[ملكة بإحساسي]

..ميونخ الألمانية..

وصلنا إلى مطار ميونخ صباح يوم الأحد بتاريخ 23 يوليو

انتقلنا بالقطار under ground من المطار وحتى وسط ميونخ الشخصين ب 9 يورو

وكان الفندق قريب من محطة القطارات الرئيسية البان هوف .. ارتحنا في الفندق

وهذه اطلالة من الغرفة.. شوفو الغيوم كيف .. الصراحة استقبلتنا ميونخ برشه من المطر والبرد . . وأكلت حبة بردي

الفندق كان 4 نجوم اسمه ريجنت Regent Hotel وكان سعر الليلتين ب 728 درهم اماراتي

بس صراحة انا اقيمة 3 نجوم لأن الصور غير عن الطبيعة.. وما فيه خدمات في الغرفة ولا في الحمام أعزكم الله..

ثم اخذنا جوله في المارينا بلاتز.. عالم من العروض الغريبة .. والمسلية أحيانا..

وهذي النافورة الكل يعرفها

وكلن يسعى لرزقه بطريقة مختلفة..

هنا اعتراض من بعض الأشخاص .. بس ما فهمت على شو معترضين .. بس الحركة غريبة ..

وهنا بائعة الزهور ..

ما أجمل الطفوله والحركات البريئة الجميلة..

كان الجو حار فترة الظهيرة ..فكان الأطفال والكبار ينزلون في النوافير للتبريد على أنفسهم

والآن أترككم في جولة في المارينا بلاتز

الكاتدرائية

وهذا المطعم بداخلها من الجنب

استراحة وسط السوق

من 4 سنوات من اول مره رحت وانا دايما استريح تحت هالشجرة..

وهالكافيه مقابل هالشجرة الميلك شيك فراولة روعة عندهم..

وهذا أحب كافية لقلبي.. من 4 سنين

ترا هذا الكافيه موجود في دبي أوت ليت

وهذا معناه بكل اللغات..

وهذي الوجبة اللذيذة اللي طلبناها.. انواع الجبن بالخضار والكافي لاتيه

هذا محل الأطفال روعة فيه دمى كأنها حقيقة

وللورد نصيب من الصور

وهذي وجبتنا من الفواكة اللذيذة

طبعا هالصور كلها خلال اليومين اللي جلسناهم في ميونخ

وصباح ثاني يوم من وصولنا توجهنا للبانهوف لشراء تذاكر القطار للتوجه لزيلامسي

خذنا تذكرتين ب 89 يورو بس للأسف في محطة لخبطنا فنزلنا في سالزبورق وخذنا تذاكر لين زيلامسي..