لا تسأل اللي قضى ... عمره على صبره !
..............انا طوتني هموم ... الوقت مـنصغـري
كرهت وضعي ... ولكـن ماقـدرت اكـره
...................آمالي اللي تجسّد ... في جفـن سهـري
اشوف حالي تغيـر ... واختلـف فأمـره
.................الحال مزري ... وهم اللي رحـل مـزري
العيد مابه فـرح ... لاصـار بـه عبـره
...................والدمع مايصـدق إلا ... لا ذرف شعـري
والحزن له داخلي ... سكره ورى سكـره
...............احاول افيق منها ... و ارتشـف قهـري
ياما زرعت الرجا .... بقطف منـه ثمـره
..................والشوك ناتج محاصيلي ... علـى فقـري
اصل البحر لو تزيـده ... دمعتـي قطـره
..................فاض البحر ورتفع مده ... علـى جـزري
لو الاماني تجـي فـي ... وقتهـا بكـره
..............ما كنت ابتبع سراب ٍ .....فالعرى يجـري
ياصاحبي لاتزيـد .... المنتظـر حسـره
.....................تراه مابـاع مـن قـدره ....ولا يشـري
احتجت لك في ... قساوة وقتي وعسـره
............... وين انت في وقتها ! ... كنك ولا تـدري
ياما زعلتك رضـا .... ماينقبـل عـذره
..................ياما بكيتك فرح .... ماجـاد بـه فكـري
ذكراك جمره وانا ... قلبي علـى الجمـره
.................لو ماطريتك حـرارة ... جمرتـك تطـري
مابيك ترحـم فهـد .. وابيـك لا تشـره
...............لو شفتني ضاقت انفاسي ... على صدري
دنيـاك هـذي تهـد الحلـم ... وتعمـره
...................لكنها هـدت احلامـي ... علـى عمـري
كيف؟ تنساني وانا اصلاً لو نسيت
انسى خلق الله عشانـك واذكـرك .....................
كيف؟ تجفاني وانا مهمـا جفيـت
مستحيل انسى وصالـك واهجـرك ...................
من لمحتك في عيونـي ماختفيـت
دايـم وعينـي تشاهـد منظـرك .........................
انت تدري ؟ وإلا تـوّك مادريـت؟
مستعد اخسـر كيانـي مخسـرك.........................
والله إنك لو علـى قلبـي خطيـت
كثـر ماتخطـي ترانـي بعـذرك..........................
لكن ارجـع لـي ترانـي انتهيـت
مقدر اقضي كـل عمـري انطـرك........................
صرت احبك حتى لو عيبك قسيـت
من كبيرك صرت احبـك لصغـرك...................
كم على شانـك تعذبـت وشكيـت
رغـم هـذا مانـي قـادر انكـرك ..........................
والله إنـي ماتوقعـت وهقـيـت
اقدر العالـم ! وعاجـز لا قـدرك .........................
اشعر انك معي ماعمـرك وفيـت
بس اكـذب واقعـي واستشعـرك .....................
ليه تبخـل ؟ ياحبيبـي ماعطيـت
وإلا هـو تأكيـد حبـي غيّـرك ؟...........................
ليـه تهـدم ؟ ياحبيبـي مابنيـت
يعني قلي ليمتـى وانـا اعمـرك.............................
كلي اشقى وانـت بالدنيـا لهيـت
تسمر وتلهى وانـا دوم اسهـرك......................
انقهر وآغيض واسكت ماحكيـت
حالتـي حالـه وعيـت تقهـرك.......................
في شعورك كنك البحـر المميـت
والمحبـه تجبـر انـي اعـبـرك............................
حس فيني دامنـي فيـك ابتليـت
والبـلا حلـه تـرى مايعـسـرك.........................
القصايد عنك تكتـب بيـت بيـت
اكتب احساسي وثرني اشهـرك ! ................
لولا ان الحـب الاكبـر للكويـت
المطيـري جايـز انـه يـأسـرك...........................
بإختصار ! ان كنت تنهي مابديت
لك عليّ اني على طـول اهجـرك...................
والصحيح ان كنت ترجع لي ياليت
وقتها مـن كـل قلبـي بشكـرك....................