[نور]

(( المــــــــــرايا ))



المرايا.. وجهي اللي تمليت
آه يا وجه المرايا ..
انت انا .. والا سوايا ..

محدٍ خذا وجهي
لبسوني قناع ..
وانت .. لا تسال .. ولا ترتاع ..
كدر حصاهم صفحة الما ..
لا ياصلون القاع
أعرف أنا نفسي
بس ودي تقول .. من أنا
إلى متى صمتك يطول .. مين أنا
كلٍ يسميني بإسم .. ما هو اسمي ..
وانت تناظر .. تبتسم ..
آه .. يا وجه المرايا ..
لا انت أنا .. ولا إنت سوايا

هذا وجهي يالمرآة .. ورده وصارت حصاة
قمت أقلبها بنظر .. وآه يا كثر الحصى
ذا حجر .. وذا حجر ..
وينك إنتي يالصور ..
ذكرىوجهي اللي فات .. وجهي الباقي
اللي في أعماقي .. وجهٍ عرفته غير ..
آه .. يا وجه المرايا ..
إنتي أنا .. وأحدٍ سوايا ..