دجاج بالفرن طبق مقادير تتبيلة الدجاج } ملعقتين كبار زبادي ( روب ) .. ملعقة كبيرة صلصة الطماطم .. نصف ملعقة كبيرة زبدة .. ( ملاحظة ^ طلعوها قبل فترة من الثلاجه ... ) ملعقة صغيرة ملح ناعم ... معلقة صغيرة بهار الدجاج ... ملعقة صغيرة صفار أو صبغ الزعفران ... نخلط هذي المقادير مع بعض بعدين نغسل الدجاجه ونبدا نتبلها بالخلطة ... والافضل تحطونها على هذا اللي زي الشبك وتحتها صينيه عشان ينزل الزيت فيه .. وندخلها الفرن ... طريقه طبخ الرز : طبعا قبل نجهز الرز ونغسله لحد مايصير الماي صافي ... ونتركه منقوع فماي دافي ربع ساعه ... بعدين نغلي ماي فجدر ونضيف له ملح وربع حبه بصل ونسلق فيه الرز ونشخله بسرعه قبل مايصير لين ... بعد مانشخله ونحطه مرة ثانيه على الفرن : نرش ملعقه صغيرة من الصفار على وجهه الرز وملعقة زبدة كبيرة وشوياااا زيت في اطراف الجدر .. ونقلب الرز بشويش عشان مايتكسر ويختلط اللون الاصفر مع الابيض ونتركه على نار هاديه ... الشكل النهائي ... بالعافيه على قلوبكم