صباح الخير عليكم يا حلوين
جمعه مباركه ودعاء مقبول ان شاء الله
ورجعنا بعد الفاصل اى نعم الفاصل طول شويه
بس معلش استحملونى
لو اهديت سفرة عبر الزمن إلى أي زمن ستسافر الماضي أو المستقبل ؟ لماذا؟
اسافر للمستقبل
لانى اتمنى ان المستقبل يكون افضل من الماضى
واكيد الغربه هتنتهى فى المستقبل
يبقى المستقبل احسن من الماضى
باقة ورد لمن تهديها ؟
اهديها لامى
لانى بحبها اوى وهى كمان بتحبنى جدا
و كمان ماما تعبت علشانى انا واخواتى كتير
ولغايه النهارده بتتعب علشانا
ألاسئلة الخاصة .
لماذا أخترت أسمك المستعار ؟
انا جيت اسجل ام منه
لاقيت ام منه مسجل قبل كده
فقولت ام بسمله
هل فكرت يوماً أن تغير أسمك ؟ لماذا ؟
لا اغيره ليه
أمنيه تتمنى تحقيقها؟
والله على المستوى الشخصى
اتمنى غربتى تخلص
زهقت منها
ولكن الامنيه الحقيقيه
انى اشوف بنت اختى بالفستان الابيض
نفسى افرح بيها واشوفها عروسه كده زى القمر
وفى نفس الوقت برضه اتمنى ان ربنا
يرزقها بانسان كويس مش اى عريس وخلاص
لانها طيبه جدا وتستاهل كل خير
ماهي رؤيتك للحياة ؟
الحياه حلوه بس نفهمها
ههههههههههههه
ماهي التجربه التي تتمنى تكرارها ؟
والله مفيش تجربه معينه
ولكن فى حاجات اتغيرت في شخصيتى
اتمنى انها ترجع لى تانى
شخص تحتاج لقربه الآن منك ؟
صديقتى الصدوقه ولكن للاسف هى فى مصر
وانا هنا فى الغربه
ولكن دى الانسانه الوحيده اللى ممكن اتكلم معها
من غير اى حواجز والوحيده اللى تعرف مشاكلى
لان انا من الصعب ان حد يعرف امور بيتى الداخليه
لا يمكن احكى اى مشاكل فى بيتى لاى حد
حتى امى ما تعرفش حاجه عن مشاكلى
لكن صديقتى حبيبتى ام عبدالرحمن
دى مركز الفضفضه بالنسبه لى
علشان كده لما اتصلت بيها امبارح اكلمها واطمن عليها
اتخضت جدا وافتكرت ان عندى مشكله
والحمد لله الاسئله خلصت والتوريطه انتهت على خير
والقاكم قريبا فى توريطه جديده مع اميره القمر