[اميرة صدفة]

( اجــواء رمضَـان بـالجـزائـر )

يا مرحبا بالاحبـــاب
الغاليين في دارنـــا
آل صافي الطيببين ......
شرفتونا يا فرحتنــا
هذا رمضان الزيــن
وانتم اليوم ضيوفنـــا.....
واحنا نحبو الضيف
الي مثلكم ونحطــوه

..... على راسنا وف عيونـــا
نجول بيكم في مدينتنا والاسواق
وفيها تشمو ريحة رمضان
.... تشهي المشتــــاق
فاكيه وخضرة لتحضير
.... أشهى الأطبــــاق
وقطايف وزلابية بوفاريك
والجوزية تذوب ف الاحــــلاق .......

ندخلوا للدار، انتم الشباب روحو
ترتاحو حتى حــيــن
والصبايا تدخلو معايا للمطبخ
وتشوفو بالعيـــن
انا وامي نوجد الفطور
للضيوف الحلــــويـــن

أذن المغرب كسرنا الصيام
بالتمر والحليب والمــــاء .....
بعدها صلينا الرجال
مصطفين وخلفهم النســـاء ....
وقعدنا فطرنا وعن الشربة
بالفريك ما نستغنى
كولو يا ضيوفنا العزاز
.. بالصحة والهنــــــا
شربنا القهوة والشاي
وكلينا الحلويات واحكينـــا
وبضيوفنا الغاليين الفرحة ما سعتنــا......

بعدها توجهنا لصلاة
التراويح في مسجدنـــا
وسمعنا الذكر بكـل
خشوع وسالت دمعتنــا....
رجعنا للدار فــرحــانين
وعلى قصص واشعـار
الصبايا والشباب بتنا ســهــرانين....

وجاء وقت السحور اتسحرنـــا
وتوضينا ولصلاة الفجر ادينــا
ولكتاب الله جلسنا قرينــا....
وبعدها رحنا اتكينا وشوي غفينــا
كي طلع النهار ليوم جديد
من رمضان احنا بدينـــا.....

هذا الشهر العظيم لا تنســاوا
يــــــا مسلمينـــا ......
بالدعاء لأنو مستجاب
عند رب الــعــالمينــا....
والصلاة والسلام على نبينـــا
محمد أشرف المــرسلينــــا..........
""""""""""""""""