ما دام صرنا نرتضي سب الأسـلام
عشنا حيـاة الـذل والـذل خوفـي
وما دام صار الغرب يصدر احكـام
وحنـا ننفـذ حكمهـم بالحـروفـي
ومـا دام صرنـا للخنازيـر خـدام
يا عونة الله كيف صرنـا ضعوفـي
وما دام حكام العرب صاروا أقـزام
الجـرح بالأسـلام ينـزف نزوفـي
موت الكرامه عندهم مـوت الأنعـام
وحنـا نشجعهـم بصفـق الكفوفـي
وعلى الأماني نبني احـلام واحـلام
والغرب سب الديـن وحنـا وقوفـي
وزود الأهانه قـرروا شنـق صـدام
بالعيـد الأكبـر والخلايـق تشوفـي
جـروه للأعـدام عبـاد الأصـنـام
والحقد زايد بيـن كافـر وصوفـي
ما بين حكـام العـرب غيردرغـام
صقر العروبه كل مـا قـال يوفـي
هو الوحيد اللي شجب وقت الأعـدام
وغيره رضي وان ما رضي للذلوفي
وحيد حكـام العـرب غيـره ازلام
للديـن خـادم وللمواطـن عطوفـي
يا مـا تكلـم كـل عـام ورى عـام
وغيره يهان الديـن شـوف بشوفـي
فان كان بو سا مي من الوضع منضام
فالنـار تحرقنـي وتجتـاح جوفـي
الوضع نفس الوضع ما دام الأخصام
من يحكم شعوب العرب مثل كوفـي
ولعـل حاكـم بـدل الديـن بأنظـام
شمسه عساهـا يـا سعـد للكسوفـي