ لماذا؟
اى نعم
فكرت كتير
بس كل مره اقول بلاش
ابعد شويه وارجع تانى
لو رجع بك الزمن إلى الوراء من تتمنى أن يرجع لك ؟
اه من السؤال ده
النهارده بالذات اتمنى الزمن يرجع لى بابا الله يرحمه
لان النهارده سنويه بابا بقى له 4 سنين متوفى
علشان كده الحاله النفسيه النهارده بعافيه
بس فعلا اتمنى بابا يرجع لى تانى
الدنيا من غيره وحشه اوى
حياتى ناقصها حاجه
حاسه ان فى حاجه كبيره اوى ضاعت منى
حاسه انه اخد قلبى معه
اخد معه فرحتى مفيش حاجه بقت تفرحنى من بعد فراقه
ياريت بابا يرجع لى تانى او على الاقل الزمن يرجع بس 4 سنين
واشوف بابا ويتوفى وانا جنبه مش بعيد عنه
وحشتنى اوى يا بابا يا احن واطيب اب فى الدنيا
واسمحى لى بقى بفاصل الى ان تجف الدموع